സംഗീത ക്കച്ചേരി

April 4th, 2015

അബുദാബി : പ്രസിദ്ധ സംഗീതജ്ഞന്‍ കെ. ജി. ജയന്‍ (ജയ വിജയ) അബുദാബി ഇന്ത്യാ സോഷ്യല്‍ സെന്ററില്‍ സംഗീത ക്കച്ചേരി അവതരിപ്പിക്കുന്നു. ഏപ്രില്‍ 4 ശനിയാഴ്ച വൈകുന്നേരം 7 മണി മുതലാണ് കച്ചേരി.

ജയനോടൊപ്പം കാര്‍ത്തിക് ഹരികുമാര്‍ (വയലിന്‍), പാലക്കാട് കെ. ബി. വിജയകുമാര്‍ (മൃദംഗം), മാവേലിക്കര ബി. സോമനാഥ് (ഘടം), അണ്ടൂര്‍ ശ്രീകുമാര്‍ (മുഖര്‍ ശംഖ്) എന്നിവരും പിന്നണിയില്‍. പരിപാടി യിലേക്കുള്ള പ്രവേശനം സൌജന്യം ആയിരിക്കും

- കറസ്പോണ്ടന്റ്

വായിക്കുക: , , ,

Comments Off on സംഗീത ക്കച്ചേരി

എസ്. എ. ജമീൽ അനുസ്മരണവും സംഗീത നിശയും ശ്രദ്ധേയമായി

April 4th, 2015

singer-ma-gafoor-in-qatar-ePathram
ദോഹ : കത്ത് പാട്ടിലൂടെ പ്രവാസ ലോകത്തിന്റെ വിരഹവും വേദനയും ലോകത്തിനു മുന്നില്‍ എത്തിച്ച പ്രമുഖ ഗായകനും ഗാന രചയി താവു മായ എസ്. എ. ജമീലിനെ അനുസ്മരിച്ചു കൊണ്ട് സോഷ്യോ കെയർ ഫൌണ്ടേഷൻ, ഖത്തറിലെ സൽവാ റോഡി ലുള്ള ക്വാളിറ്റി ഹൈപ്പർ മാർക്കറ്റ് ഹാളിൽ വെച്ച് സംഘടിപ്പിച്ച “കത്തിന്‍റെ കതിർ മാല” പരിപാടി യുടെ വൈവിധ്യത്താല്‍ ഏറെ ശ്രദ്ധേയമായി.

composer-sa-jameel-epathram

സംഗീത പ്രേമികള്‍ ഏറെ ചര്‍ച്ച ചെയ്യപ്പെട്ടതും മാപ്പിളപ്പാട്ട് സംഗീത ശാഖ യിലെ എക്കാല ത്തെയും ഹിറ്റ് ഗാന ങ്ങളില്‍ ഒന്നാം നിരയില്‍ നില്‍ക്കുന്നതുമായ ദുബായ് കത്ത് പാട്ടിന്റെ മുപ്പത്തി എട്ടാം വാർഷിക മാണ് “കത്തിന്‍റെ കതിർ മാല” എന്ന പരിപാടി യിലൂടെ ദോഹയില്‍ അരങ്ങേറിയത്.

ഇതിനു മുന്നോടിയായി നടന്ന അനുസ്മരണ യോഗ ത്തിൽ, ഗാന രചയിതാവ് കാനേഷ് പൂനൂരിൻറെ സഹോദരനും സോഷ്യോ കെയർ മുഖ്യ രക്ഷാധികാരി യുമായ മുഹമ്മദലി പൂനൂർ, എസ്. എ. ജമീലിന്റെ ഗാനങ്ങളേയും രചനാ രീതിയും വിശദീകരിച്ചു കൊണ്ട് പരിപാടി ഉദ്ഘാടനം ചെയ്തു.

സോഷ്യോ കെയർ ഖത്തർ ഘടകം പ്രസിഡണ്ട് പി. കെ. ഖാലിദ്‌, ജനറൽ സെക്രട്ടറി സിജു നിലമ്പൂർ, കേരള മാപ്പിള കലാ അക്കാദമി ജി. സി. സി. കോർഡിനേറ്റർ അഹമ്മദ് പി . സിറാജ്, എം .ടി . നിലമ്പൂർ, അൻവർ ബാബു വടകര, മശ്ഹൂദ് തിരുത്തിയാട്, യതീന്ദ്രൻ മാസ്റ്റർ, കെ. വി. അബ്ദുൽ അസീസ്‌ തുടങ്ങിയവര്‍ ചടങ്ങിൽ പങ്കെടുത്തു സംസാരിച്ചു.

പ്രമുഖ ഗായകന്‍ എം. എ. ഗഫൂറിന്റെ നേതൃത്വത്തില്‍ നടന്ന സംഗീത സന്ധ്യ യില്‍ ആഷിത ബക്കർ, ഹിബ ഷംന, സിജു നിലമ്പൂർ, റിയാസ് കരിയാട്, ഷഹീബ് തിരൂര്‍ തുടങ്ങിയവര്‍ ഗാനങ്ങള്‍ ആലപിച്ചു.

ദോഹയിലെ പ്രമുഖ ഓര്‍ക്കസ്ട്ര യായ സിങ്ങിംഗ് ബേഡ്സ് കലാ കാരന്മാര്‍ നയിച്ച ലൈവ് ഓര്‍ക്കസ്ട്ര ഈ സംഗീത സന്ധ്യ യിലെ ഗാനങ്ങൾക്ക് കൂടുതല്‍ മിഴിവേകി.

എസ്. എ. ജമീൽ എന്ന വലിയ കലാകാരനെ കുറിച്ച് ആസ്വാദകർക്ക് മുമ്പിൽ പരിചയ പ്പെടുത്തിയും അദ്ദേഹത്തിൻറെ സംഗീത ലോകത്തെ എല്ലാ വിശേഷങ്ങളും എടുത്ത് പറഞ്ഞും അവതാരകനായ ആസഫ് അലി ഏറെ തിളങ്ങി. ശബ്ദ നിയന്ത്രണം കണ്ണൂർ സമീർ.

qatar-audiance-composer-sa-jameel-ePathram

പഴയ തലമുറ നെഞ്ചിലേറ്റിയ ജമീലിന്റെ ഹിറ്റ് ഗാനങ്ങളും അതോടൊപ്പം കത്ത് പാട്ടിനോട് സാമ്യമുള്ള ഗാനങ്ങളും പുതിയ തലമുറയുടെ ഇഷ്ട ഗാനങ്ങളും ആലപിച്ചു കൊണ്ട് എല്ലാ വിഭാഗം ആസ്വാദ കരെയും കയ്യിലെടുത്ത്‌ “കത്തിന്‍റെ കതിർ മാല” വിവിധ്യമുള്ള അവതരണമാക്കി മാറ്റിയതില്‍ പ്രോഗ്രാം ഡയറക്ടർമാർ സിജു നിലമ്പൂർ – ഷഹീബ് തിരൂർ എന്നിവരുടെ പങ്ക് വളരെ വലുതാ യിരുന്നു.

ജീവകാരുണ്യ പ്രവര്‍ത്തന രംഗത്ത്‌ ഒട്ടേറെ സംഭാവനകള്‍ നല്‍കിയ സോഷ്യോ കെയര്‍ ഫൌണ്ടേഷൻ ഖത്തർ ഘടക രൂപീകരണ ത്തിൻറെ ഭാഗമായി സംഘടിപ്പിച്ച പരിപാടി യില്‍ ഖത്തർ മമ്മൂട്ടി ഫാൻസ്‌ വെൽഫെയർ അസോസിയേഷൻ പിന്‍ബലം കൂടി ഉണ്ടായിരുന്നു.

– തയ്യാറാക്കിയത് : കെ. വി. അബ്ദുല്‍ അസീസ്‌ – ചാവക്കാട്, ദോഹ ഖത്തര്‍. (ചിത്രങ്ങൾ : ബദറുദ്ധീൻ)

- കറസ്പോണ്ടന്റ്

വായിക്കുക: , , ,

Comments Off on എസ്. എ. ജമീൽ അനുസ്മരണവും സംഗീത നിശയും ശ്രദ്ധേയമായി

ചലച്ചിത്ര പ്രവര്‍ത്തകരുടെ വിവരങ്ങള്‍ അടങ്ങിയ ഡയരക്ടറി പ്രസിദ്ധീകരിക്കുന്നു

March 31st, 2015

logo-ifmaa-international-film-making-and-acting-academy-ePathram
ദുബായ് : പ്രവാസികളായ ചലച്ചിത്ര പ്രവര്‍ത്തകരുടെ വിശദാംശ ങ്ങള്‍ ഉള്‍പ്പെടുത്തി ക്കൊണ്ട് യു. എ. ഇ. യില്‍ നിന്നും ഒരു ഡയരക്ടറി പ്രസിദ്ധീ കരിക്കുന്നു.

ഇന്റര്‍നാഷണല്‍ ഫിലിം മേക്കിംഗ് ആന്‍ഡ് ആക്ടിംഗ് അക്കാദമി ( I F M A A ) യുടെ നേതൃത്വത്തില്‍ യു. എ. ഇ. യിലെ വിവിധ ഫിലിം ക്ലബ്ബു കളുമായി സഹകരിച്ചു കൊണ്ടാ ണ് ഈ ഡയരക്ടറി തയ്യാറാ ക്കുന്നത്.

ഫീച്ചര്‍ ഫിലിം, ഷോര്‍ട്ട് ഫിലിം, ടെലിവിഷന്‍ എന്നീ മേഖലകളില്‍ ക്യാമറക്ക്‌ മുന്നിലും പിന്നിലുമായി പ്രവര്‍ത്തിക്കുന്ന യു. എ. ഇ. യിലെ പ്രവാസി മലയാളി കള്‍ ഡയരക്ടറി യില്‍ പ്രസിദ്ധീ കരി ക്കുന്നതി നായി തങ്ങളുടെ ഫോട്ടോയും വിശദാംശ ങ്ങളും താഴെ കൊടുത്തി രിക്കുന്ന ഇ – മെയില്‍ വിലാസ ത്തില്‍ അയക്കുക.

മേയ് മാസത്തില്‍ കോഴിക്കോട് വെച്ച് നടക്കുന്ന ഏക്ത ഇന്റർ നാഷണൽ ഷോര്‍ട്ട് ഫിലിം ഫെസ്റ്റിവലിൽ വെച്ച് ഈ ഡയരക്ടറി യുടെ പ്രകാശനം നടത്തും എന്ന് ഇഫ്‌മാ ഡയറക്ടർ രൂപേഷ് തിക്കൊടി അറിയിച്ചു.

eMail : ifmaauae @ gmail dot com

Phone : 055 788 18 55

- കറസ്പോണ്ടന്റ്

വായിക്കുക: , , ,

Comments Off on ചലച്ചിത്ര പ്രവര്‍ത്തകരുടെ വിവരങ്ങള്‍ അടങ്ങിയ ഡയരക്ടറി പ്രസിദ്ധീകരിക്കുന്നു

ഇശലിന്റെ കുലപതികളെ സൌഹൃദ വേദി ആദരിച്ചു

March 27th, 2015

felicitation-singer-peer-mohammed-eranjoli-moosa-ePathram
ദുബായ് : മലയാളികളുടെ മനസ്സില്‍ പതിറ്റാണ്ടുകളോളം ഇശലു കളുടെ കുളിര്‍ മഴ പെയ്യിച്ച അനുഗൃഹീത മാപ്പിളപ്പാട്ട് ഗായകരായ പീര്‍മുഹമ്മദ്, മൂസ എരഞ്ഞോളി എന്നിവരെ കോഴിക്കോട് പ്രവാസി യു. എ. ഇ. യുടെ ആഭിമുഖ്യ ത്തില്‍ സൌഹൃദ വേദി ആദരിച്ചു. മോഹന്‍ എസ്. വെങ്കിട്ട്, പീര്‍ മുഹമ്മദിനെയും മുരളി കൃഷ്ണ, മൂസ എരഞ്ഞോളിയെയും പൊന്നാട അണിയിച്ചു.

ശാരീരിക വിഷമതകള്‍ അവഗണിച്ച് പീര്‍ മുഹമ്മദ് തന്റെ എക്കാല ത്തെയും ഹിറ്റ് ഗാനമായ ’കാഫ് മല കണ്ട പൂങ്കാറ്റ്’ ആലപിച്ച പ്പോള്‍ സദസ്സ് ഒന്നടങ്കം എഴുന്നേറ്റ് നിന്ന് ആദരവ് പ്രകടിപ്പിച്ചു.

എരഞ്ഞോളി മൂസ ’എന്തെല്ലാം വര്‍ണങ്ങള്‍… എന്തെല്ലാം ജാതികള്‍’ പാടി മലയാളി കളുടെ മതേതരത്വ ത്തിന്റെ മഹനീയത അവതരി പ്പിച്ചു.

ബഷീര്‍ തിക്കൊടി കലാകാരന്മാരെ പരിചയ പ്പെടുത്തി. രാജന്‍ കൊളാവി പാലം അധ്യക്ഷത വഹിച്ചു. എ. കെ. ഫൈസല്‍, ഷംസുദ്ദീന്‍ നെല്ലറ , പ്രകാശ് കോഴിക്കോട്, ലിപി അക്ബര്‍, പദ്മനാഭന്‍ നമ്പ്യാര്‍ , യാസിര്‍ ഹമീദ്, റാബിയ ഹുസൈന്‍ , സൂക്ഷ്മ മുരളി, അഡ്വ. മുഹമ്മദ് സാജിദ്, ജമീല്‍ ലത്തീഫ് എന്നിവര്‍ പ്രസംഗിച്ചു.

- കറസ്പോണ്ടന്റ്

വായിക്കുക: , , ,

Comments Off on ഇശലിന്റെ കുലപതികളെ സൌഹൃദ വേദി ആദരിച്ചു

എടപ്പാള്‍ ബാപ്പുവിന് സഹൃദയരുടെ ’പ്രണാമം’

March 22nd, 2015

felicitation-to-singer-edappal-bappu-ePathram
അബുദാബി : കാൽ നൂറ്റാണ്ടിലധികം താൻ തൊഴിലും സംഗീതവുമായി ചെലവിട്ട അബുദാബി യിൽ വീണ്ടും ഒരിക്കൽ കൂടി ഗായകൻ എടപ്പാൾ ബാപ്പുവിന് സ്നേഹാദരം.

സംഗീതാലാപനത്തിന്റെ വഴിയിൽ നാല്പത്തിയഞ്ച് വർഷം പൂർത്തി യാക്കുന്ന ബാപ്പുവിനെ ആദരിക്കുവാൻ അബുദാബി മെലഡി മൈൻഡ്സി ന്റെ നേതൃത്വ ത്തിൽ ഒരുക്കിയ ‘എക്സ്പ്രസ് മണി പ്രണാമം‘ ഹൃദ്യാനുഭവമായി.

കെ. കെ. മൊയ്തീൻ കോയ സംവിധാനം ചെയ്ത സംഗീത സന്ധ്യ, യു. എ. ഇ. എക്സ്ചേഞ്ച് കണ്‍ട്രി ഹെഡ് വര്‍ഗീസ് മാത്യു ഉദ്ഘാടനം ചെയ്തു. പ്രവാസി ഭാരതീയ സമ്മാന്‍ ജേതാവും അബുദാബി ഇന്ത്യന്‍ ഇസ്ലാമിക് സെന്റര്‍ പ്രസിഡന്റുമായ പി. ബാവ ഹാജി ബാപ്പുവിനെ പൊന്നാട അണിയിച്ചു.

വര്‍ഗീസ് മാത്യുവും എക്സ്പ്രസ് മണി ഫിനാന്‍സ് ആന്‍ഡ് അക്കൌണ്ട്സ് ഹെഡ് മുഹമ്മദ് കുഞ്ഞിയും ഫലകം സമ്മാനിച്ചു.

ചലച്ചിത്ര പിന്നണി ഗായകരും റേഡിയോ – ടെലിവിഷൻ താര ങ്ങളുമായ കബീർ തളിക്കുളം, യൂസുഫ് കാരക്കാട്, റെജി മണ്ണേൽ, സുമി അർവിന്ദ്, ഹർഷ ചന്ദ്രൻ, അപ്സര ശിവ പ്രസാദ്,  അജയ് ഗോപാൽ, ഉന്മേഷ് ബഷീർ എന്നിവർ ഗുരുവന്ദനം നടത്തി.

തുടര്‍ന്ന് ബാപ്പുവിന്റെ നേതൃത്വത്തില്‍ ഗാനമേളയും അരങ്ങേറി.

- കറസ്പോണ്ടന്റ്

വായിക്കുക: , ,

Comments Off on എടപ്പാള്‍ ബാപ്പുവിന് സഹൃദയരുടെ ’പ്രണാമം’

Page 30 of 47« First...1020...2829303132...40...Last »

« Previous Page« Previous « ദശ വാര്‍ഷിക ആഘോഷങ്ങള്‍ തുടങ്ങി
Next »Next Page » ഹംദാന്‍ അവാര്‍ഡ് ഗോപിക ദിനേശിന് »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha