ശ്രീലങ്കയിൽ ചൈന: ഇന്ത്യക്ക് ആശങ്ക

October 26th, 2014

chinese-dragon-epathram

ന്യൂഡൽഹി: ശ്രീലങ്കയിൽ അനുദിനം വർദ്ധിച്ചു വരുന്ന ചൈനീസ് സൈനിക സാന്നിദ്ധ്യത്തിൽ ഇന്ത്യക്ക് ആശങ്ക. കഴിഞ്ഞ ദിവസം ശ്രീലങ്കൻ പ്രതിരോധ സെക്രട്ടറി ഗൊട്ടബായ രാജപക്സ ഇന്ത്യ സന്ദർശിച്ച് ഇന്ത്യൻ പ്രതിരോധ മന്ത്രി അരുൺ ജെറ്റ്ലിയുമായും ദേശീയ സുരക്ഷാ ഉപദേശകൻ അജിത് ദൊവാലുമായും കൂടിക്കാഴ്ച്ച നടത്തിയത് ഇന്ത്യയുടെ ഈ ആശങ്കയെ തുടർന്നാണ് എന്നാണ് സൂചന.

കഴിഞ്ഞ മാസം ശ്രീലങ്കൻ തുറമുഖത്ത് എത്തിയ ഒരു ചൈനീസ് മുങ്ങിക്കപ്പലാണ് ഇപ്പോൾ ഇന്ത്യയുടെ ഉറക്കം കെടുത്തുന്നത്. ഇന്ത്യയുടെ ദേശീയ സുരക്ഷയ്ക്ക് വൻ ഭീഷണിയാണ് ഇത്. ചാങ്ഷെങ് 2 എന്ന ആണവ മുങ്ങിക്കപ്പലാണ് കൊളംബോ അന്താരാഷ്ട്ര കണ്ടെയ്നർ ടെർമിനലിൽ കഴിഞ്ഞ മാസം വന്നെത്തിയത്. ഇത് ചരിത്രത്തിൽ തന്നെ ആദ്യമായാണ് ഇത്തരമൊരു ചൈനീസ് മുങ്ങിക്കപ്പൽ ശ്രീലങ്കയിൽ എത്തുന്നത്. ഇതിന് ഏതാനും ദിവസങ്ങൾക്ക് മുൻപ് രണ്ട് ചൈനീസ് യുദ്ധക്കപ്പലുകളും കൊളംബോയിൽ എത്തിയിരുന്നു.

ചൈനയും ശ്രീലങ്കയും തമ്മിൽ ശക്തമായ സൌഹൃദം നിലവിലുണ്ട്. ശ്രീലങ്കയിലെ നിർമ്മാണ പ്രവർത്തനങ്ങൾക്കും മറ്റുമായി ചൈന വൻ തോതിൽ സഹകരിക്കുന്നുണ്ട്. മാത്രവുമല്ല ശ്രീലങ്കയ്ക്ക് എതിരെയുള്ള മനുഷ്യാവകാശ ധ്വംസന ആരോപണത്തിന് എതിരെയുള്ള നടക്കുന്ന അന്വേഷണത്തിൽ ശ്രീലങ്കയെ ചൈന ശക്തമായി പിന്താങ്ങുമ്പോൾ ഇന്ത്യ വോട്ടെടുപ്പിൽ നിന്നും വിട്ടു നിൽക്കുകയായിരുന്നു.

- ജെ.എസ്.

വായിക്കുക: , ,

Comments Off on ശ്രീലങ്കയിൽ ചൈന: ഇന്ത്യക്ക് ആശങ്ക

സരിതയ്ക്കും പരിശീലകര്‍ക്കും സസ്പെന്‍ഷന്‍

October 22nd, 2014

boxing-sarita-devi-epathram

ന്യൂഡെല്‍ഹി: ഏഷ്യന്‍ ഗെയിംസില്‍ മെഡല്‍ സ്വീകരിക്കാതെ പ്രതിഷേധിച്ചതിനു ബോക്സിംഗ് താരം എല്‍. സരിതാ ദേവിക്ക് സസ്പെന്‍ഷന്‍. അന്താരാഷ്ട്ര ബോക്സിംഗ് അസോസിയേഷന്‍ ആണ് സരിതാ ദേവിയേയും പരിശീലകരായ ഗുര്‍ബക്ഷ് സിംഗ് സന്ധു, ഫെര്‍ണാണ്ടസ്, സാഗര്‍ മാല്‍ ദയാല്‍ എന്നിവരെയും സസ്പെന്റ് ചെയ്തത്. ഇനി ഒരു അറിയിപ്പ് ഉണ്ടാകും വരെയാണ് സരിതയ്ക്കും പരിശീലകര്‍ക്കും സസ്പെന്‍ഷന്‍.

സസ്പെന്‍ഷന്‍ മൂലം കൊറിയയില്‍ നടക്കുന്ന ലോക ബോക്സിംഗ് ചാമ്പ്യന്‍ ഷിപ്പ് ഉള്‍പ്പെടെ ചില മത്സരങ്ങള്‍ സരിതയ്ക്ക് നഷ്ടമാകും. ഏഷ്യന്‍ ഗെയിംസ് വനിതകളുടെ 60 കിലോഗ്രാം വിഭാഗം സെമി ഫൈനലില്‍ ദക്ഷിണ കൊറിയന്‍ താരത്തോട് തോറ്റ സരിത ജഡ്ജിമാര്‍ പക്ഷപാതം കാണിച്ചെന്ന് ആരോപിച്ച് മെഡല്‍ നിരസിക്കുകയായിരുന്നു. സമ്മര്‍ദ്ദത്തെ തുടര്‍ന്ന് മെഡല്‍ സ്വീകരിക്കുകയും ഖേദം പ്രകടിപ്പിക്കുകയും ചെയ്തു എങ്കിലും അസോസിയേഷന്‍ അവരെ സസ്പെന്റ് ചെയ്യുകയായിരുന്നു.

- എസ്. കുമാര്‍

വായിക്കുക: , , , ,

Comments Off on സരിതയ്ക്കും പരിശീലകര്‍ക്കും സസ്പെന്‍ഷന്‍

ഇഞ്ചിയോണിലെ ഇടിക്കൂട്ടില്‍ ഇന്ത്യയുടെ മേരികോമിനു സുവര്‍ണ്ണ നേട്ടം

October 1st, 2014

ഇഞ്ചിയോണ്‍: ഇടിക്കൂട്ടിലെ ഇന്ത്യന്‍ ഉരുക്ക് വനിത മേരികോമിനു സ്വര്‍ണ്ണം. വനിതകളുടെ 51 കിലോഗ്രാം ഫ്ലൈവെയ്റ്റിന്റെ ഫൈനലില്‍ ആണ് എതിരാളിയെ ഇടിച്ച് നിലം പരിശാക്കിക്കൊണ്ട് ഏഷ്യന്‍ ഗെയിംസില്‍ ഇന്ത്യക്ക് ഏഴാമത്തെ സ്വര്‍ണ്ണം നേടിത്തന്നത്. ഉയരക്കൂടുതലിന്റെ ആനുകൂല്യമുള്ള കസാഖിസ്ഥാന്റെ ഷൈന ഷെകെര്‍ബെക്കോവയെ ദ്രുതചലനങ്ങളിലൂടെയും അപ്രതീക്ഷിതമായ പ്രത്യാക്രമങ്ങളിലൂടെയും മേരികോം നേരിട്ടു. ആദ്യഘട്ടത്തില്‍ ഷൈനയ്ക്ക് അനുകൂലയായിരുന്നു എങ്കിലും പിന്നീട് ഉശിരന്‍ പഞ്ചുകള്‍ കൊണ്ട് തിരിച്ചുവരവ് നടത്തി. രണ്ടാം റൌണ്ടില്‍ എതിരാളിയുടെ പോയന്റ് കുറച്ചു കൊണ്ടുവന്നു തുടര്‍ന്നുള്ള രണ്ടു റൌണ്ടിലും മേരിയുടെ “ഇടിമഴയ്ക്കാണ്” ഇഞ്ചിയോണിലെ വേദി സാക്ഷിയായത്. മേരിയുടെ കൈകളുടെ ദ്രുതചലനങ്ങളില്‍ പലപ്പോഴും ഷൈന പതറിപ്പോയി. മൂന്നാം റൌണ്ടില്‍ ഷൈന തിരിച്ചുവരുവാന്‍ ശ്രമിച്ചെങ്കിലും അതേ റൌണ്ടില്‍ ഇടം കൈകൊണ്ടുള്ള ഒരു പഞ്ചില്‍ മേരിയുടെ പോയന്റ് നില ഉയര്‍ന്നു. 27-30,29-28,30-27,30-27 എന്നിങ്ങനെ ആണ് പോയന്റ് നില. ആദ്യമായാണ് മേരികോമിനു ഏഷ്യന്‍ ഗെയിംസില്‍ സ്വര്‍ണ്ണം ലഭിക്കുന്നത്. ഒളിമ്പിക്സില്‍ വെങ്കലവും നാല് ഏഷ്യന്‍ ചാമ്പ്യന്‍ഷിപ്പ് സ്വര്‍ണ്ണവും അടക്കം നിരവധി മെഡലുകള്‍ കരസ്ഥമാക്കിയിട്ടുണ്ട് ഈ 31 കാരി.

- എസ്. കുമാര്‍

വായിക്കുക: , ,

Comments Off on ഇഞ്ചിയോണിലെ ഇടിക്കൂട്ടില്‍ ഇന്ത്യയുടെ മേരികോമിനു സുവര്‍ണ്ണ നേട്ടം

ഇന്ത്യന്‍ മുസ്ലീങ്ങളുടെ രാജ്യ സ്നേഹം ചോദ്യം ചെയ്യാനാവില്ല : മോദി

September 19th, 2014

narendra modi-epathram
ന്യൂ ദല്‍ഹി : ഇന്ത്യന്‍ മുസ്ലിം ങ്ങളുടെ രാജ്യ സ്‌നേഹ ത്തില്‍ ആര്‍ക്കും സംശയം വേണ്ട എന്ന്‍ പ്രധാന മന്ത്രി നരേന്ദ്ര മോദി. ഇന്ത്യ യിലെ മുസ്ലിംങ്ങള്‍ രാജ്യ സ്‌നേഹി കളാണ്. അവര്‍ ഇന്ത്യയ്ക്ക് വേണ്ടി ജീവിക്കുകയും മരിക്കുകയും ചെയ്യുന്നവരാണ്. ജിഹാദിന് അവരെ പ്രേരിപ്പിക്കാം എന്നത് അല്‍ഖയ്ദയുടെ മിഥ്യാ ധാരണ യാണെന്നും മോദി പറഞ്ഞു. അല്‍ഖയ്ദ യുടെ ജിഹാദിനുള്ള ആഹ്വാനം ഇന്ത്യന്‍ മുസ്ലിങ്ങള്‍ തള്ളി ക്കളയുമെന്ന് ഉറപ്പുണ്ടെന്നും അമേരിക്കന്‍ സന്ദര്‍ശന ത്തിന് മുന്നോടിയായി സി. എന്‍. എന്‍. ചാനലിന് നല്‍കിയ അഭിമുഖ ത്തിലാണ് നരേന്ദ്ര മോദി ഇക്കാര്യം പറഞ്ഞത്.

അല്‍ഖ്വയ്ദ യ്ക്ക് ഇന്ത്യന്‍ മണ്ണില്‍ പിന്തുണ കിട്ടില്ല. രാജ്യത്തെ മുസ്ലീംങ്ങ ളോട് അല്‍ഖ്വദ ചെയ്യുന്നത് നീതി കേടാണ്. ഇന്ത്യയിലെ മുസ്ലീംങ്ങളെ തങ്ങളുടെ താള ത്തിനൊത്ത് തുള്ളിക്കാം എന്ന് കരുതുന്നുണ്ടെങ്കില്‍ അവര്‍ വഞ്ചിതരാകുമെന്നും മോദി പറഞ്ഞു.

- കറസ്പോണ്ടന്‍റ്

വായിക്കുക: , , ,

Comments Off on ഇന്ത്യന്‍ മുസ്ലീങ്ങളുടെ രാജ്യ സ്നേഹം ചോദ്യം ചെയ്യാനാവില്ല : മോദി

ഇസ്ലാം മത പണ്ഡിതര്‍ക്കു ലണ്ടനില്‍ ഇന്ത്യന്‍ സമൂഹത്തിന്റെ ആദരം

September 10th, 2014

logo-release-of-zayed-peace-foundation-ePathram
ലണ്ടന്‍ : വിവിധ പരിപാടി കളില്‍ സംബന്ധിക്കുന്നതിന് യു. കെ. യില്‍ എത്തിയ അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ. പി. അബൂബക്കര്‍ മുസ്‌ലിയാര്‍, മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീലുല്‍ ബുഖാരി എന്നിവര്‍ക്ക് ലണ്ടനില്‍ ഒരുക്കിയ സ്വീകരണ സംഗമം യു. കെ. യിലെ ഇന്ത്യന്‍ സമൂഹത്തിന്റെ അപൂര്‍വ്വ കൂട്ടായ്മയായി മാറി.

വൈറ്റ് ചാപ്പല്‍ വിക്കാം സ്വീറ്റില്‍ നൂറു കണക്കിന് പേര്‍ സംബ ന്ധിച്ച പരിപാടി യില്‍ മര്‍കസ് സമ്മേളന ത്തിന്റെ ഭാഗമായി ന്യൂഡല്‍ഹി യില്‍ നടക്കുന്ന ശൈഖ് സായിദ് പീസ് കോണ്‍ഫറന്‍സിന്റെ ലോഗോ പ്രകാശനവും നടന്നു.

കാന്തപുരം എ. പി. അബൂബക്കര്‍ മുസ്‌ലിയാര്‍ മുഖ്യ പ്രഭാഷണം നടത്തി. ശാന്തി യുടേയും സമാധാന ത്തിന്റെയും വഴിയിലുള്ള പ്രവര്‍ത്തന ങ്ങളാണ് മനുഷ്യ ചരിത്ര ത്തില്‍ ഗുണപര മായ മാറ്റ ങ്ങള്‍ക്ക് വഴിമരുന്നിട്ടത് എന്നും കാന്തപുരം പറഞ്ഞു.

ഐക്യവും ഒരുമ യുമാണ് ആരോഗ്യമുള്ള ഏതു സമൂഹ ത്തിന്റെയും നെട്ടെല്ല്. അതില്ലാതെ യായാല്‍ കുടുംബവും സമുഹവും രാഷ്ട്ര ങ്ങളു മെല്ലാം ശിഥിലമാകും. പാരസ്പര്യ മില്ലായ്മ യില്‍ നിന്നാണ് എല്ലാ കുഴപ്പ ങ്ങളും തുടങ്ങുന്നത് എന്നും അദ്ദേഹം ഉണര്‍ത്തി. സമാധാനം കളിയാടുന്ന ലോക ത്തിനായി ജീവിച്ച ശൈഖ് സായിദി ന്റെ സന്ദേശ ങ്ങള്‍ ഏറെ പ്രസക്തമാണെന്നും അദ്ദേഹം കൂട്ടിച്ചേര്‍ത്തു.

പുതിയ ലോക ക്രമ ത്തില്‍ സമാധാന ത്തിനായുള്ള കൂടുതല്‍ ശബ്ദങ്ങള്‍ ഉയരേ ണ്ടതു ണ്ട്. ആ കര്‍ത്തവ്യ മാണ് പണ്ഡിതന്മാര്‍ നിര്‍വ്വഹി ക്കുന്നത്. മര്‍കസു സ്സഖാഫത്തി സ്സുന്നിയ്യ, മഅ്ദിന്‍ അക്കാദമി പോലുള്ള സ്ഥാപന ങ്ങള്‍ മുന്നോട്ടു വെക്കുന്ന സന്ദേശവും ഇതാണ്.

മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീലുല്‍ ബുഖാരി സംഗമം ഉദ്ഘാടനം ചെയ്തു. പ്രമുഖ കനേഡിയന്‍ – ബ്രിട്ടീഷ് കവിയും എഴുത്തു കാരനുമായ പോള്‍ അബ്ദുല്‍ വദൂദ് സദര്‍ലന്റ്, ഇദ്‌രീസ് മേഴ്‌സ് (അസോസിയേഷന്‍ ഓഫ് മുസ്‌ലിം സ്‌കൂള്‍സ് – യു. കെ), ഡോ. ഹുസൈന്‍ സഖാഫി ചുള്ളിക്കോട് എന്നിവര്‍ പ്രസംഗിച്ചു. അബ്ദു റഹിമാന്‍ നൂറാനി സ്വാഗതവും ഇ. വി. അബ്ദുല്‍ അസീസ് ആമുഖ പ്രഭാഷ ണവും മുനീര്‍ വയനാട് നന്ദിയും പറഞ്ഞു.

-മുനീര്‍ പാണ്ട്യാല

- കറസ്പോണ്ടന്‍റ്

വായിക്കുക: , ,

Comments Off on ഇസ്ലാം മത പണ്ഡിതര്‍ക്കു ലണ്ടനില്‍ ഇന്ത്യന്‍ സമൂഹത്തിന്റെ ആദരം

Page 20 of 40« First...10...1819202122...3040...Last »

« Previous Page« Previous « ഏതു തരത്തിലുള്ള ഭീകര പ്രവർത്തനത്തെയും ഇന്ത്യ ഒറ്റക്കെട്ടായി എതിർത്തു തോല്പിക്കും : കാന്തപുരം
Next »Next Page » ആരോഗ്യ ചിന്തകള്‍ പ്രകാശനം ചെയ്തു »



ശാസ്ത്രജ്ഞർ കൃത്രിമ നേത്ര...
കേരളത്തില്‍ ജനിതകമാറ്റം വ...
ന്യൂട്ടന് വെല്ലുവിളിയുമായ...
ജപ്പാൻ ആണവ നിലയങ്ങൾ വീണ്ട...
ഇന്ത്യ പ്രവര്‍ത്തിക്കുന്ന...
സ്പെയിനിലെ ബാങ്കുകള്‍ നഷ്...
അതിരപ്പിള്ളി പദ്ധതിക്കായി...
യു. എസ്. സൈനികരിലെ ആത്മഹത...
നാപാം പെൺകുട്ടിയുടെ ഫോട്ട...
ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മായാവതി ഉത്തര്‍പ്രദേശ്‌ വ...
ന്യൂമോണിയ : ശിശു മരണങ്ങള്...
മൈക്കള്‍ ജാക്സന്‍റെ മരണത്...
162 എം.പിമാര്‍ ക്രിമിനല്‍...
ഭക്ഷ്യവില കുതിക്കുന്നു, ജ...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha