വ്യാജരേഖ കേസ് : സെന്‍ കുമാറിന്റെ അറസ്റ്റ് ഹൈക്കോടതി തടഞ്ഞു

August 30th, 2017

sen kumar

കൊച്ചി : വ്യാജരേഖ ചമച്ചുവെന്ന കേസില്‍ മുന്‍ ഡിജിപി ടി.പി സെന്‍ കുമാറിനെ അറസ്റ്റ് ചെയ്യുന്നത് ഹൈക്കോടതി തടഞ്ഞു. അദ്ദേഹത്തിന് സമന്‍സ് അയക്കരുതെന്ന് കോടതി ഉത്തരവിട്ടു. ജാമ്യമില്ലാ വകുപ്പുകളാണ് സെന്‍ കുമാറിനെതിരെ പോലീസ് ചുമത്തിയിരുന്നത്. ഈ കേസ് റദ്ദാക്കണമെന്ന് ആവശ്യപ്പെട്ടാണ് സെന്‍ കുമാര്‍ ഹൈക്കോടതിയില്‍ ഹര്‍ജി നല്‍കിയത്.

വ്യാജരേഖ സംബന്ധിച്ച വിജിലന്‍സ് റിപ്പോര്‍ട്ടിന്റെ അടിസ്ഥാനത്തില്‍ സെന്‍ കുമാറിന്റെ പേരില്‍ കേസെടുത്ത് അന്വേഷിക്കാന്‍ ചീഫ് സെക്രട്ടറി നളിനി നെറ്റോ ഡിജിപി ലോക്നാഥ് ബെഹ്റയ്ക്ക് നിര്‍ദേശം നല്‍കിയിരുന്നു. ഇതിന്റെ അടിസ്ഥാനത്തിന്‍ ബെഹ്റ കേസന്വേഷണം തുടങ്ങുകയും പിന്നീട് സെന്‍ കുമാര്‍ ഹൈക്കോടതിയില്‍ ഹര്‍ജി നല്‍കുകയും ചെയ്തു.

- അവ്നി

വായിക്കുക: , , ,

Comments Off on വ്യാജരേഖ കേസ് : സെന്‍ കുമാറിന്റെ അറസ്റ്റ് ഹൈക്കോടതി തടഞ്ഞു

ലാവലിന്‍ കേസില്‍ പിണറായി കുറ്റവിമുക്തന്‍

August 23rd, 2017

pinarayi-vijayan-epathram

കൊച്ചി : ലാവലിന്‍ കേസില്‍ പിണറായി അടക്കം ഏഴു പ്രതികളെ കുറ്റവിമുക്തരാക്കിക്കൊണ്ടുള്ള തിരുവനന്തപുരം സിബിഐ കോടതി വിധി ശരിവെച്ച് ഹൈക്കോടതി പ്രസ്താവന ഇറക്കി. ഇതോടെ മുഖ്യമന്ത്രി പിണറായി വിജയന്‍ കുറ്റവിമുക്തനായി.പിണറായിക്കെതിരെ യാതൊരു വിധ തെളിവുകളുമില്ലെന്ന് കോടതി പറഞ്ഞു. കേസില്‍ സിബിഐ അപ്പീലിന് പോകുമെന്നാണ് സൂചന.

പിണറായി വിജയന്‍ വൈദ്യുത മന്ത്രിയായിരിക്കെ പള്ളിവാസല്‍, ചെങ്കുളം, പന്നിയാര്‍ എന്നീ ജലവൈദ്യുത നിലയങ്ങളുടെ കരാര്‍ കനേഡിയന്‍ കമ്പനിയായ എസ് എന്‍ സി ലാവലിനു നല്‍കിയതില്‍ 374 കോടിയുടെ ക്രമക്കേട് നടന്നു എന്നാണ് കേസ്.പല മന്ത്രിമാര്‍ വന്നിട്ടും പിണറായിയെ മാത്രം പ്രതിയാക്കി എന്നും കോടതി വ്യക്തമാക്കി.2013 ലാണ് പിണറായി അടക്കമുള്ള പ്രതികളെ കുറ്റവിമുക്തരാക്കിക്കൊണ്ടുള്ള സിബിഐ കോടതിയുടെ വിധി വന്നത്. ഇതിനെതിരെ സിബിഐ കൊടുത്ത റിവിഷന്‍ ഹര്‍ജി തള്ളിക്കൊണ്ടാണ് ഇപ്പോള്‍ ഹൈക്കോടതി വിധി വന്നിരിക്കുന്നത്.

- അവ്നി

വായിക്കുക: , , , ,

Comments Off on ലാവലിന്‍ കേസില്‍ പിണറായി കുറ്റവിമുക്തന്‍

രാജ്യസഭാ തെരഞ്ഞെടുപ്പിൽ ‘നോട്ട’ നില നില്‍ക്കും : സുപ്രീം കോടതി

August 3rd, 2017

supremecourt-epathram
ന്യൂഡൽഹി : ഗുജറാത്ത് രാജ്യസഭാ തെരഞ്ഞെ ടുപ്പിൽ ‘നോട്ട’ (നിരാസ വോട്ട്) സ്റ്റേ ചെയ്യണം എന്ന് ആവശ്യ പ്പെട്ട് കോൺ ഗ്രസ്സ് സമർപ്പിച്ച ഹരജി സുപ്രീം കോടതി തള്ളി.

ഗുജറാത്ത് രാജ്യ സഭാ തെര ഞ്ഞെടുപ്പ് മുന്നില്‍ കണ്ടു കൊണ്ടാണ് നോട്ട വോട്ട് ചെയ്യുന്നത് ഒഴിവാ ക്കുവാന്‍ കോണ്‍ഗ്രസ്സ് നേതൃത്വം തെരഞ്ഞെടുപ്പ് കമ്മീഷനേയും പിന്നീട് സുപ്രീം കോടതി യേയയും സമീപിച്ചത്.

സ്റ്റേ അനുവദി ക്കേണ്ട തായ സാഹചര്യം ഇല്ലാ എന്നും സുപ്രീം കോടതി നിരീക്ഷിച്ചു. 2014ൽ തെരഞ്ഞെടുപ്പ് കമ്മീഷൻ നിരാസ വോട്ടിന് ഉത്തരവ് പുറത്തിറക്കി യിരുന്നു എന്നും പരാതി ക്കാർ ഇതു വരെ എവിടെ ആയി രുന്നു എന്നും കോടതി ചോദിച്ചു.

ഗുജറാത്തില്‍ നിന്നുള്ള മൂന്ന് രാജ്യ സഭാ സീറ്റു കളി ലേക്ക് തെരഞ്ഞെടുപ്പ് നടക്കുവാന്‍ പോവുക യാണ്. 182 അംഗ നിയമ സഭ യില്‍ 44 എം. എല്‍. എ. മാരുടെ വോട്ട് നേടു ന്നയാള്‍ രാജ്യ സഭയിലേക്ക് തെര ഞ്ഞെടുക്ക പ്പെടും.

ശങ്കര്‍ സിംഗ് വഗേല യുടെ നേതൃത്വ ത്തില്‍ ഒരു വിഭാഗം പാര്‍ട്ടി വിടുകയും മറ്റു  കോണ്‍ഗ്രസ്സ്  എം. എല്‍. എ. മാരെ ചാക്കിട്ടു പിടിക്കാന്‍ ബി. ജെ. പി. നീക്കം ശക്ത മാക്കു കയും ചെയ്ത പ്പോഴാണ് ‘നോട്ട’ (നിരാസ വോട്ട്) അപകടം ചെയ്യും എന്ന് കോണ്‍ഗ്രസ്സ് നേതൃത്വം തിരിച്ചറിഞ്ഞത്.

- കറസ്പോണ്ടന്‍റ്

വായിക്കുക: , , , ,

Comments Off on രാജ്യസഭാ തെരഞ്ഞെടുപ്പിൽ ‘നോട്ട’ നില നില്‍ക്കും : സുപ്രീം കോടതി

പെട്രോളിയം കമ്പനി കളുടെ തീരു മാനം ജന ങ്ങളെ ബുദ്ധി മുട്ടിക്കും

June 10th, 2017

petroleum-fuel-price-hike-ePathram
കൊച്ചി : ഇന്ധന വിലയില്‍ ദിവസവും മാറ്റം വരുത്തും എന്നുള്ള പെട്രോളിയം കമ്പനി കളുടെ തീരുമാനം ആവശ്യ മായ മുന്‍ കരു തലു കള്‍ എടു ക്കാതെ എന്നും  ഇത് പൊതു ജന ങ്ങളേയും പമ്പ് ഉടമ കളേയും ഏറെ ബുദ്ധി മുട്ടി ക്കും എന്നും പമ്പ് ഉടമ കളുടെ സംഘടന യായ ഓള്‍ കേരള ഫെഡറേഷന്‍ ഓഫ് പെട്രോളിയം ട്രേഡേഴ്‌സ്.

നില വില്‍ രണ്ടാ ഴ്ചയില്‍ ഒരിക്കലാണ് രാജ്യ ത്തെ ഇന്ധന വില പുതുക്കുന്നത്. എന്നാൽ ജൂണ്‍ 16 മുതല്‍ രാജ്യത്ത് പെട്രോള്‍ വില യില്‍ ദിവസ വും മാറ്റം വരു ത്തുവാ നാണ് എണ്ണ ക്കമ്പ നി കള്‍ തീരു മാനി ച്ചിരി ക്കുന്നത്.

ഇന്ധന വില ദിവസവും പുതുക്കി നിശ്ചയി ക്കുവാന്‍ ആവശ്യ മായ സാങ്കേതിക സംവി ധാനം കേരള ത്തിലെ 80 ശത മാന ത്തിലേറെ പമ്പു കളിലും ഇല്ല എന്ന് പമ്പ് ഉടമ കളു ടെ സംഘ ടന യുടെ ഭാര വാഹി കള്‍ പറയുന്നു.

ഓട്ടോ മേഷന്‍ സംവി ധാനം ഏര്‍പ്പെടു ത്തു വാന്‍ അഞ്ചു വര്‍ഷം കൊണ്ട് കോടി കള്‍ ചെലവഴിച്ചു എങ്കിലും 20 ശത മാനം പമ്പു കളിലേ സംവിധാനം നില വിലുള്ളൂ എന്നും ഇവർ ചൂണ്ടി ക്കാണി ക്കുന്നു. രാത്രി പ്രവര്‍ത്തി ക്കുന്ന പമ്പു കളില്‍ എല്ലാ ദിവസവും മാനുവ ലായി ഇന്ധന വില മാറ്റേ ണ്ടി വരുന്നത് ഈ സമയ ത്ത് പമ്പു കള്‍ അടച്ചി ടുവാന്‍ നിര്‍ ബ്ബന്ധി തരാക്കും.

എല്ലാ ദിവസവും വില മാറും എന്ന തിനാല്‍ കൂടുതൽ സ്റ്റോക്ക് എടുക്കുക പ്രായോഗി കവുമല്ല. ഇത് കേരള ത്തിലെ ഭൂരി പക്ഷം പമ്പു കളും കാലി യാകു വാനേ ഇടയാക്കൂ എന്നും ഭാര വാഹികൾ ഓർമ്മ പ്പെടുത്തി.

അതേ സമയം, ഓട്ടോ മേഷന്‍ സംവി ധാനം നടപ്പില്‍ വരുത്തുന്നതിനെ തങ്ങള്‍ പൂര്‍ണ്ണ മായും സ്വാഗതം ചെയ്യുന്നു എന്നും ഇത് കുറ്റമറ്റ രീതി യില്‍ നടപ്പി ലാക്കണം എന്ന താണ് തങ്ങളു ടെ ആവശ്യം എന്നും ഓള്‍ കേരള ഫെഡ റേഷന്‍ ഓഫ് പെട്രോളിയം ട്രേഡേഴ്‌സ് ഭാര വാഹി കള്‍ അറിയിച്ചു.

- കറസ്പോണ്ടന്‍റ്

വായിക്കുക: , , ,

Comments Off on പെട്രോളിയം കമ്പനി കളുടെ തീരു മാനം ജന ങ്ങളെ ബുദ്ധി മുട്ടിക്കും

ഔദ്യോഗിക വാഹന ദുരുപയോഗം എന്‍. പ്രശാന്തിനെ താക്കീത് ചെയ്തു

May 31st, 2017

prashanth

തിരുവനന്തപുരം : കോഴിക്കോട് മുന്‍ കലക്ടര്‍ എന്‍. പ്രശാന്ത് കലക്ടറായിരിക്കെ ഔദ്യോഗിക വാഹനം സ്വകാര്യ ആവശ്യങ്ങള്‍ക്കായി ഉപയോഗിച്ചിരുന്നതായി പൊതു ഭരണ വകുപ്പിന്റെ കണ്ടെത്തല്‍. ഇത്തരം സംഭവങ്ങള്‍ ഇനി ആവര്‍ത്തിക്കരുതെന്നു പൊതു ഭരണ വകുപ്പ് പ്രശാന്തിനെ താക്കീത് ചെയ്തു.

കളക്ടറായിരിക്കെ മകളെ സ്കൂളില്‍ കൊണ്ടുപോകാനും മറ്റുമായി വാഹനം ഉപയോഗിച്ചിരുന്നതായി ധനകാര്യ വിഭാഗം കണ്ടെത്തുകയും പിന്നീട് പൊതു ഭരണ വകുപ്പിന് റിപ്പോര്‍ട്ട് നല്‍കുകയുമായിരുന്നു. ഔദ്യോഗിക വാഹനം കൂടാതെ മറ്റൊരു സര്‍ക്കാര്‍ വാഹനം കൂടി പ്രശാന്ത് ഉപയോഗിച്ചിരുന്നതായി റിപ്പോര്‍ട്ടിലുണ്ട്.

- അവ്നി

വായിക്കുക: , , ,

Comments Off on ഔദ്യോഗിക വാഹന ദുരുപയോഗം എന്‍. പ്രശാന്തിനെ താക്കീത് ചെയ്തു

Page 2 of 2612345...1020...Last »

« Previous Page« Previous « സെന്റ് തോമസ് കോളജ് അലൂംനിക്ക് പുതിയ ഭരണ സമിതി
Next »Next Page » അസമില്‍ തകര്‍ന്നുവീണ വിമാനത്തിലെ പൈലറ്റുമാര്‍ മരിച്ചതായി സ്ഥിരീകരണം »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha