18 വയസ്സിന് മുകളിലുള്ളവര്‍ കൊവിഡ് ബൂസ്റ്റര്‍ ഡോസ് സ്വീകരിക്കണം

December 26th, 2021

covid-vaccine-ePathram
അബുദാബി : ഇതുവരെ കൊവിഡ് വാക്സിന്‍റെ ബൂസ്റ്റര്‍ ഡോസ് സ്വീകരിക്കാത്ത 18 വയസ്സു കഴിഞ്ഞവര്‍ എത്രയും വേഗം ബൂസ്റ്റര്‍ ഡോസ് എടുക്കണം എന്ന് യു. എ. ഇ. ദേശീയ അടിയന്തര ദുരന്ത നിവാരണ അഥോറിറ്റി (NCEMA) അറിയിച്ചു.

രണ്ടാം ഡോസ് കുത്തിവെപ്പ് എടുത്ത് ആറു മാസം പൂര്‍ത്തി ആക്കിയവര്‍ക്ക് ബൂസ്റ്റര്‍ ഡോസ് ലഭ്യമാണ്. ഇവര്‍ക്ക് തൊട്ടടുത്തുള്ള വാക്‌സിനേഷന്‍ സെന്‍ററുകളില്‍ നിന്ന് കുത്തിവെപ്പ് ലഭ്യമാണ് എന്നും അധികൃതര്‍ ഓര്‍മ്മിപ്പിച്ചു.

രോഗ ബാധ ഒഴിവാക്കുന്നതിനൊപ്പം രോഗ ബാധിതരില്‍ ഗുരുതര ആരോഗ്യ പ്രശ്‌നങ്ങള്‍ ചെറുക്കുന്നതിനും ബൂസ്റ്റര്‍ ഡോസ് ഏറെ സഹായകമാണ്. മാത്രമല്ല കൊവിഡ് വൈറസ് വക ഭേദങ്ങളെ ചെറുക്കുന്നതില്‍ ബൂസ്റ്റര്‍ ഡോസ് ഫലപ്രദമാണ് എന്നും അധികൃതര്‍ ചൂണ്ടിക്കാട്ടി.

ബൂസ്റ്റര്‍ ഡോസ് എടുത്തവർക്ക് മാത്രമേ അൽ ഹൊസൻ ആപ്പിൽ ഗ്രീന്‍ പാസ്സ് ഉണ്ടാവുകയുള്ളൂ. പൊതു സ്ഥല ങ്ങളിലും സര്‍ക്കാര്‍ സ്ഥാപനങ്ങളിലും ആളുകള്‍ക്ക് പ്രവേശനത്തിന് അല്‍ ഹൊസന്‍ ഗ്രീന്‍ പാസ്സ് നിര്‍ബ്ബന്ധം ആക്കിയിട്ടുണ്ട്.

എല്ലാവരും കൊവിഡു മാനദണ്ഡങ്ങൾ പാലിക്കണം. വാക്സിനുകൾ സ്വീകരിക്കുക എന്നതിനു കൂടെ തന്നെ ശരിയായ രീതിയിൽ ഫെയ്‌സ് മാസ്കുകൾ ധരിക്കുക, കൈകൾ ഇപ്പോഴും ശുചിയാക്കുക, പൊതു സ്ഥല ങ്ങളിൽ സാമൂഹിക അകലം പാലിക്കുക തുടങ്ങിയ കാര്യങ്ങളിൽ വീഴ്ച വരുത്തരുത്.

കൊവിഡ് മഹാമാരിയിൽ നിന്നും രക്ഷനേടുന്നതിനായി സർക്കാരും ആരോഗ്യ പ്രവർത്തകരും വിവിധ വകുപ്പു കളും ചെയ്തുവരുന്ന പ്രവർത്തനങ്ങൾക്ക് പൊതു ജന ങ്ങളിൽ നിന്നുള്ള സഹകരണവും കൊവിഡ് നിയമങ്ങൾ പാലിക്കുന്നതിൽ അതീവ ജാഗ്രത വേണമെന്നും ഓർമ്മിപ്പിച്ചു.  NCEMA UAE : Twitter 

- pma

വായിക്കുക: , , , , , ,

Comments Off on 18 വയസ്സിന് മുകളിലുള്ളവര്‍ കൊവിഡ് ബൂസ്റ്റര്‍ ഡോസ് സ്വീകരിക്കണം

കൊവിഡ് നിയന്ത്രണം : സർക്കാർ സ്ഥാപനങ്ങളിൽ ഗ്രീൻ പാസ്സ് നിര്‍ബ്ബന്ധം

December 20th, 2021

covid-19-al-hosn-green-app-ePathram
അബുദാബി : യു. എ. ഇ. യിലെ കൊവിഡ് മാനദണ്ഡ ങ്ങളില്‍ പുതിയ പരിഷ്കാരങ്ങള്‍ വരുത്തുന്നു. 2022 ജനുവരി 3 മുതല്‍ എല്ലാ മന്ത്രാലയങ്ങളിലും ഫെഡറൽ സ്ഥാപനങ്ങളിലും പ്രവേശിക്കുമ്പോൾ അൽ ഹൊസൻ ആപ്പ് ‘ഗ്രീൻ പാസ്സ്’ സാധുത കര്‍ശ്ശനമാക്കും.

മന്ത്രാലയങ്ങളിലെ ജീവനക്കാർക്കും ഇവിടങ്ങളിലെ സേവനങ്ങൾ ആവശ്യമുള്ള പൊതു ജനങ്ങൾക്കും ഈ വ്യവസ്ഥ ബാധകമാണ്. നിലവിലെ കൊവിഡ് നിയമം അനുസരിച്ച് 14 ദിവസം കൂടുമ്പോഴുള്ള പി. സി. ആര്‍. നെഗറ്റീവ് ഫലം ലഭിക്കുന്നവര്‍ക്കാണ് അൽ ഹൊസൻ ആപ്പ് ഗ്രീൻ പാസ്സ് അപ്ഡേറ്റ് ആവുന്നത്.

യു. എ. ഇ. അംഗീകൃത കൊവിഡ് വാക്സിന്‍ രണ്ടാം ഡോസ് എടുത്ത് ആറു മാസം പൂര്‍ത്തി ആയാല്‍ ബൂസ്റ്റർ ഡോസ് എടുക്കണം എന്നാണ് നിലവിലെ വ്യവസ്ഥ. ഇപ്രകാരം ബൂസ്റ്റര്‍ ഡോസ് എടുത്തവർക്ക് മാത്രമേ പി. സി. ആർ. നെഗറ്റീവ് ഫലം ലഭിച്ചാൽ അൽ ഹൊസൻ ആപ്പിൽ 14 ദിവസത്തെ ഗ്രീന്‍ പാസ്സ് സാധുത ഉണ്ടാവുക. അല്ലാത്തവർക്ക് പി. സി. ആർ. നെഗറ്റീവ് ഫലം ലഭിച്ചാൽ ആപ്പിൽ നാലു ദിവസത്തെ ഗ്രീൻ പാസ്സ് സാധുത ലഭിക്കും.

പൊതുജന സുരക്ഷ ഉറപ്പു വരുത്തുക, പ്രതി ദിന കൊവിഡ് കേസുകളിലെ വർദ്ധന നിയന്ത്രിക്കുക എന്നീ ലക്ഷ്യങ്ങളോടെയാണ് ദേശീയ അത്യാഹിത ദുരന്ത നിവാരണ സമിതി (NCEMA) കൊവിഡ് മാനദണ്ഡങ്ങളില്‍ പുതിയ വ്യവസ്ഥകൾ ചേര്‍ത്തിരിക്കുന്നത്.

ഈ നിയമം പ്രാബല്ല്യത്തില്‍ വരുന്നതോടെ കൊവിഡ് വാക്സിന്‍ എടുക്കാത്തവര്‍ക്കും ഗ്രീൻ പാസ്സ് ഇല്ലാത്ത വർക്കും സർക്കാർ ഓഫീസുകളില്‍ പ്രവേശനം ലഭിക്കില്ല.

- pma

വായിക്കുക: , , ,

Comments Off on കൊവിഡ് നിയന്ത്രണം : സർക്കാർ സ്ഥാപനങ്ങളിൽ ഗ്രീൻ പാസ്സ് നിര്‍ബ്ബന്ധം

പുതു വര്‍ഷത്തില്‍ പ്രവൃത്തി സമയ ങ്ങളില്‍ സമഗ്ര മാറ്റങ്ങളുമായി യു. എ. ഇ.

December 13th, 2021

uae-flag-epathram
അബുദാബി : 2022 ജനുവരി 1 മുതൽ യു. എ. ഇ. യിലെ വാരാന്ത്യ അവധി വെള്ളിയാഴ്ച ഉച്ച മുതല്‍ ശനി, ഞായര്‍ എന്നീ ദിവസങ്ങള്‍ കൂടി രണ്ടര ദിവസവും ആയിരിക്കും എന്ന്‍ അധികൃതര്‍. ഈ പ്രഖ്യാപനം അനുസരിച്ച് സര്‍ക്കാര്‍ ഓഫീസുകളുടെ പ്രവൃത്തി ദിനങ്ങള്‍ ആഴ്ചയിൽ നാലര ദിവസം ആയിരിക്കും. എന്നാല്‍ പ്രതിദിന പ്രവൃത്തി സമയം ഒരു മണിക്കൂർ വർദ്ധിപ്പിക്കുകയും ചെയ്യും.

തിങ്കള്‍, ചൊവ്വ, ബുധന്‍, വ്യാഴം എന്നീ ദിവസങ്ങളില്‍ രാവിലെ 7.30 മുതൽ ഉച്ച തിരിഞ്ഞ് 3.30 വരെ സര്‍ക്കാര്‍ ഓഫീസുകള്‍ പ്രവര്‍ത്തിക്കും. വെള്ളിയാഴ്ച രാവിലെ 7.30 മുതൽ ഉച്ചക്ക് 12.00 വരെയും.

നിലവിൽ സര്‍ക്കാര്‍ തലത്തില്‍ മാത്രമാണ് വാരാന്ത്യ അവധി മാറ്റം നടപ്പാക്കുന്നത്. തുടര്‍ന്ന് സ്വകാര്യ സ്ഥാപനങ്ങൾക്കും ഈ നിയമം ബാധകമാകും എന്നു കരുതുന്നു.

രാജ്യത്തെ ഏഴു പ്രവിശ്യകളെയും ചേര്‍ത്ത് യുണൈറ്റഡ് അറബ് എമിറേറ്റ്സ് രൂപീകരിച്ച 1971 മുതൽ 1999 വരെ വാരാന്ത്യ അവധി വെള്ളിയാഴ്ച ആയിരുന്നു. പിന്നീട് 2006 വരെ വ്യാഴാഴ്ച കൂടി ചേര്‍ത്ത് രണ്ടു ദിവസങ്ങള്‍ വാരാന്ത്യ അവധി ആക്കി മാറ്റിയിരുന്നു. തുടര്‍ന്ന് 2006 മുതല്‍ വ്യാഴം പ്രവൃത്തി ദിനം ആക്കുകയും വെള്ളി, ശനി എന്നീ ദിവസങ്ങൾ വാരാന്ത്യ അവധി ആക്കുകയും ചെയ്തു.

രാജ്യം അന്‍പതാം ജന്മ വാര്‍ഷികം ആഘോഷിക്കുന്ന വേളയിലാണ് അറബ് രാജ്യങ്ങള്‍ക്ക് അനുകരിക്കാവുന്ന ഈ സമഗ്ര മാറ്റങ്ങള്‍ യു. എ. ഇ. പ്രാവര്‍ത്തികം ആക്കുന്നത്.

- pma

വായിക്കുക: , , , , ,

Comments Off on പുതു വര്‍ഷത്തില്‍ പ്രവൃത്തി സമയ ങ്ങളില്‍ സമഗ്ര മാറ്റങ്ങളുമായി യു. എ. ഇ.

തിരിച്ചറിയൽ രേഖ എപ്പോഴും കയ്യില്‍ കരുതണം

December 12th, 2021

federal-authority-for-identity-and-citizen-ship-uae-amnesty-with-name-of-protect-yourself-by-changing-yourself-ePathram
ദുബായ് : ഔദ്യോഗിക തിരിച്ചറിയൽ രേഖയായ എമിറേറ്റ്‌സ് ഐ. ഡി. എപ്പോഴും കയ്യില്‍ കരുതണം എന്ന്‍ അധികൃതര്‍ ഓര്‍മ്മിപ്പിച്ചു. നിയമ പാലകർ ആവശ്യപ്പെട്ടാൽ തിരിച്ചറിയൽ രേഖ കാണിക്കണം. അതു കൊണ്ട് വീടിനു പുറത്തിറങ്ങുമ്പോൾ സ്വദേശികള്‍ ആയാലും വിദേശികള്‍ ആയാലും തിരിച്ചറിയൽ രേഖ കൈയ്യില്‍ കരുതണം.

നിയമ നടപടികൾക്ക് ആവശ്യമായ ഔദ്യോഗിക രേഖ യാണ് എമിറേറ്റ്സ് ഐ. ഡി. ഇതിനു കേടുപാട് പറ്റുകയോ കാര്‍ഡ് നഷ്ടപ്പെടുകയോ ചെയ്താൽ ഉടനെ തന്നെ പുതിയ കാര്‍ഡിന്ന് അപേക്ഷിക്കണം.

വ്യക്തിഗത തിരിച്ചറിയല്‍ രേഖയായ എമിറേറ്റ്സ് ഐ. ഡി. കാർഡ് മാറ്റാര്‍ക്കെങ്കിലും കൈ മാറുകയോ പണയം വെക്കുകയോ ചെയ്യാൻ പാടില്ല. കളഞ്ഞു കിട്ടിയ തിരിച്ചറിയൽ രേഖകൾ ആരും തന്നെ കയ്യില്‍ വെക്കരുത്. ഉടനെ തന്നെ അടുത്തുള്ള പോലീസ് സ്റ്റേഷനില്‍ ഏല്‍പ്പിക്കണം എന്നും അധികൃതര്‍ അറിയിച്ചു.

* ICA UAE Twitter

- pma

വായിക്കുക: , , , ,

Comments Off on തിരിച്ചറിയൽ രേഖ എപ്പോഴും കയ്യില്‍ കരുതണം

കൊവിഡ് നിയന്ത്രണങ്ങളില്‍ ഇളവു വരുത്തി യു. എ. ഇ.

October 20th, 2021

covid-19-strict-rules-in-uae-if-not-wearing-face-mask-3000-dhs-fine-ePathram
അബുദാബി : രാജ്യത്തെ കൊവിഡ് വ്യാപനം കുറഞ്ഞ സാഹചര്യത്തില്‍ കൊവിഡ് മാന ദണ്ഡങ്ങളില്‍ മാറ്റ ങ്ങളും നിയന്ത്രണങ്ങളിൽ ഇളവുകളും പ്രഖ്യാപിച്ചു കൊണ്ട് ദേശീയ ദുരന്ത നിവരണ സമിതി. വീടുകളിൽ നടക്കുന്ന വിവാഹ ചടങ്ങുകള്‍, സംസ്‌കാര ചടങ്ങുകൾ, കുടുംബ കൂട്ടായ്മകളുടെ ഒത്തു ചേരലുകൾ അടക്കമുള്ള മറ്റു പാർട്ടികൾ തുടങ്ങീ ചടങ്ങു കളിൽ 80 ശതമാനം ശേഷിയോടെ ആളുകളെ പങ്കെടുപ്പിക്കാം. എന്നാൽ, ആകെ ആളുകളുടെ എണ്ണം 60 പേരില്‍ കൂടുതല്‍ ആവരുത്. കൂടാതെ അഥിതി സേവനങ്ങൾക്ക് 10 പേരെ യും പങ്കെടുപ്പിക്കാം.

എല്ലാവരും വാക്സിന്‍ രണ്ടു ഡോസ് എടുത്ത് 14 ദിവസം പിന്നിട്ടവരും ആയിരിക്കണം.

ചടങ്ങുകളിലേക്ക് പ്രവേശിക്കുന്നതിന് മുമ്പ് ശരീര താപ നില പരിശോധിക്കണം. മാത്രമല്ല  48 മണിക്കൂറിനുള്ളില്‍ എടുത്ത പി. സി. ആര്‍. ടെസ്റ്റ് നെഗറ്റീവ് റിസല്‍ട്ടും അല്‍ ഹൊസ്ന്‍ ആപ്പിലെ ഗ്രീന്‍ പാസ്സും നിര്‍ബ്ബന്ധവുമാണ്.

- pma

വായിക്കുക: , , ,

Comments Off on കൊവിഡ് നിയന്ത്രണങ്ങളില്‍ ഇളവു വരുത്തി യു. എ. ഇ.

Page 30 of 162« First...1020...2829303132...405060...Last »

« Previous Page« Previous « ദുരിതാശ്വാസ നിധി യിലേക്ക് ഒരു കോടി രൂപ നല്‍കും : എം. കെ. സ്റ്റാലിന്‍
Next »Next Page » രചനാ മല്‍സരം : സാഹിത്യ സൃഷ്ടികൾ ക്ഷണിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha