 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വിമാന ടിക്കറ്റിലെ അമിത നിരക്കിന് പരിഹാരം തേടി അബുദാബി കെ. എം. സി. സി. യുടെ നേതൃത്വത്തിൽ വിവിധ പ്രവാസി സംഘടനകൾ ചേർന്ന് ഡൽഹിയിൽ വെച്ച് ആഗസ്റ്റ് 8 ന് നടത്തുവാൻ തീരുമാനിച്ചിരുന്ന ‘ഡയസ്പോറ സമ്മിറ്റ് ഇൻ ഡൽഹി’ മാറ്റി വെച്ചു.
വയനാട്ടിലുണ്ടായ ദുരന്തത്തിൻ്റെ പശ്ചാത്തലത്തിലാണ് തീരുമാനം. പുനരധിവാസ പദ്ധതികൾക്ക് സംഘടന കൾ പ്രാമുഖ്യം നൽകും. അതേ സമയം വിമാന ടിക്കറ്റ് വിഷയത്തിലെ പരിഹാര ശ്രമങ്ങൾ തുടരും. ‘ഡയസ്പോറ സമ്മിറ്റ് പുതിയ തീയതി പിന്നീട് അറിയിക്കും എന്നും സംഘാടകർ അറിയിച്ചു.
- pma
വായിക്കുക: കെ.എം.സി.സി., ഗതാഗതം, പ്രവാസി, വിമാനം
അബുദാബി : സംസ്ഥാന കെ. എം. സി. സി. യുടെ നേതൃത്വത്തിൽ 2024 ആഗസ്റ്റ് 8 നു ഡൽഹിയിൽ വെച്ച് സംഘടിപ്പിക്കുന്ന ഡയസ്പോറ സമ്മിറ്റ് പ്രചാരണ കൺവെൻഷൻ ജൂലായ് 20 ശനിയാഴ്ച രാത്രി 7:30 നു അബുദാബി ഇന്ത്യൻ ഇസ്ലാമിക് സെന്ററിൽ വെച്ച് നടക്കും.
സീസൺ സമയത്തെ വിമാന യാത്രാ നിരക്ക് വർദ്ധന, പ്രവാസി വോട്ടവകാശം തുടങ്ങി പ്രവാസികൾ നേരിടുന്ന വിവിധങ്ങളായ വിഷയങ്ങളിൽ അബുദാബിയിലെ പ്രവാസി സംഘടനകളുടെ സഹകരണത്തോടെയാണ് ഡയസ്പോറ സമ്മിറ്റ് ആദ്യ രണ്ടു സെഷനുകൾ കഴിഞ്ഞ ഫെബ്രുവരി 11, മെയ്‌ 5 ദിവസങ്ങളിൽ നടന്നത്.
ഇതിന്റെ അടുത്ത ഘട്ടം എന്ന നിലയിലാണ് കേരളത്തിൽ നിന്നുള്ള ജന പ്രതിനിധികളെ കൂടി ഉൾപ്പെടുത്തിയുള്ള വിപുലമായ യോഗം ഡൽഹിയിൽ ചേരുവാൻ തീരുമാനിച്ചിരി ക്കുന്നത്.
- pma
വായിക്കുക: social-media, അബുദാബി, കെ.എം.സി.സി., ഗതാഗതം, പൂര്‍വ വിദ്യാര്‍ത്ഥി, പ്രതിഷേധം, പ്രവാസി, വിമാനം, സംഘടന
അജ്മാന്‍ : യു. എ. ഇ. യുടെ വടക്കൻ എമിറേറ്റായ അജ്മാനില്‍ നിന്നും തലസ്ഥാന നഗരിയായ അബുദാബി യിലേക്കും തിരിച്ചും ഉള്ള പബ്ലിക് ബസ്സ് സർവ്വീസ് തുടക്കമായി. അല്‍ മുസല്ല സ്റ്റേഷനില്‍ നിന്ന് അബു ദാബി ബസ്സ് സ്റ്റേഷനിലേക്കും തിരികെ അല്‍ മുസല്ല സ്റ്റേഷനിലേക്കുമാണ് യാത്ര. എല്ലാ ദിവസവും ബസ്സ് സർവ്വീസ് ഉണ്ടായിരിക്കും.
അജ്മാനില്‍ നിന്ന് രാവിലെ 7 മണി, 11 മണി, ഉച്ചക്ക് ശേഷം 3 മണി, വൈകുന്നേരം 7 മണി എന്നിങ്ങനെ നാല് ട്രിപ്പുകളും പ്രഖ്യാപിച്ചു. എന്നാൽ അബു ദാബി യിൽ നിന്നും തിരിച്ചു രണ്ടു ട്രിപ്പുകൾ മാതമേ ഉണ്ടാവുകയുള്ളൂ എന്നാണു റിപ്പോർട്ട്.
അബുദാബിയിൽ നിന്നും ആദ്യ യാത്ര രാവിലെ 10 മണിക്കും ലാസ്റ്റ് ട്രിപ്പ് രാത്രി 9.30 നും ആയിരിക്കും. ടിക്കറ്റിന് 35 ദിര്‍ഹമാണ് നിരക്ക്.
യാത്രികർക്ക് മസ്സാർ കാർഡ് ഉപയോഗിച്ച് പണം അടക്കാം. Twitter X
- pma
വായിക്കുക: abu-dhabi-bus, അജ്മാന്‍, ഗതാഗതം, പ്രവാസി
കൊച്ചി : അലവൻസ് കൂട്ടി നൽകണം എന്ന് ആവശ്യപ്പെട്ട് എയർ ഇന്ത്യ ജീവനക്കാരുടെ മിന്നൽ പണി മുടക്കിൽ യാത്ര മുടങ്ങിയതോടെ വിവിധ ഗൾഫ് രാജ്യങ്ങളിലേക്ക് യാത്ര ചെയ്യാനിരുന്ന പ്രവാസികൾ ദുരിതത്തിൽ.
ജിദ്ദ, ദോഹ, ബഹ്റൈന്‍, കുവൈറ്റ്, മസ്‌കറ്റ്, ദുബായ്, അബുദാബി, ഷാർജ, റാസല്‍ ഖൈമ, അടക്കമുള്ള സ്ഥലങ്ങളിലേക്ക് പോകേണ്ടതായ നിരവധി വിമാനങ്ങൾ റദ്ദാക്കി. കൊച്ചി, തിരുവനന്തപുരം, കണ്ണൂർ, കരിപ്പൂർ വിമാനത്താവളങ്ങളിൽ നിന്നുള്ള യാത്രക്കാർ ഏറെ വലഞ്ഞു. രാജ്യ വ്യാപകമായി ജീവനക്കാർ സമരത്തിൽ ആയതാണ് യാത്രക്കാരെ വലച്ചത്.
നിലവിൽ 250 ജീവനക്കാരാണ് സമരത്തിലുള്ളത്. അലവൻസ് കൂട്ടി നൽകണം എന്ന് ആവശ്യപ്പെട്ട് സിക്ക് ലീവ് എടുത്തായിരുന്നു ജീവനക്കാരുടെ പ്രതിഷേധം എന്നാണ് റിപ്പോർട്ടുകൾ. ഇതിനിടെ ഈ വിഷയത്തിൽ പ്രതികരണവുമായി എയർ ഇന്ത്യ അധികൃതർ രംഗത്ത് വന്നു. യാത്രക്കാരോട് ക്ഷമ ചോദിക്കുന്നു എന്ന് എയർ ഇന്ത്യ എക്സ് പ്രസ്സ്.
We sincerely apologise for the inconvenience caused by unprecedented flight delays and cancellations. While we are working hard to minimise disruptions, please check your flight status before heading to the airport. If your flight is impacted, please reach out… pic.twitter.com/JySbD3trb0
— Air India Express (@AirIndiaX) May 8, 2024
അവസാന നിമിഷം കാബിൻ ക്രൂ, സിക്ക് ലീവ് എടുത്തതാണ് പ്രതിസന്ധിക്ക് കാരണം. യാത്ര പുനഃക്രമീകരിക്കുക, പണം തിരികെ വാങ്ങുക എന്നിവക്ക് യാത്രക്കാർക്ക് അവസരം ഉണ്ടെന്നും എയർ ഇന്ത്യ എക്സ് പ്രസ്സ് അറിയിച്ചു. Reactin of Passengers : Twitter X
- pma
അബുദാബി : അന്താരാഷ്‌ട്ര വിമാന ത്താവളമായ സായിദ് ഇന്‍റര്‍ നാഷണല്‍ എയര്‍ പോര്‍ട്ടിൽ നിന്നും യാത്ര ചെയ്യുന്നവർക്ക് ഇനി അബുദാബി മുസ്സഫ ഷാബിയയിലെ സിറ്റി ചെക്ക്-ഇന്‍ കൗണ്ടറിൽ മുൻ കൂട്ടി ലഗേജുകൾ ഏൽപ്പിക്കാം. ഷാബിയ 11 ലാണ് പുതിയ ചെക്ക്-ഇന്‍ കേന്ദ്രം പ്രവർത്തനം ആരംഭിച്ചത്. എല്ലാ ദിവസവും രാവിലെ 10 മണി മുതൽ രാത്രി 10 മണി വരെയാണ് ഈ കേന്ദ്രം പ്രവർത്തിക്കുക.
നിലവിൽ അബുദാബി സീ പോർട്ടിലെ (മിനാ) ക്രൂയിസ് ടെർമിനലിലും (24 മണിക്കൂർ) യാസ് മാളിലും (ഫെരാരി വേൾഡ് പ്രവേശന കവാടത്തിൽ) മൊറാഫിഖ് ഏവിയേഷൻ ഗ്രൂപ്പിൻ്റെ സിറ്റി ചെക്ക്-ഇന്‍ സേവനം ലഭിക്കുന്നുണ്ട്.
വിമാന സമയത്തിന് 4 മുതൽ 24 മണിക്കൂർ മുൻപ് വരെ ഈ കേന്ദ്രങ്ങളിൽ ബാഗേജുകൾ സ്വീകരിച്ച് സീറ്റുകൾ ഉറപ്പു വരുത്തി ബോഡിംഗ് പാസ്സുകൾ നൽകി വരുന്നു. 12 വയസ്സിനു മുകളിൽ ഉള്ളവർക്ക് 35 ദിർഹവും കുട്ടികൾക്ക് 25 ദിർഹവും രണ്ടു വയസ്സിനു താഴെ ഉള്ളവർക്ക് 15 ദിർഹവും ചെക്ക്-ഇൻ സേവനത്തിനുള്ള നിരക്കായി ഈടാക്കുന്നത്.
ഇത്തിഹാദ്, എയർ അറേബ്യ, വിസ് എയർ, ഈജിപ്ത് എയർ എന്നീ വിമാനങ്ങളിൽ യാത്ര ചെയ്യുന്നവർക്കാണ് ഇപ്പോൾ സിറ്റി ചെക്ക്-ഇന്‍ സൗകര്യം നൽകി വരുന്നത്. അബുദാബി മീന തുറമുഖത്തെ ക്രൂയിസ് ടെർമിനലിൽ 24 മണിക്കൂറും യാസ് മാളിലെ ഫെരാരി വേൾഡ് എൻട്രൻസിൽ സ്ഥാപിച്ചിരിക്കുന്ന കേന്ദ്രം രാവിലെ 10 മുതൽ രാത്രി 10 വരെയും പ്രവർത്തിക്കും.
കൂടുതൽ വിവരങ്ങൾക്ക് +971 800 667 2347 എന്ന ടോൾ ഫ്രീ നമ്പറിൽ വിളിക്കാം.
സിറ്റി ടെർമിനലിൽ ബാഗേജുകൾ നൽകി ബോഡിംഗ് പാസ്സ്‌ എടുക്കുന്നവർക്ക് എയർപോർട്ടിലെ ക്യൂ വിൽ നിൽക്കാതെ നേരിട്ട് ഇമിഗ്രേഷൻ കൗണ്ടറിൽ പോകാം എന്നതും സിറ്റി ചെക്ക്-ഇന്‍ സേവനത്തെ കൂടുതൽ ജന പ്രിയമാക്കുന്നു എന്നും കുടുംബത്തോടൊപ്പം യാത്ര ചെയ്യുന്നവർക്ക് ഏറെ ആശ്വാസ പ്രദമാണ് സിറ്റി ചെക്ക്ഇൻ സൗകര്യം എന്നും മൊറാഫിഖ് ഏവിയേഷൻ അറിയിച്ചു.
- pma
വായിക്കുക: social-media, travel, അബുദാബി, ഗതാഗതം, തൊഴിലാളി, പ്രവാസി, മലയാളി സമാജം, യു.എ.ഇ., വിമാനം, വ്യവസായം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
