മുസ്സഫ മാർത്തോമാ ദേവാലയത്തിൽ നിറപ്പകിട്ടാർന്ന പരിപാടികളോടെ കൊയ്ത്തുത്സവം

November 30th, 2022

harvest-fest-2022-in-mar-thoma-church-mussafah-ePathram
അബുദാബി : മാർത്തോമാ ഇടവകയുടെ ഈ വർഷത്തെ കൊയ്ത്തുത്സവം മുസ്സഫ മാർത്തോമാ ദേവാലയത്തിൽ വൻ ജന പങ്കാളിത്തത്തോടു കൂടി നടത്തപ്പെട്ടു. രാവിലെ എട്ടു മണിക്ക് വിശുദ്ധ കുർബാനയോട് കൂടി ആരംഭിച്ച കൊയ്ത്തുത്സവ ത്തിൽ, വിശ്വാസികൾ ആദ്യ ഫല വിഭവങ്ങൾ സമർപ്പിച്ച് പ്രാർത്ഥന നടത്തി.

വൈകുന്നേരം 3.30 നു വിളംബര ഘോഷ യാത്രയോടു കൂടി കൊയ്ത്തുത്സ ആഘോഷ ങ്ങള്‍ക്ക് തുടക്കം കുറിച്ചു.

‘ജീവന്‍റെ പുതുക്കവും രക്ഷയുടെ സന്തോഷവും’ എന്ന ഇടവകയുടെ ഈ വർഷത്തെ ചിന്താ വിഷയത്തെയും യു. എ. ഇ. യുടെ ദേശീയ ദിന ആഘോഷ നിശ്ചല ദൃശ്യങ്ങളും, കുട്ടികൾ അവതരിപ്പിച്ച ദൃശ്യ ആവിഷ്കാരങ്ങളും ഘോഷ യാത്രക്കു മിഴിവേകി. തുടർന്ന് നടന്ന പൊതു സമ്മേളനം, യു. എ. ഇ. യുടെയും ഭാരതത്തിന്‍റെ യും പതാക ഉയർത്ത ലോടും ഇരു രാജ്യങ്ങളുടെയും ദേശീയ ഗാനത്തോടും കൂടി ആരംഭിച്ചു.

ഇടവക വികാരി റവ. ജിജു ജോസഫിൻ്റെ അദ്ധ്യക്ഷത യിൽ LLH ഹോസ്പിറ്റൽ സീനിയർ കാർഡിയോളജിസ്റ്റ് ഡോക്ടര്‍. ജോസ് ജോൺ ഉദ്ഘാടനം ചെയ്തു. സഹ വികാരി അജിത് ഈപ്പൻ തോമസ്, ജനറൽ കൺവീനർ തോമസ് എൻ. എബ്രഹാം എന്നിവർ പ്രസംഗിച്ചു.

കാർഷിക ഗ്രാമ പശ്ചാത്തല ത്തിൽ ഉത്സവ നഗരിയിൽ കേരള ത്തനിമ യുള്ള ഭക്ഷണ വിഭവങ്ങളുമായി 40 ഓളം സ്റ്റോളുകൾ രുചി കലവറ ഒരുക്കി.

യുവജന സഖ്യത്തിന്‍റെ തനി നാടൻ തട്ടുകട, അലങ്കാര ച്ചെടികൾ, നിത്യോപയോഗ സാധനങ്ങൾ, വിനോദ മത്സരങ്ങൾ എന്നിവയുടെ സ്റ്റോളുകളും വിവിധ മല്‍സരങ്ങളില്‍ പങ്കാളികള്‍ ആയവര്‍ക്കുള്ള സമ്മാനങ്ങളും ഇടവക യിലെ വിവിധ സംഘടന കളുടെ നേതൃത്വത്തിൽ ഒരുക്കിയ സംഗീത-നൃത്ത പരിപാടികൾ, ലഘു ചിത്രീകരണം തുടങ്ങിയ കലാ പരിപാടി കളും കൊയ്ത്തുത്സ നഗരിയെ വർണ്ണാഭമാക്കി.

വികാരി റവ. ജിജു ജോസഫ്, സഹ വികാരി റവ. അജിത് ഈപ്പൻ തോമസ്, ജനറൽ കൺവീനർ തോമസ് എൻ. എബ്രഹാം, ട്രസ്റ്റി പ്രവീൺ കുര്യൻ, ഇടവക സെക്രട്ടറി അജിത് എ. ചെറിയാൻ, ജോയിന്‍റ് കൺവീനർ ഡെന്നി ജോർജ്, ബിജു വർഗീസ്, മനോജ് സക്കറിയ, വിവിധ കമ്മിറ്റികളുടെ കൺവീനർമാർ, കൈ സ്ഥാന സമിതി അംഗങ്ങൾ തുടങ്ങിയവർ കൊയ്ത്തുത്സവത്തിന് നേതൃത്വം നൽകി.

- pma

വായിക്കുക: , , , , , , ,

Comments Off on മുസ്സഫ മാർത്തോമാ ദേവാലയത്തിൽ നിറപ്പകിട്ടാർന്ന പരിപാടികളോടെ കൊയ്ത്തുത്സവം

എനര്‍ജി വോയ്സസ് 2023 : യു. എ. ഇ. പൗരന്മാര്‍ക്ക് കാലാവസ്ഥാ വ്യതിയാന ബോധ വത്കരണ കാമ്പയിന്‍

November 28th, 2022

sunilan-menothu-parambil-german-gulf-engineering-consultants-energy-voices-2023-ePathram
അബുദാബി : യുവ സ്വദേശികള്‍ക്ക് ഊര്‍ജ്ജ സംരക്ഷണ പരിശീലനവുമായി അബുദാബിയിലെ പ്രമുഖ സ്ഥാപനം ജര്‍മന്‍ ഗള്‍ഫ് എഞ്ചിനീയറിംഗ് കണ്‍സള്‍ട്ടന്‍റ്സ്. എനര്‍ജി വോയ്സസ് 2023 എന്ന പ്രോഗ്രാ മിലൂടെ യാണ് മലയാളി ഉടമസ്ഥതയിലുള്ള ജര്‍മന്‍ ഗള്‍ഫ് എഞ്ചിനീയറിംഗ് കണ്‍സള്‍ട്ടന്‍റ്സ് രംഗത്ത് വന്നിട്ടുള്ളത്.

യു. എ. ഇ. യൂണിവേഴ്‌സിറ്റിയുമായി സഹകരിച്ച് ‘സേവ് എനര്‍ജി കാമ്പയിന്‍’ പദ്ധതിയോട് അനുബന്ധിച്ചാണ് സ്വദേശി യൂണിവേഴ്സിറ്റി വിദ്യാർത്ഥികൾക്കായി എനര്‍ജി മാനജ്‌മെന്‍റ്, ഓഡിറ്റ് ഇന്‍റേണ്‍ഷിപ്പ്, സുസ്ഥിര നാളേക്കായുള്ള പരിശീലനം എന്നിവ ലക്ഷ്യം വെച്ചാണ് ഇത് സംഘടിപ്പിച്ചത്.

യു. എ. ഇ. യുടെ എനര്‍ജി സ്ട്രാറ്റജിയായ നെറ്റ് സീറോ ബൈ 2050, അടുത്ത വർഷം യു. എ. ഇ. ആതിഥ്യം വഹിക്കുന്ന കാലാവസ്ഥാ ഉച്ചകോടിക്കു (COP28) മുന്നോടിയായി സംഘടിപ്പിക്കുന്ന പരിപാടിക്ക് പ്രത്യേക പ്രാധാന്യം ആണുള്ളത് എന്ന് ജര്‍മന്‍ ഗള്‍ഫ് എഞ്ചിനീയറിംഗ് കണ്‍സള്‍ട്ടന്‍റ്സ് മാനേജിംഗ് ഡയറക്ടര്‍ സുനിലന്‍ മേനോത്തു പറമ്പില്‍ പറഞ്ഞു.

energy-voices-2023-climate-change-awarness-campaign-for-uae-nationals-ePathram

ഇതേ സമയം, എനര്‍ജി വോയ്സസ് 2023′ ഭാഗമായി റീഫില്‍ ചെയ്ത വാട്ടര്‍ ബോട്ടിലുകളുടെ ഉപയോഗം പ്രോല്‍സാഹിപ്പിക്കാനുള്ള മറ്റൊരു കാമ്പയിനും നടക്കും. കാര്‍ബണ്‍ ന്യൂട്രല്‍ ഭാവിക്കായി യുവ സ്വദേശി സമൂഹത്തില്‍ സുസ്ഥിരതയുടെ ഉത്തരവാദിത്വം സംബന്ധിച്ച ബോധ വത്കരണത്തിനു വേണ്ടിയാണ് ഇത്.

ഒറ്റത്തവണ ഉപയോഗിക്കുന്ന പ്‌ളാസ്റ്റിക് നിരോധിക്കാന്‍ ഉള്ള പരിശ്രമങ്ങളെ പിന്തുണക്കുന്ന തിന്‍റെ ഭാഗമായി അബുദാബിയിലെ 5 യൂണി വേഴ്‌സിറ്റികളിലെ വിദ്യാര്‍ത്ഥികള്‍ക്ക് വീണ്ടും നിറച്ച് ഉപയോഗിക്കുവാൻ കഴിയുന്ന വാട്ടര്‍ ബോട്ടിലു കള്‍ നല്‍കും. പ്രോഗ്രാമിന് കീഴില്‍ അബു ദാബി യൂണിവേഴ്‌സിറ്റി, സായിദ് യൂണിവേഴ്‌സിറ്റി എന്നിവ ഉള്‍പ്പെടെ അഞ്ച് സര്‍വ്വ കലാ ശാലകളില്‍ നിന്നുള്ള തെരഞ്ഞെടുത്ത സ്വദേശി കളായ 50 വിദ്യാര്‍ത്ഥികള്‍ക്ക് പെയ്ഡ് ഇന്‍റേണ്‍ ഷിപ്പും നല്‍കും. അഡ്‌നോക് ഉള്‍പ്പെടെയുള്ള പ്രമുഖ കമ്പനികളുടെ പിന്തുണയുമുണ്ട്.

climate-action-campaign-by-german-gulf-engineering-consultants-ePathram

പരിശീലനത്തിന് എത്തുന്നവരും സംഘാടക പങ്കാളി കളും എനര്‍ജി വോയ്സസുമായി ബന്ധപ്പെട്ട വരും റീഫില്ലബ്ള്‍ വാട്ടര്‍ ബോട്ടി ലുകള്‍ ഉപയോഗിക്കാനും ഒറ്റത്തവണ ഉപയോഗിക്കാവുന്ന പ്‌ളാസ്റ്റിക് ഇല്ലായ്മ ചെയ്യാനും പ്രതിജ്ഞാ ബദ്ധരായിരിക്കും എന്ന് സുനിലന്‍ മേനോത്തു പറമ്പില്‍ പറഞ്ഞു.

പരിശീലന, കാലാവസ്ഥാ വ്യതിയാന ബോധ വത്കരണ കാമ്പയിനിലെ മുഴുവന്‍ പങ്കാളികള്‍ക്കും റീഫില്ലബ്ള്‍ വാട്ടര്‍ ബോട്ടിലുകള്‍ വിതരണം ചെയ്യും എന്നും അദ്ദേഹം വ്യക്തമാക്കി.

വീട്ടില്‍ ഊര്‍ജ്ജം ലാഭിക്കല്‍, നടത്തം, ബൈക്ക് റൈഡിംഗ് / പൊതു ഗതാഗത ഉപയോഗം, ഭക്ഷണ ത്തില്‍ കൂടുതല്‍ പച്ച ക്കറികള്‍ ഉള്‍ പ്പെടുത്തല്‍, ഭക്ഷണം പാഴാക്കുന്നത് തടയല്‍, വസ്തുക്കളുടെ പുനരുപയോഗം എന്നിങ്ങനെയുള്ള തീമുകളിള്‍ ഉടനീളം ഊര്‍ജ്ജം ലാഭിക്കുവാനുള്ള 10 പോയിന്‍റ്സ് പ്രവര്‍ത്തനം പ്രോത്സാഹിപ്പിക്കലും ഈ പ്രോഗ്രാമില്‍ ഉള്‍പ്പെടുത്തിയിട്ടുണ്ട്.

climate-change-awarness-campaign-by-sunilan-mb-ePathram

റിപ്പയര്‍ & റീസൈക്‌ളിംഗ്, പാരമ്പര്യ ഊര്‍ജ്ജത്തില്‍ നിന്ന് പുനരുപയോഗ ഊര്‍ജ്ജ ത്തിലേക്ക് മാറല്‍, പരിസ്ഥിതി സൗഹൃദ ഉല്‍പന്നങ്ങളെ പിന്തുണക്കല്‍ മുതലായ കാര്യങ്ങള്‍ നല്ല ആരോഗ്യവും ക്ഷേമവും മുന്‍ നിര്‍ത്തിയുള്ള യു. എന്‍. എസ്ഡിജി-3 യെ പ്രോത്സാഹിപ്പിക്കും എന്നും 2050 ലെ യു. എ. ഇ. യുടെ നെറ്റ് സീറോ ലക്ഷ്യത്തിലേക്ക് വഴി നടത്തും എന്നും സുനിലന്‍ മേനോത്തു പറമ്പില്‍ അഭിപ്രയപ്പെട്ടു. സമൂഹത്തിന് തിരികെ നല്‍കുക എന്ന ലക്ഷ്യം മുന്‍ നിര്‍ത്തിയുള്ള സി. എസ്. ആര്‍. സംരംഭം കൂടിയാണിത് എന്നും അദ്ദേഹം കൂട്ടി ച്ചേര്‍ത്തു.

ഫലപ്രദമായ ഊര്‍ജ്ജ ഓഡിറ്റ്, റിയല്‍ എസ്റ്റേറ്റ് മേഖലയിലെ ഊര്‍ജ്ജ മാനേജ്‌മെന്‍റ് രീതികള്‍, കെട്ടിട ങ്ങളിലെ ഊര്‍ജ്ജ സംരക്ഷണം, ഊര്‍ജ്ജ കാര്യക്ഷമതാ ഉപകരണങ്ങള്‍, സാങ്കേതിക വിദ്യകള്‍ എന്നിവ യില്‍ ആയിരിക്കും പരിശീലന ത്തിന്‍റെ ഊന്നല്‍.

uae-net-zero-2050-refill-water-bottles-ePathram

വിദ്യാര്‍ത്ഥികള്‍ക്ക് പുറമെ, മറ്റുള്ളവര്‍ക്കും പ്രോഗ്രാമില്‍ എന്റോള്‍ ചെയ്യാം. അബുദാബിയിലെ ഊര്‍ജ്ജ കാര്യക്ഷമതയുടെ ലക്ഷ്യത്തെ ചുറ്റി പ്പറ്റിയുള്ള നിരവധി പ്രവര്‍ത്തനങ്ങളും ആസൂത്രണം ചെയ്തിട്ടുണ്ട്.

ഈ പ്രവര്‍ത്തനങ്ങളില്‍ വെബിനാറുകള്‍, ഉപന്യാസ മത്സരങ്ങള്‍, കുട്ടികള്‍ക്കുള്ള പെയിന്‍റിംഗ്, ഷോര്‍ട്ട് ഫിലിം മത്സരം, ഗ്രീനത്തോണ്‍ സൈക്കിള്‍ മാരത്തണ്‍ എന്നിവ ഉള്‍പ്പെടുത്തി 3 മാസം നീളുന്ന ബോധ വല്‍ക്കരണ കാമ്പയിന്‍ സംഘടിപ്പിക്കും എന്നും സുനിലന്‍ മേനോത്തു പറമ്പില്‍ വ്യക്തമാക്കി.

- pma

വായിക്കുക: , , , , ,

Comments Off on എനര്‍ജി വോയ്സസ് 2023 : യു. എ. ഇ. പൗരന്മാര്‍ക്ക് കാലാവസ്ഥാ വ്യതിയാന ബോധ വത്കരണ കാമ്പയിന്‍

ഇന്ത്യന്‍ മീഡിയ അബുദാബി (ഇമ) പുതിയ ഭാരവാഹികള്‍

November 1st, 2022

indian-media-abudhabi-ima-new-logo-2014-ePathram
അബുദാബി: ഇന്ത്യന്‍ മീഡിയ അബുദാബി (ഇമ) യുടെ കമ്മിറ്റി പുനഃസംഘടിപ്പിച്ചു. പ്രസിഡണ്ട് : എന്‍. എം. അബൂബക്കര്‍ (മലയാള മനോരമ), വൈസ് പ്രസിഡണ്ട് : പി. എം. അബ്ദുല്‍ റഹിമാന്‍, (ഇ-പത്രം), ജനറല്‍ സെക്രട്ടറി : ടി. എസ്. നിസാമുദ്ദീന്‍ (ഗള്‍ഫ് മാധ്യമം), ജോയിന്‍റ് സെക്രട്ടറി അനില്‍ സി. ഇടിക്കുള (ദീപിക), ട്രഷറര്‍ : ഷിജിന കണ്ണന്‍ ദാസ് (കൈരളി) എന്നിവരാണ് പ്രധാന ഭാരവാഹികള്‍.

ima-indian-media-abu-dhabi-committee-2022-23-ePathram

ടി. പി. ഗംഗാധരന്‍ (മാതൃഭൂമി), റസാഖ് ഒരുമനയൂര്‍ (മിഡില്‍ ഈസ്റ്റ് ചന്ദ്രിക), റാഷിദ് പൂമാടം (സിറാജ്), സമീര്‍ കല്ലറ (24/7 ന്യൂസ്), സഫറുല്ല പാലപ്പെട്ടി (ദേശാഭിമാനി) എന്നിവര്‍ എക്‌സിക്യൂട്ടീവ് അംഗങ്ങള്‍. കേരളാ സോഷ്യല്‍ സെന്‍ററില്‍ ചേര്‍ന്ന വാര്‍ഷിക ജനറല്‍ ബോഡി യോഗത്തിൽ റാഷിദ് പൂമാടം അദ്ധ്യക്ഷത വഹിച്ചു.

- pma

വായിക്കുക: , , , , , ,

Comments Off on ഇന്ത്യന്‍ മീഡിയ അബുദാബി (ഇമ) പുതിയ ഭാരവാഹികള്‍

തിരുമുൽ കാഴ്ച അരങ്ങേറി

October 31st, 2022

abu-dhabi-samskarika-vedhi-onam-celebration-2022-ePathram
അബുദാബി : കലാ സാംസ്കാരിക ജീവകാരുണ്യ പ്രവർത്തന രംഗത്തെ നിറ സാന്നിദ്ധ്യമായ അബുദാബി സാംസ്കാരിക വേദിയുടെ ഓണാഘോഷ പരിപാടിയായ ‘തിരുമുൽ കാഴ്ച-2022’ വൈവിധ്യമാർന്ന പരിപാടി കളോടെ അബുദാബി മലയാളി സമാജത്തിൽ വെച്ച് നടന്നു.

പ്രശസ്ത പിന്നണി ഗായകന്‍ വി. ദേവാനന്ദ് ‘തിരുമുൽ കാഴ്ചയു’ ടെ ഉല്‍ഘാടനം നിര്‍വ്വഹിച്ചു. സാംസ്കാരിക വേദി പ്രസിഡണ്ട് അനൂപ് നമ്പ്യാർ അദ്ധ്യ ക്ഷത വഹിച്ചു. അബുദാബിയിലെ പ്രമുഖ സംഘടനാ സാരഥികൾ ചടങ്ങിൽ സംബന്ധിച്ചു. അബുദാബി സാംസ്കാരിക വേദി സെക്രട്ടറി ടി. വി. സുരേഷ് കുമാർ സ്വാഗതവും ട്രഷറർ സാബു അഗസ്റ്റിൻ നന്ദിയും പറഞ്ഞു.

ചടങ്ങിൽ വെച്ച് സാംസ്കാരിക വേദി സ്ഥാപക അംഗവും മുൻ സെക്രട്ടറിയുമായ നിസാമുദ്ധീനെ പൊന്നാട അണിയിച്ച് ആദരിച്ചു. ആഘോഷ പരിപാടിയുടെ ഭാഗമായി ഓണസദ്യ, സാംസ്കാരിക വേദി കുടുംബങ്ങൾ അവതരിപ്പിച്ച വിവിധ കലാ പരിപാടികൾ, സ്ത്രീകളുടെ വഞ്ചിപ്പാട്ട്, മാവേലി എഴുന്നള്ളത്ത്, ഗാനമേള എന്നിവ അരങ്ങേറി.

- pma

വായിക്കുക: , , , , ,

Comments Off on തിരുമുൽ കാഴ്ച അരങ്ങേറി

എയർ പോർട്ട് സിറ്റി ടെർമിനൽ അബു ദാബിയിൽ വീണ്ടും തുറക്കുന്നു.

October 19th, 2022

abudhabi-air-port-city-terminal-by-morafik-aviation-ePathram
അബുദാബി : മൂന്നു വർഷം മുമ്പ് പ്രവർത്തനം നിർത്തിയ സിറ്റി ടെർമിനൽ സേവനം ബുധനാഴ്ച മുതല്‍ അബുദാബി യിൽ പുനരാരംഭിക്കുന്നു. മിനായിലെ അബുദാബി ക്രൂയിസ് ടെർമിനലില്‍ പ്രവര്‍ത്തനം ആരംഭിക്കുന്ന പുതിയ സിറ്റി ചെക്ക് ഇൻ കൗണ്ടര്‍ എല്ലാ ദിവസവും രാവിലെ 9 മണി മുതൽ രാത്രി 9 മണി വരെ പ്രവര്‍ത്തിക്കും. ഇത്തിഹാദ് എയർ വേയ്‌സ് അടക്കമുള്ള വിമാന കമ്പനികളുമായി സഹകരിച്ച് മൊറാഫിക്ക് ഏവിയേഷൻ സർവ്വീസസ് ആണ് സിറ്റി ടെര്‍മിനല്‍ ചെക്ക് ഇന്‍ സേവനം ഒരുക്കിയത്.

എന്നാല്‍ നിലവിൽ ഇത്തിഹാദ് വിമാനത്തിൽ യാത്ര ചെയ്യുന്നവർക്കു മാത്രമേ സിറ്റി ടെർമിനൽ സേവനം ലഭ്യമാവുകയുള്ളൂ. അടുത്ത മാസ ത്തോടെ കൂടുതൽ വിമാന കമ്പനികൾ സിറ്റി ടെർമിനലിൽ എത്തും. ഒരു യാത്രക്കാരന് 45 ദിർഹം ചാര്‍ജ്ജ് ചെയ്യും. കുട്ടികൾക്ക് 25 ദിർഹവും നാല് അംഗങ്ങൾ ഉൾപ്പെടുന്ന കുടുംബ ത്തിന് 120 ദിർഹം അടക്കണം.

യാത്രക്ക് 24 മണിക്കൂർ മുമ്പ് മുതൽ കുറഞ്ഞത് 4 മണിക്കൂർ മുമ്പ് വരെ മിനാ ക്രൂയിസ് സിറ്റി ടെർമിനലിൽ ചെക്ക് ഇൻ ചെയ്യാം. ഇവിടെ നിന്ന് ലഭിക്കുന്ന ബോർഡിംഗ് പാസ്സുമായി വിമാന സമയത്തിന്‍റെ ഒരു മണിക്കൂര്‍ മുന്‍പായി എയര്‍ പോര്‍ട്ടിലെ ഇമിഗ്രേഷൻ കൗണ്ടറിലേക്ക് എത്തിയാൽ മതി. മിന ക്രൂയിസ് ടെർമിനലിൽ ലഭിക്കുന്ന സൗജന്യ പാർക്കിംഗ് സൗകര്യവും യാത്രക്കാർക്ക് ഉപയോഗിക്കാം.

1999 ൽ അബുദാബി ടൂറിസ്റ്റ് ക്ലബ്ബ് ഏരിയയില്‍ ആരംഭിച്ച സിറ്റി ടെർമിനൽ ഏറെ ജനപ്രീതി നേടിയിരുന്നു. 2019 ഒക്ടോബറിൽ ടെർമിനലിന്‍റെ പ്രവർത്തനം താത്കാലികമായി നിർത്തി വെച്ചു. പുതിയ അബുദാബി ക്രൂയിസ് ടെർമിനലില്‍ അടുത്ത മാസത്തോടെ കൂടുതല്‍ വിമാന കമ്പനികളുടെ സര്‍വ്വീസ് ആരംഭിക്കുന്നതോടെ 24 മണിക്കൂറും ടെർമിനൽ പ്രവർത്തിക്കും.

- pma

വായിക്കുക: , , , , ,

Comments Off on എയർ പോർട്ട് സിറ്റി ടെർമിനൽ അബു ദാബിയിൽ വീണ്ടും തുറക്കുന്നു.

Page 10 of 115« First...89101112...203040...Last »

« Previous Page« Previous « ടി. എസ്. എൽ. ഫുട്‍ ബോൾ ടൂർണ്ണ മെന്‍റ് : സോക്കർ എഫ്. സി. അജ്‌മാൻ ജേതാക്കള്‍
Next »Next Page » മല്ലികാര്‍ജുര്‍ ഖാര്‍ഗെ കോണ്‍ഗ്രസ്സ് പ്രസിഡണ്ട് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha