അബുദാബി : റിക്കവറി വാനുകളിൽ എടുത്തു കൊണ്ടു പോകുന്ന തകരാറിലായ വാഹനങ്ങളുടെ നമ്പർ പ്ലേറ്റ് മറച്ചു വെക്കരുത് എന്ന് പോലീസ് മുന്നറിയിപ്പ്.
ട്രാഫിക് നിയമ പ്രകാരം 400 ദിർഹം വരെ പിഴയും ലൈസൻസിൽ നാല് ബ്ലാക്ക് പോയന്‍റും ലഭിക്കാവുന്ന കുറ്റമാണ് ഇതെന്ന് സാമൂഹിക മാധ്യമങ്ങളിലൂടെ അബുദാബി പൊലീസ് മുന്നറിയിപ്പ് നൽകി.
റിക്കവറി വാഹനങ്ങളിൽ കെട്ടി വലിച്ച് കൊണ്ടു പോകുന്ന തകരാറിലായ വാഹനങ്ങളുടെ നമ്പർ മറച്ചു വെക്കുന്നതായി പലപ്പോഴും കാണാം. ഇത്തരം നടപടികൾ ശ്രദ്ധയിൽ പെട്ടതിനെ തുടർന്നാണ് അധികൃതർ മുന്നറിയിപ്പ് നൽകിയിരിക്കുന്നത്.
- Image Credit : Instagram, AD Police FB
