റെക്കോര്‍ഡ് ഭൂരിപക്ഷം നേടി ചാണ്ടി ഉമ്മന്‍ നിയമ സഭയിലേക്ക്

September 8th, 2023

puthuppally-by-election-chandi-oomman-jaik-c-thomas-ePathram
കോട്ടയം : അന്തരിച്ച മുന്‍ മുഖ്യമന്ത്രി ഉമ്മൻ ചാണ്ടി യുടെ പിൻഗാമിയായി ചാണ്ടി ഉമ്മൻ ഇനി നിയമ സഭയില്‍ എത്തും. ഉമ്മന്‍ ചാണ്ടിയുടെ റെക്കോര്‍ഡ് ഭൂരിപക്ഷമായ 33,255 മറി കടന്ന ചാണ്ടി ഉമ്മന്‍, 37,719 എന്ന റെക്കോര്‍ഡ് ഭൂരിപക്ഷം നേടിയാണ് പുതുപ്പള്ളി ഉപതെരഞ്ഞെടുപ്പിൽ പ്രധാന എതിരാളി ഇടതു പക്ഷത്തിന്‍റെ ജെയ്ക് സി. തോമസിനെ തോല്‍പ്പിച്ച് ചരിത്ര വിജയം നേടിയത്.

ഉപതെരഞ്ഞെടുപ്പിലെ പോളിംഗ് നിലവാരം :
അഡ്വ. ചാണ്ടി ഉമ്മൻ (കോണ്‍ഗ്രസ്സ്) 80144 വോട്ടുകൾ.
ജെയ്ക് സി. തോമസ് (സി. പി. ഐ. എം.) 42425.
ലിജിൻ ലാൽ (ബി. ജെ. പി.) 6558.
ലൂക്ക് തോമസ് (എ. എ. പി.) 835.
സന്തോഷ് പുളിക്കൽ (സ്വതന്ത്രൻ) 78.
പി. കെ. ദേവദാസ് (സ്വതന്ത്രൻ) 60.
ഷാജി (സ്വതന്ത്രൻ) 63.
അസാധു 473.
നോട്ട 400.

- pma

വായിക്കുക: , , , , ,

Comments Off on റെക്കോര്‍ഡ് ഭൂരിപക്ഷം നേടി ചാണ്ടി ഉമ്മന്‍ നിയമ സഭയിലേക്ക്

കരിപ്പൂർ വിമാനത്താവള വികസനം : ഭൂമി നഷ്ടപ്പെടുന്നവർക്ക് മികച്ച നഷ്ട പരിഹാരം ഉറപ്പാക്കും

August 1st, 2023

chat-with-m-l-a-kmcc-kondotty-mandalam-ePathram
അബുദാബി : കോഴിക്കോട് അന്താരാഷ്‌ട്ര വിമാന ത്താവള വികസനത്തിന് വേണ്ടി ഭൂമി നഷ്ടപ്പെടുന്ന വർക്ക് ഏറ്റവും മികച്ച നഷ്ട പരിഹാരം ഉറപ്പാക്കും എന്ന് കൊണ്ടോട്ടി നിയോജക മണ്ഡലം എം. എൽ. എ. ടി. വി. ഇബ്രാഹിം.

വിമാനത്താവള വികസനത്തിന് വേണ്ടി രണ്ടിൽ കൂടുതൽ തവണ ഭൂമി നഷ്ടപ്പെടുകയും വീട് മാറി താമസിക്കുകയും ചെയ്തവരുടെ ബുദ്ധിമുട്ട് മനസ്സിലാക്കുന്നു എന്നും അവരുടെ സഹകരണം വാക്കുകൾക്ക് അതീതമാണ് എന്നും അബുദാബി കൊണ്ടോട്ടി മണ്ഡലം കെ. എം. സി. സി. സംഘടിപ്പിച്ച ‘ചാറ്റ് വിത്ത് എം. എൽ. എ.’ എന്ന പരിപാടിയിൽ അദ്ദേഹം പറഞ്ഞു.

മണ്ഡലത്തിലെ വിവിധ വികസന പ്രവര്‍ത്തനങ്ങളെ കുറിച്ചും പൊതു കാര്യങ്ങളെ കുറിച്ചും പ്രവർത്ത കരുമായി നേരിട്ട് സംവദിച്ച പരിപാടിയിൽ കൊണ്ടോട്ടി നഗരത്തിന്‍റെ പൈതൃകം നില നിർത്തി ക്കൊണ്ടുള്ള നഗര വികസനം, എടവണ്ണപ്പാറയിലെ ഗതാഗത കുരുക്ക്, കുടി വെള്ള പദ്ധതി, വിവിധ റോഡുകളുടെ വികസന പ്രവർത്തികൾ, കർഷകരുടെ പ്രതിസന്ധികൾ എല്ലാം ചർച്ച ചെയ്തു.

അബുദാബി കെ. എം. സി. സി. ആക്ടിംഗ് ജനറൽ സെക്രട്ടറി ഷാനവാസ് പുളിക്കൽ’ചാറ്റ് വിത്ത് എം. എൽ. എ.’ എന്ന പരിപാടി ഉദ്ഘാടനം ചെയ്തു.

കെ. എം. സി. സി. കൊണ്ടോട്ടി മണ്ഡലം പ്രസിഡണ്ട് മിജുവാദ് അദ്ധ്യക്ഷത വഹിച്ചു. ഹിദായത്തുള്ള പറപ്പൂർ, കബീർ ഹുദവി, അബ്ദുൽ ഖാദർ ഒളവട്ടൂർ തുടങ്ങിയവർ സംസാരിച്ചു. അജാസ് മുണ്ടക്കുളം സ്വാഗതവും അബ്‌ദുറഹ്‌മാൻ നന്ദിയും പറഞ്ഞു.

- pma

വായിക്കുക: , , , ,

Comments Off on കരിപ്പൂർ വിമാനത്താവള വികസനം : ഭൂമി നഷ്ടപ്പെടുന്നവർക്ക് മികച്ച നഷ്ട പരിഹാരം ഉറപ്പാക്കും

വക്കം പുരുഷോത്തമൻ അന്തരിച്ചു

July 31st, 2023

vakkom-purushothaman-ePathram
തിരുവനന്തപുരം : മുതിര്‍ന്ന കോണ്‍ഗ്രസ്സ് നേതാവും മുന്‍ സ്പീക്കറുമായ വക്കം പുരുഷോത്തമന്‍ അന്തരിച്ചു. 96 വയസ്സുണ്ടായിരുന്നു. 1970, 1977, 1980, 1982, 2001 വര്‍ഷ ങ്ങളില്‍ ആറ്റിങ്ങല്‍ നിയോജക മണ്ഡലത്തില്‍ നിന്നും നിയമ സഭയില്‍ എത്തിയിരുന്നു. 1971-77, 1980-81, 2001-2004 കാലയളവില്‍ സംസ്ഥാന മന്ത്രി സഭകളിലും അംഗമായി. 1982-1984 കാലത്ത് നിയമ സഭാ സ്പീക്കര്‍ ആയിരുന്നു അദ്ദേഹം.

മിസോറാം, ത്രിപുര എന്നീ സംസ്ഥാനങ്ങളിലെ ഗവര്‍ണ്ണര്‍ പദവിയിലും ലോക്സഭാംഗം, സംസ്ഥാന കാബിനറ്റ് മന്ത്രി എന്നീ നിലകളിലും ശ്രദ്ധേയ പ്രവര്‍ത്തനങ്ങള്‍ കാഴ്ച വെച്ചിട്ടുണ്ട്. തിരുവനന്തപുരം ഡി. സി. സി. സെക്രട്ടറി, കെ. പി. സി. സി. ജനറല്‍ സെക്രട്ടറി, വൈസ് പ്രസിഡണ്ട് സ്ഥാനങ്ങളും വഹിച്ചിട്ടുണ്ട്.

- pma

വായിക്കുക: , , ,

Comments Off on വക്കം പുരുഷോത്തമൻ അന്തരിച്ചു

ഉമ്മൻ ചാണ്ടി : ദൈവത്തിൻ്റെ പച്ച മുഖം കാണിച്ചു തന്ന മനുഷ്യൻ

July 25th, 2023

oommen-chandy-passes-away-ePathram
അബുദാബി : തവനൂർ മണ്ഡലം കെ. എം. സി. സി. സംഘടിപ്പിച്ച ഉമ്മൻ ചാണ്ടി അനുസ്മരണ സമ്മേളന ത്തിൽ അബുദാബി മാർത്തോമാ ചർച്ച് ഇടവക വികാരി റവ. ജിജു ജോസഫ് മുഖ്യ പ്രഭാഷണം നടത്തി. ദൈവത്തിന്‍റെ പച്ചയായ മുഖം സമൂഹത്തിനു കാണിച്ചു തന്ന ആളായിരുന്നു ഉമ്മൻ ചാണ്ടി എന്ന് അദ്ദേഹം ഓർമ്മപ്പെടുത്തി.

ഉമ്മന്‍ ചാണ്ടിയുടെ ദേഹ വിയോഗത്തിലൂടെ കേരളത്തിനു നഷ്ടമായത് പകരക്കാരന്‍ ഇല്ലാത്ത നേതാവിനെയാണ് എന്ന് ചടങ്ങിൽ പങ്കെടുത്ത പ്രമുഖർ അനുസ്മരിച്ചു.

മണ്ഡലം പ്രസിഡണ്ട് നാസർ മംഗലം അദ്ധ്യക്ഷത വഹിച്ചു. മലപ്പുറം ജില്ലാ കെ. എം. സി. സി. പ്രസിഡണ്ട് അസീസ് കാളിയാടൻ ഉൽഘടനം ചെയ്തു. ഇബ്രാഹിം മൂദൂർ, അബ്ദുള്ള ഫാറൂഖി, അബ്ദുള്ള കുട്ടി, സലാം പുറത്തൂർ, ഇഫ്തികാറുദ്ധീൻ, മൊയ്‌ദീൻ നടുവട്ടം, അഷ്‌റഫ്‌ ആലുക്കൽ, നൗഷാദ് തൃപ്രങ്ങോട്, സമീർ പുറത്തൂർ, വി. ടി. വി. ദാമോദരന്‍, അനീഷ് മംഗലം എന്നിവർ അനുസ്മരണ പ്രഭാഷണം നടത്തി.

ഹംസകുട്ടി തൂമ്പിൽ, കെ. പി. നൗഫൽ, നിസാർ കാലടി, അഷ്‌റഫ്‌ മുട്ടനൂർ, മനാഫ് തവനൂർ, നാസർ മുട്ടനൂർ, അബ്ദുൽ ഖാദർ, ആരിഫ് ആലത്തിയൂർ, ഷാജി കണ്ടനകം, താജുദ്ധീൻ ചമ്രവട്ടം, സുബൈർ കാലടി, ഫാസിൽ തവനൂർ, ഷൗക്കത്ത് പുറത്തൂർ എന്നിവർ സംബന്ധിച്ചു. നൗഫൽ ചമ്രവട്ടം സ്വാഗതവും റഹീം തണ്ടലം നന്ദിയും പറഞ്ഞു.

- pma

വായിക്കുക: , , , ,

Comments Off on ഉമ്മൻ ചാണ്ടി : ദൈവത്തിൻ്റെ പച്ച മുഖം കാണിച്ചു തന്ന മനുഷ്യൻ

ഉമ്മൻ ചാണ്ടിക്ക് അബുദാബി മലയാളി സമൂഹം ആദരവ് അർപ്പിച്ചു

July 24th, 2023

oommen-chandy-passes-away-ePathram
അബുദാബി : അന്തരിച്ച കേരള മുൻ മുഖ്യമന്ത്രി ഉമ്മൻ ചാണ്ടിക്ക് അബുദാബി മലയാളികള്‍ ആദരവ് അർപ്പിച്ചു. ഇന്ത്യൻ ഇസ്ലാമിക് സെന്‍ററില്‍ സംഘടിപ്പിച്ച അനുസ്മരണ സമ്മേളനത്തില്‍ അബുദാബി മലയാളി സമാജം, ഇന്ത്യന്‍ ഇസ്‌ലാമിക് സെന്‍റര്‍, ഐ. എസ്. സി., കെ. എസ്. സി., കെ. എം. സി. സി., ഇന്‍കാസ് എന്നീ സംഘടനകളുടെ സാരഥികളും ഭാരവാഹികളും സംഘടനാ പ്രവർത്തകരും സംബന്ധിച്ചു.

സമാജം പ്രസിഡണ്ട് റഫീഖ് കയനയില്‍ അദ്ധ്യക്ഷത വഹിച്ചു. ഇന്‍കാസ് പ്രസിഡണ്ട് ബി. യേശുശീലന്‍ അനുശോചന പ്രമേയം അവതരിപ്പിച്ചു. വിവിധ സംഘടനകളെയും സാംസ്കാരിക കൂട്ടായ്മകളേയും പ്രതിനിധീകരിച്ച് ഭാരവാഹികളും സാംസ്കാരിക പ്രവർത്തകരും അനുസ്മരണ യോഗത്തില്‍ സംസാരിച്ചു. FB Page

- pma

വായിക്കുക: , , , , , , , , ,

Comments Off on ഉമ്മൻ ചാണ്ടിക്ക് അബുദാബി മലയാളി സമൂഹം ആദരവ് അർപ്പിച്ചു

Page 3 of 6112345...102030...Last »

« Previous Page« Previous « സോഷ്യൽ മീഡിയ പരസ്യത്തിലൂടെ ക്ലിക്ക് ചെയ്ത യുവതിക്ക് നഷ്ടമായത് 9.5 ലക്ഷം രൂപ
Next »Next Page » എം. ടി. മലയാളത്തിന്‍റെ അഭിമാനം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha