കാലാവസ്ഥയിലെ മാറ്റം : ഡ്രൈവര്‍മാര്‍ക്ക് ബോധവത്കരണം

October 18th, 2021

abudhabi-traffic-police-camp-for-taxi-drivers-ePathram
അബുദാബി : വാഹനം ഓടിക്കുന്നവർ കാലാവസ്ഥ യിലെ മാറ്റം ഉൾക്കൊണ്ട് കൂടുതൽ ശ്രദ്ധാലുക്കൾ ആവണം എന്ന് അബുദാബി പോലീസ്.

ടാക്സി ഡ്രൈവര്‍മാര്‍ക്കു വേണ്ടി സംഘടിപ്പിച്ച ബോധ വത്കരണ ക്ലാസ്സിലാണ് ഇക്കാര്യം ഓർമ്മിപ്പിച്ചത്. ഗതാഗത രംഗത്തെ സമഗ്ര മാറ്റങ്ങൾ, പുതുക്കിയ നിയമ ങ്ങൾ, വിവിധ കാലാവസ്ഥകളിൽ ഡ്രൈവ് ചെയ്യു മ്പോള്‍ പാലിക്കേണ്ടതായ മുൻ കരുതലുകൾ എന്നിവ വിശദീകരിച്ചു.

വാഹനങ്ങൾ തമ്മില്‍ മതിയായ അകലം ഇല്ലാതെയുള്ള ഡ്രൈവിംഗ്, അനുവദിച്ചതില്‍ കൂടുതല്‍ വേഗത എന്നിവ യാണ് വാഹന അപകട ങ്ങളുടെ പ്രധാന കാരണങ്ങൾ.

ഇത്തരം കാര്യങ്ങളില്‍ ഡ്രൈവര്‍മാര്‍ സത്വര ശ്രദ്ധ ചെലുത്തുകയും നിയമം അനുശാസിക്കുന്ന രീതിയില്‍ വാഹനം ഓടിക്കുകയും ചെയ്യണം എന്നും പോലീസ് മുന്നറിയിപ്പു നല്‍കി.

- pma

വായിക്കുക: , , ,

Comments Off on കാലാവസ്ഥയിലെ മാറ്റം : ഡ്രൈവര്‍മാര്‍ക്ക് ബോധവത്കരണം

ശ്രദ്ധയില്ലാതെ വാഹനം ഓടിക്കരുത് : വീഡിയോ പങ്കു വെച്ച് പോലീസ് മുന്നറിയിപ്പ്

October 2nd, 2021

traffic-awareness-pedestrian-zebra-crossing-ePathram
അബുദാബി : ഡ്രൈവ് ചെയ്യുമ്പോഴുള്ള മൊബൈൽ ഫോണ്‍ ഉപയോഗം, അമിത വേഗം, വാഹന ങ്ങൾക്ക് ഇടയില്‍ ആവശ്യമായ അകലം പാലിക്കാതെ ഓടിക്കുക എന്നിവ കൊണ്ട് ഉണ്ടാവുന്ന അപകടങ്ങളെ കുറിച്ച് മുന്നറിയിപ്പു നല്‍കി അബുദാബി പോലീസ്.

സീബ്രാ ക്രോസിംഗിലൂടെ നടന്നു പോകുന്ന കാല്‍ നട യാത്രികനു നേരെ പാഞ്ഞെത്തുന്ന വാഹനത്തിന്റെ ദൃശ്യങ്ങൾ സോഷ്യല്‍ മീഡിയകളില്‍ പങ്കു വെച്ച് അബുദാബി പോലീസ് വീണ്ടും മുന്നറിയിപ്പു നല്‍കുന്നു.

മേല്‍പറഞ്ഞ കാര്യങ്ങളാണ് പ്രധാനമായും വാഹന അപകടങ്ങൾക്ക് കാരണം ആവാറുള്ളത്. എന്നാല്‍ കാൽ നട യാത്രികരും റോഡില്‍ ഇറങ്ങുമ്പോള്‍ പ്രത്യേകം ശ്രദ്ധ ചെലുത്തണം. റോഡ് മുറിച്ചു കടക്കുമ്പോഴുള്ള ഫോണ്‍ ഉപയോഗം നിയമ വിരുദ്ധമാണ് എന്ന കാര്യവും ഓര്‍ക്കണം.

- pma

വായിക്കുക: , , , ,

Comments Off on ശ്രദ്ധയില്ലാതെ വാഹനം ഓടിക്കരുത് : വീഡിയോ പങ്കു വെച്ച് പോലീസ് മുന്നറിയിപ്പ്

പ്രതികളെ തിരിച്ചറിയാന്‍ വിരല്‍ അടയാളം : കേരള പൊലീസ്‌ ഒന്നാം സ്ഥാനത്ത്

September 23rd, 2021

new-logo-kerala-police-ePathram
തിരുവനന്തപുരം : വിരല്‍ അടയാള പരിശോധന യിലൂടെ കുറ്റം തെളിയിച്ച സംസ്ഥാനങ്ങളുടെ പട്ടിക യിൽ കേരള പൊലീസ്‌ ഒന്നാം സ്ഥാനം കരസ്ഥമാക്കി. മറ്റു സംസ്ഥാനങ്ങളെ ബഹുദൂരം പിന്നിൽ ആക്കിയാണ് കേരളം ഈ നേട്ടം കൈവരിച്ചത്. ദേശീയ ക്രൈം റെക്കോർഡ്‌സ്‌ ബ്യൂറോയുടെ 2020 ലെ വാർഷിക പഠന റിപ്പോർട്ടിലാണ്‌ ഈ വിവരം.

കഴിഞ്ഞ വർഷം 657 കേസുകളാണ്‌ വിരല്‍ അടയാള ത്തിന്റെ സഹായത്തോടെ കേരളത്തില്‍ തെളിയിച്ചത്‌. 517 കേസുകൾ തെളിയിച്ച കർണ്ണാടകയും 412 കേസുകൾ തെളിയിച്ച ആന്ധ്രയും രണ്ടും മൂന്നും സ്ഥാനങ്ങളിൽ എത്തി.

കുറ്റം തെളിയിച്ച് കുറ്റവാളികളെ കണ്ടെത്തുവാന്‍ ഉപയോഗിക്കുന്ന പ്രധാന രീതികളില്‍ ഒന്നാണ് വിരല്‍ അടയാള പരിശോധന. ഇത് ഏറ്റവും ഫലപ്രദമായി ഉപയോഗിക്കുവാൻ കേരള പോലീസിനു കഴിഞ്ഞു. കേരളത്തിലെ ഫിംഗർ പ്രിന്റ് ബ്യുറോക്കും കേരള പോലീസിനും ഇത് അഭിമാന നേട്ടമാണ്.

കൊല്ലം അഞ്ചല്‍ ഉത്ര വധക്കേസ്, എറണാകുളത്ത് ഐ. എൻ‍. എസ്. വിക്രാന്തിലെ മോഷണം, അങ്കമാലി യിൽ മോഷണ ശ്രമത്തിനിടയിൽ കടക്ക് ഉള്ളിൽ ഷോക്കേറ്റു പ്രതി മരിച്ചത് തുടങ്ങിയ സംഭവങ്ങളിലെ അന്വേഷണ ത്തിൽ വിരലടയാള വിദഗ്ധരുടെ മികവു പ്രത്യേകമായി റിപ്പോർട്ടിൽ പരാമർശിച്ചിട്ടുണ്ട്.

* Kerala Police F B Page

- pma

വായിക്കുക: , , ,

Comments Off on പ്രതികളെ തിരിച്ചറിയാന്‍ വിരല്‍ അടയാളം : കേരള പൊലീസ്‌ ഒന്നാം സ്ഥാനത്ത്

അബുദാബി പ്രവേശനം : നിലവിലെ വിലക്കുകള്‍ നീക്കി

September 18th, 2021

traffic-awareness-of-abudhabi-police-in-al-ghuwaifat-road-ePathram
അബുദാബി : യു. എ. ഇ. യുടെ ഇതര എമിറേറ്റുകളില്‍ നിന്നും അബുദാബിയില്‍ പ്രവേശിക്കുന്നതിന് കൊവിഡ് നെഗറ്റീവ് സര്‍ട്ടിഫിക്കറ്റ് വേണം എന്നുള്ള നിബന്ധന നീക്കി. 2021 സെപ്റ്റംബര്‍ 19 ഞായറാഴ്ച മുതല്‍ ഇത് നിലവിൽ വരും. കൊവിഡ് വ്യാപനം കുറഞ്ഞു വന്ന സാഹചര്യ ത്തിലാണ് ഈ തീരുമാനം എന്ന് അബുദാബി ദുരന്ത നിവാരണ അഥോറിറ്റി അറിയിച്ചു. ഇപ്പോള്‍ കൊവിഡ് വ്യാപന നിരക്ക് ദശാംശം രണ്ടു ശതമാനം ആയി കുറഞ്ഞിട്ടുണ്ട്.

al-hosn-app-green-pass-for-entry-to-public-places-ePathram

എന്നാല്‍ എമിറേറ്റിലെ പൊതു സ്ഥലങ്ങളിൽ പ്രവേശി ക്കുവാന്‍ അൽ ഹുസ്ൻ ഗ്രീന്‍ സിഗ്നല്‍ കാണിക്കണം എന്നുള്ള നിബന്ധന നിലവിലുണ്ട്. മാത്രമല്ല രാജ്യത്തിനു പുറത്തു നിന്നും അബു ദാബിയില്‍ എത്തുന്ന യാത്ര ക്കാര്‍ക്ക് ആര്‍. ടി. പി. സി. ആർ. നെഗറ്റീവ് സർട്ടിഫിക്കറ്റ് നിർബ്ബന്ധം തന്നെയാണ് എന്നും അധികൃതര്‍ ഓര്‍മ്മിപ്പിച്ചു.

- pma

വായിക്കുക: , , , , , , , ,

Comments Off on അബുദാബി പ്രവേശനം : നിലവിലെ വിലക്കുകള്‍ നീക്കി

വര്‍ഗ്ഗീയ വിദ്വേഷം പടര്‍ത്തുന്നവര്‍ക്ക് എതിരെ കര്‍ശ്ശന നടപടി എടുക്കും : മുഖ്യമന്ത്രി

September 16th, 2021

pinarayi-vijayan-epathram
തിരുവനന്തപുരം : വര്‍ഗ്ഗീയ വിദ്വേഷം നിറഞ്ഞ പരാമര്‍ശങ്ങള്‍ പടര്‍ത്തുന്നവര്‍ക്ക് എതിരെ കര്‍ശ്ശന നടപടി എടുക്കും എന്ന് മുഖ്യമന്ത്രി പിണറായി വിജയന്‍.

സമൂഹത്തില്‍ വിവേചനം ഉണ്ടാക്കുവാന്‍ ശ്രമിക്കുന്ന തരത്തിലുള്ള പ്രചാരണം നടത്തുന്നവര്‍ ആരൊക്കെ തന്നെ ആയിരുന്നാലും അവര്‍ക്ക് എതിരെ വിട്ടു വീഴ്ച യില്ലാതെ നടപടി എടുക്കുവാന്‍ ചീഫ് സെക്രട്ടറിയും ഉന്നത പോലീസ് ഉദ്യോഗസ്ഥരും പങ്കെടുത്ത യോഗ ത്തില്‍ മുഖ്യമന്ത്രി നിര്‍ദ്ദേശിച്ചു. സമൂഹ മാധ്യമങ്ങളി ലൂടെ അടക്കം വിഭാഗീയത ഉണ്ടാക്കുവാനുള്ള ഒരു ശ്രമവും അനുവദിക്കരുത് എന്നും മുഖ്യമന്ത്രി നിര്‍ദ്ദേശിച്ചു.

മത നിരപേക്ഷ പാരമ്പര്യവും മത സാഹോദര്യവും നില നില്‍ക്കുന്ന സംസ്ഥാനമാണ്. കേരളത്തിന്റെ ഈ പൊതു സ്വഭാവവും സവിശേഷതയും തകര്‍ക്കുവാനുള്ള ബോധ പൂര്‍വ്വമായ ശ്രമമാണ് ചില കോണുകളില്‍ നിന്ന്ഉയര്‍ന്നു വരുന്നത്. ഇത്തരം നീക്കങ്ങള്‍ക്ക് എതിരെ ശക്തമായ നടപടി ഉണ്ടാകും എന്നും മുഖ്യമന്ത്രി ഓർമ്മിപ്പിച്ചു.

- pma

വായിക്കുക: , , , , , ,

Comments Off on വര്‍ഗ്ഗീയ വിദ്വേഷം പടര്‍ത്തുന്നവര്‍ക്ക് എതിരെ കര്‍ശ്ശന നടപടി എടുക്കും : മുഖ്യമന്ത്രി

Page 1 of 4212345...102030...Last »

« Previous « നിയമ സഹായ വെബ്ബിനാർ : സമദാനി ഉദ്ഘാടനം ചെയ്യും
Next Page » വീഡിയോ കോൺഫറൻസ് വഴി ഓൺ ലൈനായി വിവാഹം രജിസ്റ്റർ ചെയ്യാം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha