അബുദാബി മാട്ടൂൽ കെ. എം. സി. സി. ക്ക് പുതിയ സാരഥികൾ

January 2nd, 2023

abudhabi-mattool-kmcc-committee-2022-25-ePathram

അബുദാബി : കെ. എം. സി. സി. മെമ്പർ ഷിപ്പ് കാമ്പയിന്‍റെ ഭാഗമായി അബുദാബി മാട്ടൂൽ കെ. എം. സി. സി. യുടെ പുതിയ ഭാരവാഹികളെ തെരഞ്ഞെടുത്തു.

ആരിഫ്. കെ. വി.(പ്രസിഡണ്ട്), സി. എം. വി. ഫത്താഹ് (ജനറൽ സെക്രട്ടറി), ലത്തീഫ്. എം. (ട്രഷറര്‍) എന്നിവരാണ് പ്രധാന ഭാര വാഹികള്‍. നൗഷാദ്. പി. പി., ഇഖ്ബാല്‍ സി. എം. കെ., ഷഫീഖ് കെ. പി., അബ്ദുൽ റഹീം, കുഞ്ഞഹമ്മദ് തെക്കുമ്പാട്, (വൈസ് പ്രസിഡണ്ടുമാര്‍). ഇബ്രാഹിം, ഹംദാൻ മുഹമ്മദ്, ആഷിക്, അയ്യൂബ്, സിദ്ധിഖ് (സെക്രട്ടറിമാര്‍) എന്നിവരാണ് മറ്റു ഭാരവാഹികള്‍.

അബുദാബി ഇന്ത്യൻ ഇസ്ലാമിക് സെന്‍ററില്‍ ചേര്‍ന്ന ജനറല്‍ കൗണ്‍സില്‍ യോഗം മുസ്ലിം ലീഗ് മാട്ടൂൽ പഞ്ചായത്ത് പ്രസിഡണ്ട് നസീർ. ബി. മാട്ടൂൽ ഉദ്ഘാടനം ചെയ്തു. യൂസുഫ് സി. എച്ച്. അദ്ധ്യക്ഷത വഹിച്ചു. 1024 അംഗങ്ങളെ ചേർത്ത് യു. എ. ഇ. യി ലെ കെ. എം. സി. സി. ഘടകങ്ങളിൽ ഏറ്റവും കൂടുതല്‍ അംഗങ്ങളെ ചേർത്ത പഞ്ചായത്ത് ഘടകമാണ് അബുദാബി മാട്ടൂൽ കെ. എം. സി. സി. സേവന മികവ് കൊണ്ടും പ്രവർത്തന പദ്ധതിയിലെ വൈവിധ്യം കൊണ്ടും പൊതുജന ശ്രദ്ധ പിടിച്ചു പറ്റിയ അബുദാബി മാട്ടൂൽ കെ. എം. സി. സി. 2018-2022 കാലയളവില്‍ വിവിധങ്ങളായ പദ്ധതികളാണ് ആവിഷ്കരിച്ച് നടപ്പിലാക്കിയത്.

ലൈവ് മാട്ടൂൽ വിദ്യാഭ്യാസ പദ്ധതി, പ്രളയ ദുരിതാശ്വാസ യജ്ഞം, ഇ. അഹമ്മദ് സാഹിബ് ശുദ്ധജല വിതരണ പദ്ധതി, ഇൽമു സ്വാലിഹ്, ഹൃദയ സ്പര്‍ശം, കരുതൽ, തെളിച്ചം, ഇരിപ്പിടം, ആരോഗ്യ പദ്ധതി തുടങ്ങിയവയും ജില്ലാ തല ഖുര്‍ആന്‍ പാരായണ മത്സരം, എം. പി. എൽ., എം. എസ്. എല്‍. കായിക മത്സരങ്ങള്‍ തുടങ്ങി ഒരു കോടി നാൽപ്പത് ലക്ഷത്തോളം രൂപയുടെ വിവിധങ്ങളായ സാമൂഹ്യ ആരോഗ്യ വിദ്യാ ഭ്യാസ ക്ഷേമ പ്രവര്‍ത്തന ങ്ങളാണ് കഴിഞ്ഞ നാല് വര്‍ഷത്തിനിടയിൽ അബുദാബി മാട്ടൂൽ കെ. എം. സി. സി. ഗൾഫിലും നാട്ടിലും നടപ്പാക്കിയത്.

അബുദാബി ഇന്ത്യൻ ഇസ്ലാമിക് സെന്റർ മുൻ ജനറല്‍ സെക്രട്ടറി വി. പി. കെ. അബ്ദുളള, അബുദാബി കണ്ണൂർ ജില്ല കെ. എം. സി. സി ആക്ടിംഗ് പ്രസിഡണ്ട് ശിഹാബ് പരിയാരം, വൈസ് പ്രസിഡണ്ട് ഹംസ നടുവില്‍, ജനറല്‍ സെക്രട്ടറി ഷംസുദ്ദീന്‍ പരിയാരം, അബു ദാബി കല്ല്യാശേരി മണ്ഡലം കെ. എം. സി. സി. പ്രസിഡണ്ട് അഷ്റഫ് ഹസൈനാർ, സെക്രട്ടറി അലി കുഞ്ഞി, മുഹമ്മദ് അഷ്റഫ് കെ. കെ. എന്നിവര്‍ സംസാരിച്ചു.

- pma

വായിക്കുക: , ,

Comments Off on അബുദാബി മാട്ടൂൽ കെ. എം. സി. സി. ക്ക് പുതിയ സാരഥികൾ

മാട്ടൂൽ സൂപ്പർ ലീഗ് സീസൺ -5 : കിരീടം നില നിര്‍ത്തി ഇoപാക്റ്റ്

December 13th, 2022

logo-msl-mattul-kmcc-cricket-ePathram
അബുദാബി : മാട്ടൂൽ കെ. എം. സി. സി. ഷഹാമ വോൾക്കാനോ ഗ്രൗണ്ടിൽ സംഘടിപ്പിച്ച മാട്ടൂൽ സൂപ്പർ ലീഗ് സീസൺ -5 ക്രിക്കറ്റ് ടുർണ്ണ മെന്‍റിൽ കഴിഞ്ഞ വർഷത്തെ ജേതാക്കളായ ഇoപാക്ട് കിരീടം നില നിർത്തി. വാശിയേറിയ ഫൈനൽ മത്സരത്തിൽ ‘വയ അബു ദാബിയെ 6 വിക്കറ്റിന് പരാജയപ്പെടുത്തിയാണ് ഇoപാക്റ്റ് ജേതാക്കളായത്.

ഫൈനൽ മത്സരത്തിലെ മികച്ച കളിക്കാരനായി സിദ്ദീഖ് (ഇംപാക്ട്), ടൂര്‍ണ്ണ മെന്‍റിലെ മികച്ച കളിക്കാര നായി ഷാനി (എം. സി. സി.) പ്രോമിസിംഗ് പ്ലയെർ ഓഫ് മാട്ടൂൽ ആയി ഷുഹൈബ് (വയ അബുദാബി) ഏറ്റവും നല്ല ക്യാച്ച് മഷൂദ് (സി. എസ്. ബി.) ഏറ്റവും നല്ല ബൗളർ ഹാഷിഫ് (വയ) ഫെയർ പ്ലേ ടീം സി. എസ്. ബി. മാട്ടൂൽ എന്നിവരെയും തെരഞ്ഞെടുത്തു.

msl-mattul-kmcc-cricket-5-th-super-league-impact-mattool-winners-ePathram

വിജയികൾക്കുള്ള ട്രോഫികളും ക്യാഷ് പ്രൈസും മുഖ്യ പ്രയോജകരായ ബേബി പ്ലസ് മാർക്കറ്റിംഗ് മാനേജർ സാജിദ് തുന്ത കാച്ചി, യൂസഫ് സി. എച്ച്., മുസ്തഫ സി. എം. കെ., ആരിഫ് കെ. വി., സി. എം. വി. ഫത്താഹ്, സാഹിർ എ. കെ., ഇസ്മായിൽ എ. വി., നൗഷാദ് വി. സി., മുഹമ്മദ് അലി കെ. വി., ലത്തീഫ് എം., ഇബ്രാഹിം സി. കെ. ടി., അഹ്‌മദ്‌ തെക്കുമ്പാട്, റഹീം സി. എം. കെ., എന്നിവർ സമ്മാനിച്ചു.

ഫൈസൽ റജബ്, എ. സി. ഇക്ബാൽ, ഇ. ടി. സുനീർ, ഷംസുദ്ദീൻ, മഷൂദ് മാട്ടൂൽ, റസാഖ് നരിക്കോട്, അഷ്‌റഫ് ഹസൈനാർ, ഷറഫുദ്ദീൻ കുപ്പം, അലി കുഞ്ഞി, താജ് എന്നിവർ സന്നിഹിതരായിരുന്നു. സി. എച്ച്. യൂസഫ് അദ്ധ്യക്ഷത വഹിച്ചു. കെ. വി. ആരിഫ് സ്വാഗതവും സി. എം. വി. ഫത്താഹ് നന്ദിയും പറഞ്ഞു.

- pma

വായിക്കുക: ,

Comments Off on മാട്ടൂൽ സൂപ്പർ ലീഗ് സീസൺ -5 : കിരീടം നില നിര്‍ത്തി ഇoപാക്റ്റ്

കേരളത്തിലെ വൈജ്ഞാനിക മുന്നേറ്റം മാതൃകാപരം: ശൈഖ് അലി അൽ ഹാഷിമി

November 23rd, 2022

ali-al-hashimi-release-sabeelul-hidaya-islamic-college-al-nahda-magazine-ePathram
അബുദാബി : കേരളത്തിലെ വൈജ്ഞാനിക പ്രവർത്തനങ്ങൾ മാതൃകാ പരം എന്ന് യു. എ. ഇ. പ്രസിഡണ്ടിന്‍റെ മുൻ മതകാര്യ ഉപദേഷ്ടാവും പ്രമുഖ പണ്ഡിതനുമായ ശൈഖ് അലി അൽ ഹാഷിമി. പറപ്പൂര്‍ സബീലുല്‍ ഹിദായ ഇസ്‍ലാമിക് കോളേജ് യു. എ. ഇ. കമ്മിറ്റി സംഘടിപ്പിച്ച അല്‍ മുല്‍തഖ സ്‌നേഹ സംഗമം ഉദ്ഘാടനം ചെയ്ത് സംസാരി ക്കുകയായിരുന്നു അദ്ദേഹം.

കേരളവും യു. എ. ഇ. യും തമ്മിൽ പതിറ്റാണ്ടുകൾ നീണ്ട ബന്ധമാണുള്ളത്. പാണക്കാട് സയ്യിദ് കുടുംബം ആ ബന്ധത്തിന്‍റെ അംബാസഡർമാരാണ് എന്നും അദ്ദേഹം പറഞ്ഞു. അബുദാബി ഇന്ത്യൻ ഇസ്‌ലാമിക് സെന്‍ററില്‍ വെച്ച് നടന്ന സംഗമത്തില്‍ സബീലുൽ ഹിദായ പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങൾ അദ്ധ്യക്ഷത വഹിച്ചു.

സ്ഥാപനത്തിൽ നിന്നും പുറത്തിറങ്ങുന്ന അന്താ രാഷ്ട്ര അറബിക് പ്രസിദ്ധീകരണമായ അന്നഹ്ദ അറബിക് മാഗസിന്‍റെ യു. എ. ഇ. പ്രത്യേക പതിപ്പ് അലി അൽ ഹാഷിമി, ഡോ. സിദ്ദീഖ് അഹമദ് എന്നിവര്‍ ചേര്‍ന്ന് പ്രകാശനം ചെയ്തു. പതിനാറു വര്‍ഷമായി പ്രസാധനം തുടരുന്ന അന്നഹ്ദ, കേരളത്തെയും അറബ് ദേശത്തെയും പരസ്പരം ബന്ധിപ്പിക്കുന്ന കണ്ണിയാണ് എന്ന് സയ്യിദ് മുനവ്വറലി ശിഹാബ് തങ്ങൾ പറഞ്ഞു.

സബീലുല്‍ ഹിദായ പൂര്‍വ്വ വിദ്യാര്‍ത്ഥിയും ന്യൂയോര്‍ക്ക് യൂണിവേഴ്‌സിറ്റി ഇന്‍സ്റ്റിറ്റ്യൂട്ട് ഓഫ് ഫൈന്‍ ആര്‍ട്‌സ് ഗവേഷകനും കൂടിയായ സി. എച്ച്. സ്വാലിഹ് ഹുദവി പറപ്പൂരിനുള്ള ഉപഹാര സമര്‍പ്പണം ചടങ്ങില്‍ വെച്ച് നടന്നു. സ്ഥാപനത്തിലെ ഡിപ്പാർട്മെന്‍റ് ഓഫ് സിവിലൈസേഷണൽ സ്റ്റഡീസിന്‍റെ ലോഗോ പ്രകാശനം സയ്യിദ് മുനവ്വറലി ശിഹാബ് തങ്ങൾ, അബൂബക്കർ ഒറ്റപ്പാലം എന്നിവര്‍ ചേര്‍ന്ന് നിര്‍വ്വഹിച്ചു.

സി. എച്ച്. ബാവ ഹുദവി പ്രാര്‍ത്ഥനക്ക് നേതൃത്വം നല്‍കി. മുസ്തഫ ഹുദവി ആക്കോട് സന്ദേശ പ്രഭാഷണം നിര്‍വ്വഹിച്ചു. സ്ഥാപന ശിൽപിയും സൂഫിവര്യനും ആയിരുന്ന പറപ്പൂർ സി. എച്ച്. ബാപ്പുട്ടി മുസ്‍ലിയാരെ അനുസ്മരിച്ച് പ്രമുഖ വാഗ്മി സ്വാലിഹ് ഹുദവി സംസാരിച്ചു.

ഇന്ത്യന്‍ ഇസ്‍ലാമിക് സെന്‍റര്‍ ജനറല്‍ സെക്രട്ടറി ടി. കെ. അബ്ദുസലാം, സബീലുല്‍ ഹിദായ സെക്രട്ടറി ടി. അബ്ദുൽ ഹഖ്, കെ. എം. സി. സി. നേതാക്കളായ ഡോ. പുത്തൂര്‍ റഹ്‍മാന്‍, അന്‍വര്‍ നഹ, യു. അബ്ദുല്ല ഫാറൂഖി, അബ്ദു റഊഫ് അഹ്‌സനി, യു. എ. നസീര്‍, ടി. മുഹമ്മദ് ഹിദായത്തുള്ള, അബു ഹാജി കളപ്പാട്ടില്‍ തുടങ്ങി യവർ സംസാരിച്ചു.

- pma

വായിക്കുക: , , , , ,

Comments Off on കേരളത്തിലെ വൈജ്ഞാനിക മുന്നേറ്റം മാതൃകാപരം: ശൈഖ് അലി അൽ ഹാഷിമി

ബി. വി. സീതി തങ്ങൾ സ്മാരക ഫുട് ബോൾ : പാവറട്ടി പഞ്ചായത്ത് ജേതാക്കൾ

November 22nd, 2022

sevens-foot-ball-in-dubai-epathram
ദുബായ് : മുസ്‌ലിം ലീഗ് തൃശ്ശൂർ ജില്ലാ കമ്മിറ്റി മുന്‍ പ്രസിഡണ്ടും ഗുരുവായൂര്‍ എം. എൽ. എ. യും ആയിരുന്ന അന്തരിച്ച ബി. വി. സീതി തങ്ങളുടെ സ്മരണാര്‍ത്ഥം ദുബായ് കെ. എം. സി. സി. മണലൂർ നിയോജക മണ്ഡലം കമ്മിറ്റി നടത്തിയ ഫുട് ബോള്‍ ടൂര്‍ണ്ണ മെന്‍റില്‍ പാവറട്ടി പഞ്ചായത്ത് ജേതാക്കളായി.

ചൂണ്ടൽ, തൈക്കാട്, വെങ്കിടങ്ങ് പഞ്ചായത്തുകൾ യഥാക്രമം രണ്ട്, മൂന്ന്, നാല് സ്ഥാനങ്ങൾ നേടി. അബ്ഷീര്‍ (ബെസ്റ്റ് ഗോള്‍ കീപ്പര്‍), ഷുഹൈബ് (ടോപ്പ് സ്‌കോറര്‍), മര്‍വാന്‍ (ബെസ്റ്റ് പ്ലെയര്‍) എന്നിവര്‍ വ്യക്തി ഗത സമ്മാനങ്ങള്‍ കരസ്ഥമാക്കി.

kmcc-b-v-seethi-thangal-memorial-foot-ball-tournament-ePathram

സംസ്ഥാന സെക്രട്ടറി പി. എ. ഫാറൂഖ് പട്ടിക്കര, ജില്ലാ പ്രസിഡണ്ട് ജമാൽ മനയത്ത്, ജനറൽ സെക്രട്ടറി അഷ്റഫ് കിള്ളിമംഗലം, ഓർഗനൈസിംഗ് സെക്രട്ടറി ഗഫൂർ പട്ടിക്കര, യു. എ. ഇ. കെ. എം. സി. സി. ജില്ലാ സെക്രട്ടറി മുഹമ്മദ് വെട്ടുകാട്, വൈസ് പ്രസിഡണ്ട് ആർ. വി. എം. മുസ്തഫ, സെക്രട്ടറിമാരായ ബഷീർ നാട്ടിക, മുസ്തഫ വടുതല എന്നിവർ വിജയികള്‍ക്ക് ട്രോഫികൾ സമ്മാനിച്ചു.

നിയോജക മണ്ഡലം പ്രസിഡണ്ട് ആര്‍. എ. താജുദ്ദീന്‍ വെട്ടുകാട് അദ്ധ്യക്ഷത വഹിച്ചു. ജനറല്‍ സെക്രട്ടറി ഷക്കീര്‍ കുന്നിക്കല്‍ സ്വാഗതം പറഞ്ഞു. ട്രഷറര്‍ ഷാജഹാന്‍ വലിയകത്ത്, ഓര്‍ഗനൈസിംഗ് സെക്രട്ടറി ജംഷീര്‍ പാടൂര്‍, സെക്രട്ടറി റഷീദ് പുതുമനശ്ശേരി, അന്‍വര്‍ സാദത്ത് തുടങ്ങിയവര്‍ നേതൃത്വം നല്‍കി.

* B. V. Seethi Thangal

- pma

വായിക്കുക: , , , , ,

Comments Off on ബി. വി. സീതി തങ്ങൾ സ്മാരക ഫുട് ബോൾ : പാവറട്ടി പഞ്ചായത്ത് ജേതാക്കൾ

കൈ പുണ്യം സീസൺ 2 പാചക മത്സരം

October 11th, 2022

kmcc-ladies-wing-kaipunyam-cooking-competition-ePathram

അബുദാബി : സംസ്ഥാന വനിതാ കെ. എം. സി. സി. കമ്മിറ്റിയുടെ ആഭിമുഖ്യത്തിൽ ‘കൈ പുണ്യം സീസൺ -2’ എന്ന പേരിൽ ബിരിയാണി, പുഡ്ഡിംഗ് പാചക മത്സരം സംഘടിപ്പിക്കുന്നു. യു. എ. ഇ. യിൽ താമസക്കാരായ ഇന്ത്യൻ സ്ത്രീകൾക്കായി സംഘടിപ്പി ക്കുന്ന മത്സരം 2022 ഒക്ടോബർ 22 ശനിയാഴ്ച 3 മണി മുതൽ ഇന്ത്യൻ ഇസ്ലാമിക് സെന്‍ററിൽ വെച്ച് നടക്കും.

അബുദാബിയിലെ സാമൂഹ്യ – ജീവകാരുണ്യ രംഗ ങ്ങളില്‍ ശ്രദ്ധേയമായ ഇടപെടലുകള്‍ നടത്തി വരുന്ന കൂട്ടായ്മയാണ് വനിതാ കെ. എം. സി. സി. കമ്മിറ്റി.

പാചക കലയിൽ വനിതകൾക്ക് തങ്ങളുടെ കഴിവുകൾ പ്രകടിപ്പിക്കുന്നതിനും അതോടൊപ്പം കമ്മറ്റിയുടെ ജീവ കാരുണ്യ പദ്ധതികൾക്കു ഒരു കൈത്താങ്ങ് ആകുവാൻ കൂടിയാണ് കൈ പുണ്യം സീസൺ -2 പാചക മത്സരം സംഘടിപ്പിച്ചിരിക്കുന്നത് എന്ന് ഭാരവാഹികൾ അറിയിച്ചു.

മത്സരത്തില്‍ പങ്കെടുക്കുവാന്‍ ഓണ്‍ ലൈന്‍ രജിസ്ട്രേഷന് ഈ ലിങ്കില്‍ ക്ലിക്ക്  ചെയ്യാം. കൂടുതല്‍ വിശദ വിവരങ്ങൾക്ക് 052 569 5180, 054 364 5768, 054 550 4439 എന്നീ നമ്പറു കളിൽ ബന്ധപ്പെടാം.

- pma

വായിക്കുക: , , , , ,

Comments Off on കൈ പുണ്യം സീസൺ 2 പാചക മത്സരം

Page 1 of 3712345...102030...Last »

« Previous « പശുവിനെ ദേശീയ മൃഗമായി പ്രഖ്യാപിക്കണം : ‘ഇതാണോ കോടതിയുടെ ജോലി’ എന്ന് സുപ്രീം കോടതി
Next Page » ബുര്‍ജീല്‍ ഹോള്‍ഡിംഗ്സ് ഐ ഡി എക്സില്‍ ലിസ്റ്റ് ചെയ്തു; ആദ്യ ദിനം വിപണിയില്‍ മികച്ച പ്രതികരണം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha