നിയമം « e പത്രം

മുഷ്റിഫ് മാളിൽ വിസ സ്ക്രീനിംഗ് സെന്‍റര്‍ : അവധി ദിനങ്ങളില്‍ മെഡിക്കല്‍ ടെസ്റ്റ്

November 3rd, 2022

അബുദാബി : വിസ സ്റ്റാമ്പിംഗ് സംബന്ധമായ രക്ത പരിശോധനക്കുള്ള മെഡിക്കല്‍ ടെസ്റ്റ് സെന്‍റര്‍ അബു ദാബി മുഷ്റിഫ് മാളിലും തുറന്നു പ്രവര്‍ത്തനം തുടങ്ങി. സേഹയുടെ കീഴിലുള്ള വിസ സ്ക്രീനിംഗ് സെന്‍റര്‍ ആഴ്ചയിൽ ഏഴു ദിവസവും രാവിലെ 9 മണി മുതൽ വൈകുന്നേരം 7 മണി വരെ പ്രവര്‍ത്തിക്കും.

വാരാന്ത്യ അവധി ദിനങ്ങളിലും സേഹ സെന്‍റര്‍ തുറന്നു പ്രവര്‍ത്തിക്കുന്നത് പൊതു ജന സേവനം ഊർജ്ജിതം ആക്കുന്നതിന്‍റെ ഭാഗമായാണ്.

At #SEHA, our vision is to improve access to our services for all.
We are proud to announce the opening of a Visa Screening Centre at Mushrif Mall operating 7 days a week from 9:00 AM to 7:00 PM with both fast track and regular visa screening services available. pic.twitter.com/6kxyESewMw

— SEHA – شركة صحة (@SEHAHealth) November 1, 2022

നിലവില്‍ മെഡിക്കല്‍ ടെസ്റ്റിനായി സേഹ ആപ്പിലൂടെ ബുക്കിംഗ് ചെയ്യേണ്ടതുണ്ട്. എന്നാല്‍ മുഷ്റിഫ് മാളിലെ വിസ സ്ക്രീനിംഗ് സെന്‍ററില്‍ ബുക്കിംഗ് ഇല്ലാതെയും എത്തി ടെസ്റ്റ് നടത്താം.

- pma

വായിക്കുക: seha, ആരോഗ്യം, നിയമം, പ്രവാസി, യു.എ.ഇ.

Comments Off

യാചകരേയും അനധികൃത കച്ചവടക്കാരേയും പിടി കൂടി

November 1st, 2022

sharjah-police-anti-begging-campaigns-ePathram
ഷാർജ : നിയമ ലംഘനത്തിന് ഷാർജ എമിറേറ്റില്‍ 2022 ജനുവരി മുതൽ ഒക്ടോബര്‍ വരെയുള്ള പത്തു മാസങ്ങളില്‍ യാചകര്‍, അനധികൃത കച്ചവടക്കാര്‍ എന്നിങ്ങനെ 1111 പേര്‍ അറസ്റ്റിലായി. ഇതിൽ 875 പേര്‍ പുരുഷന്മാരും 236 പേര്‍ സ്ത്രീകളുമാണ്. റമദാന്‍ മാസത്തില്‍ 169 യാചകരെയാണ് പിടികൂടിയത്.

മാറാ രോഗികള്‍ ആണെന്നും തുടർ ചികിത്സക്കു വേണ്ടി സാമ്പത്തിക സഹായം ആവശ്യപ്പെട്ടുമാണ് പലരും ഭിക്ഷാടനം നടത്തിയിരുന്നത് എന്ന് ഷാര്‍ജ പോലീസ് അറിയിച്ചു.

റമദാനില്‍ യാചക നിരോധന നിയമം കടുപ്പിക്കു കയും വ്യാപകമായ പരിശോധന തുടങ്ങു കയും ചെയ്തതോടെ യാചകര്‍ അനധികൃത കച്ചവടം നടത്തുകയായിരുന്നു. കുടി വെള്ളം, സിഗരറ്റ് തുടങ്ങിയ നിത്യോപയോഗ സാധന ങ്ങള്‍ നിയമ വിരുദ്ധമായി വിൽപ്പന നടത്തി യതിനാണ് ഇവരെ അറസ്റ്റ് ചെയ്തത്.

രാജ്യത്ത് യാചന നടത്തിയാല്‍ മൂന്നു മാസം ജയിലും 5,000 ദിര്‍ഹം പിഴയും ശിക്ഷ ലഭിക്കുന്ന ഭിക്ഷാടന നിരോധന നിയമം പ്രാബല്യത്തിലുണ്ട്. സംഘടിത ഭിക്ഷാടനം ചെയ്യുന്നവര്‍ക്ക് കുറഞ്ഞത് ആറു മാസം വരെ തടവും ഒരു ലക്ഷം ദിർഹം പിഴയും ശിക്ഷയുണ്ട്. സംഘടിത ഭിക്ഷാടനത്തിനായി ഈ രാജ്യത്തേക്ക് വ്യക്തികളെ കൊണ്ടു വന്നാൽ അവര്‍ക്കും അതേ പിഴ ശിക്ഷ നല്‍കും. Twitter

പാരിസ് ഹില്‍ട്ടന്‍ കൊടുത്ത ഡോളര്‍ പിച്ചിച്ചീന്തി

- pma

വായിക്കുക: കുറ്റകൃത്യം, നിയമം, പോലീസ്, ഷാർജ, സാമ്പത്തികം

Comments Off

പതാക ദിനം നവംബർ മൂന്നിന്

October 30th, 2022

ദുബായ് : യു. എ. ഇ. യില്‍ നവംബർ മൂന്നിന് പതാക ദിനം ആചരിക്കുവാന്‍ യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മഖ്തൂം ആഹ്വാനം ചെയ്തു. മൂന്നാം തീയ്യതി ചൊവ്വാഴ്ച രാവിലെ 11 മണിക്ക് മന്ത്രാലയങ്ങളിലും സ്ഥാപനങ്ങളിലും ദേശീയ പതാക ഉയര്‍ത്തണം എന്ന് ട്വിറ്ററിലൂടെയാണ് അദ്ദേഹം ആവശ്യപ്പെട്ടത്.

ദേശീയ പതാക രാജ്യത്തിന്‍റെ അഭിമാനത്തിന്‍റെയും ഐക്യത്തിന്‍റെയും പ്രതീകം ആണെന്നും എക്കാലവും അത് നേട്ടങ്ങളുടെയും വിശ്വസ്തതയുടേയും പൂർത്തീ കരണത്തിന്‍റെ പ്രതീകമായി ആകാശത്ത് ഉയർന്നു പറക്കും എന്നും ശൈഖ് മുഹമ്മദ് ട്വിറ്റര്‍ സന്ദേശത്തില്‍ പറഞ്ഞു.

٣ نوفمبر القادم تحتفل دولتنا بيوم العلم، ندعو كافة وزاراتنا ومؤسساتنا لرفعه بشكل موحد الساعة 11 صباحاً في ذلك اليوم. سيبقى علمنا مرفوعاً .. سيبقى رمز عزتنا ووحدتنا خفاقاً .. ستبقى راية عزنا ومجدنا وسيادتنا عالية في سماء الإنجاز والولاء والوفاء .. pic.twitter.com/eLmH90j5Ae

— HH Sheikh Mohammed (@HHShkMohd) October 28, 2022

യു. എ. ഇ. പ്രസിഡണ്ടായി ശൈഖ് ഖലീഫ ബിന്‍ സായിദ് അല്‍ നഹ്യാന്‍ 2004 ൽ അധികാരം ഏറ്റതിന്‍റെ ആഘോഷമായി ശൈഖ് മുഹമ്മദ് ബിൻ റാഷിദ് അല്‍ മഖ്തൂം വിഭാവനം ചെയ്ത പതാക ദിനം പരിപാടി 2013 ല്‍ ആയിരുന്നു ആദ്യമായി നടന്നത്.

- pma

വായിക്കുക: social-media, ദുബായ്‌, നിയമം, യു.എ.ഇ.

Comments Off

നിയമാനുസൃതം അല്ലാത്ത ബല പ്രയോഗം പാടില്ല : ഡി. ജി. പി.

October 26th, 2022

dgp-anil-kant-ips-state-police-chief-ePathram
തിരുവനന്തപുരം : നിയമം അനുശാസിക്കുന്ന സാഹചര്യങ്ങളില്‍ അല്ലാതെ ഒരു കാരണ വശാലും ബല പ്രയോഗം പാടില്ല എന്ന് പോലീസുകാർക്ക് ഡി. ജി. പി. അനിൽ കാന്തിന്‍റെ കർശ്ശന നിർദ്ദേശം. ഔദ്യോഗിക കൃത്യ നിര്‍വ്വഹണത്തിന്‍റെ ഭാഗമായി ബല പ്രയോഗം വേണ്ടി വന്നാല്‍ അത് നിയമാനുസൃതം മാത്രമേ ആകാവൂ. വ്യക്തികളെ പോലീസ് സ്റ്റേഷനുകളില്‍ എത്തിക്കുമ്പോള്‍ നിയമ പരമായ നടപടികള്‍ ഉറപ്പാക്കണം.

വൈദ്യ പരിശോധന ഉൾപ്പെടെയുള്ളവ കൃത്യമായി നടക്കുന്നു എന്ന് ഉറപ്പു വരുത്തേണ്ട ചുമതല സബ് ഡിവിഷണൽ പൊലീസ് ഓഫീസർമാർ, സ്റ്റേഷൻ ഹൗസ് ഓഫീസർമാർ എന്നിവര്‍ക്ക് ആയിരിക്കും. കസ്റ്റഡി മർദ്ദനം ഉൾപ്പെടെയുള്ള ആക്ഷേപങ്ങൾ പൊലീസിന് നേരെ ഉയരുന്ന സാഹചര്യത്തിലാണ് ഡി. ജി. പി.യുടെ നിർദ്ദേശം.

ജില്ലാ പോലീസ് മേധാവിമാര്‍ എല്ലാ പോലീസ് സ്റ്റേഷനുകളിലും കൃത്യമായ ഇടവേളകളില്‍ സന്ദര്‍ശനം നടത്തണം. പോലീസ് സ്റ്റേഷനുകളിലെ ദൈനംദിന പ്രവര്‍ത്തനങ്ങള്‍ സബ് ഡിവിഷണല്‍ പോലീസ് ഓഫീസര്‍മാര്‍ വിലയിരുത്തണം.

വിവിധ പോലീസ് സ്റ്റേഷനുകളുടെ അധികാര പരിധിയില്‍ നടക്കുന്ന സംഭവങ്ങളെക്കുറിച്ച് എത്രയും വേഗം കൃത്യവും സമഗ്രവുമായ വിവരങ്ങള്‍ ജില്ലാ പോലീസ് മേധാവിമാര്‍ക്ക് ലഭ്യമാകുന്ന തരത്തില്‍ ജില്ലാ സ്‌പെഷ്യല്‍ ബ്രാഞ്ച് വിഭാഗം ശക്തി പ്പെടുത്തണം. ജില്ലാ പൊലീസ് മേധാവികളുടേയും റേഞ്ച് ഡി. ഐ. ജി. മാരുടെയും സോൺ ഐ. ജി. മാരുടെയും ഓൺ ലൈൻ യോഗത്തിലാണ് ഡി. ജി. പി. ഈ നിർദ്ദേശങ്ങൾ നൽകിയത്.

- pma

വായിക്കുക: നിയമം, പോലീസ്, പോലീസ്‌ അതിക്രമം, പ്രതിരോധം, മനുഷ്യാവകാശം, സാമൂഹികം

Comments Off

ഓണ്‍ ലൈന്‍ ചൂതാട്ടം തമിഴ് നാട്ടില്‍ നിരോധിച്ചു

October 21st, 2022

ചെന്നൈ : ചൂതാട്ട സ്വഭാവമുള്ള എല്ലാ ഓണ്‍ലൈന്‍ ഗെയിമുകളും തമിഴ് നാട്ടില്‍ നിരോധിച്ചു. ഓണ്‍ ലൈന്‍ റമ്മി അടക്കം ചൂതാട്ടങ്ങളുടെ പരസ്യവും പ്രചാരണവും നിയമ വിരുദ്ധം ആക്കി ക്കൊണ്ടാണ് ഓണ്‍ ലൈന്‍ ചൂതാട്ട നിരോധന ബില്‍ തമിഴ്‌നാട് നിയമ സഭ പസ്സാക്കിയത്.

ചൂതാട്ടം നടത്തുന്നവര്‍ക്കും കളിക്കുന്നവര്‍ക്കും മൂന്നു വര്‍ഷം വരെ തടവു ശിക്ഷ ലഭിക്കും. ബാങ്കുകളും ധന കാര്യ സ്ഥാപനങ്ങളും ഇത്തരം ഗെയിമിംഗ് സൈറ്റു കളിലേക്കും ആപ്പുകളിലേക്കും പണം കൈ മാറരുത് എന്നും നിയമം വ്യക്തമാക്കുന്നു.