ആലൂർ ടി. എ. മഹമൂദ് ഹാജിക്ക് യാത്രയയപ്പ്

July 14th, 2021

aloor-mahmoud-haji-ePathram
ദുബായ് : 33 വർഷത്തെ പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന ദുബായിലെ മത – സാമൂഹിക – സാംസ്കാരിക രംഗത്തെ സജീവ പ്രവർത്തകൻ ആലൂർ ടി. എ. മഹമൂദ് ഹാജിക്ക് വിവിധ സംഘടനകൾ ചേര്‍ന്ന് യാത്രയയപ്പ് നൽകി. ഇസ്‌ലാമിക പ്രഭാഷകനും ദുബായ് ഖൽഫാൻ ഖുര്‍ആൻ സെന്റർ അദ്ധ്യാ പകനും കൂടി യായിരുന്നു മഹമൂദ് ഹാജി.

ദുബായ് പോലീസ് ചീഫ് ആൻഡ് ജനറൽ സെക്യൂരിറ്റി ഡെപ്യൂട്ടി ചെയർമാൻ ലെഫ്റ്റ്നന്‍റ് ജനറൽ ദാഹീ ഖൽഫാൻ തമീം അൽ മുഹൈരിയുടെ വിസയിൽ 1988 ല്‍ ദുബായിൽ എത്തിയ മഹമൂദ് ഹാജി 33 വർഷ ക്കാലവും ദാഹി ഖൽഫാന്‍ സ്പോൺസറുടെ കീഴിൽ തന്നെയാണ് പ്രവർത്തിച്ചത്.

ബ്രഗേഡിയർ ദാഹി ഖൽഫാൻ ദുബായിൽ സൗജന്യമായി നടത്തി വരുന്ന ഖൽഫാൻ ഖുർ ആൻ സെന്റ റിന്റെ ഉത്ഭവം മുതൽ 2021 ൽ ജോലി യിൽ നിന്ന് വിരമി ക്കുന്നത് വരെ ആ സ്ഥാപനത്തിൽ തന്നെ സേവനം ചെയ്തു വന്നു ആലൂർ ഹാജി.

ഖൽഫാൻ സെന്ററിൽ നടന്ന യാത്രയയപ്പ് ചടങ്ങിൽ ഖൽഫാൻ ഖുർആൻ സെന്ററിന്റെ ആദരവും സർട്ടി ഫിക്കറ്റും ബഹുമതി പത്രവും പ്രിൻസിപ്പൽ ഡോക്ടർ ശൈഖ് മുഹമ്മദ്‌ അഹ്‌മദ്‌ ശക്റൂൺ ആലൂർ ഹാജിക്ക് നൽകി ആദരിച്ചു.

1992 മുതൽ റാസൽ ഖൈമ റേഡിയോയിൽ മലയാളം പരിപാടി കൾ ആരംഭിച്ചതു മുതൽ ആലൂർ ഹാജി റേഡിയോയിൽ പ്രഭാഷണം നടത്തി വന്നിരുന്നു. സാമൂഹിക മാധ്യമ ങ്ങളി ലൂടെ ഇപ്പോഴും ഇസ്ലാമിക് ക്ലാസ്സുകൾ നടത്തി വരുന്നു.

നിസ്കാരം ഒരു പഠനം, വിശ്വാസിയുടെ ദിന ചര്യകൾ, രോഗം മുതൽ ഖബ്ർ വരെ, തജ്‌വീദ് പഠനം, ഹജ്ജ്- ഉംറ ക്ലാസ്സുകൾ, സംഘാടകർക്ക് ഒരു രൂപ രേഖ, പ്രവാസി കളുടെ സമ്പത്ത്, തുടങ്ങി നിരവധി ആനു കാലിക വിഷയ ങ്ങളെ കുറിച്ചുള്ള ലേഖനങ്ങളും പ്രഭാഷണങ്ങളും അവയിൽ ചിലതാണ്.

ആലൂര്‍ മഹ്മൂദ് ഹാജിയുടെ പ്രവര്‍ത്തന പന്ഥാവില്‍ ഇന്ത്യന്‍ സമൂഹത്തിന്നു അഭിമാനകര മായി പല നേട്ട ങ്ങളും കൈ വരിക്കുവാന്‍ കഴിഞ്ഞു. ഇന്ത്യയിലെ മത സൗഹാർദ്ദത്തെ കുറിച്ചും വിശിഷ്യാ കേരളീയരെ കുറിച്ചും നമ്മുടെ സംസ്കാരത്തെ കുറിച്ചും അറബി കൾക്ക് പരിചയപ്പെടുത്തി കൊടുത്തത് കാരണം മലയാളി കളോട് അറബ് സമൂഹ ത്തില്‍ മതിപ്പ് ഉണ്ടാക്കുവാനും സാധിച്ചു.

കേരളത്തിലെ മത പണ്ഡിതന്മാരെയും മത സ്ഥാപന ങ്ങളെയും കുറിച്ചും ദുബായ് പോലീസ് മേധാവി ദാഹി ഖൽഫാൻ തമീമിന് പരിചയ പ്പെടുത്തി യതിനാൽ അദ്ദേഹത്തിന് കേരളം സന്ദർശിക്കുവാനും നാട്ടില്‍ ഖുർ ആൻ സെന്ററും, പള്ളി – മദ്രസ്സ തുടങ്ങിയ സ്ഥാപന ങ്ങളും നിര്‍മ്മിച്ചു കൊടുക്കുകയും ചെയ്തു.

നാട്ടില്‍ എത്തിയാലും നാടിന്റെ വികസന കാര്യത്തിലും കാരുണ്യ പ്രവർത്തനങ്ങളിലും താൻ സജീവമായി രിക്കും എന്നും യാത്രയയപ്പ് യോഗത്തിലെ മറുപടി പ്രസംഗത്തില്‍ ആലൂർ ഹാജി സൂചിപ്പിച്ചു.

- pma

വായിക്കുക: , , , , ,

Comments Off on ആലൂർ ടി. എ. മഹമൂദ് ഹാജിക്ക് യാത്രയയപ്പ്

മെഹ്ഫിൽ ചെറുകഥാ മത്സരം

April 7th, 2021

logo-mehfil-dubai-nonprofit-organization-ePathram
ദുബായ് : യു. എ. ഇ. യിലുള്ള എഴുത്തുകാർക്ക് വേണ്ടി ചെറുകഥാ മത്സരം നടത്തുന്നു. മെഹ്ഫിൽ ഇന്റർ നാഷണൽ സാംസ്കാരിക കൂട്ടായ്മ ‘പ്രവാസി’ എന്ന വിഷയത്തില്‍ സംഘടിപ്പിക്കുന്ന ചെറുകഥ രചനാ മത്സര ത്തിലേക്ക് ആറു പേജില്‍ കവിയാതെയുള്ള സൃഷ്ടികൾ ഏപ്രില്‍ 30 ന് ഉള്ളിൽ അയക്കണം എന്നും സംഘാടകർ അറിയിച്ചു.

ഇ – മെയില്‍ വിലാസം : mehfilint @ gmail.com

ഒന്നും രണ്ടും മൂന്നും സ്ഥാനങ്ങളിൽ എത്തുന്നവർക്ക് ആകർഷകമായ സമ്മാനങ്ങളും മികച്ച രചനകള്‍ ആസ്പദമാക്കി ഹ്രസ്വ സിനിമ ഒരുക്കുകയും ചെയ്യും.

Credit : Face Book Post

- pma

വായിക്കുക: , , ,

Comments Off on മെഹ്ഫിൽ ചെറുകഥാ മത്സരം

കെ. വി. ഇഖ്ബാലിന് ഇടപ്പാളയം യാത്രയയപ്പ് നല്‍കി 

April 4th, 2021

edappalayam-farewell-party-and-sentoff-to-kv-iqbal-ePathram
അബുദാബി : 47 വർഷത്തെ പ്രവാസ ജീവിതം മതി യാക്കി നാട്ടിലേക്ക് മടങ്ങുന്ന, ഇടപ്പാളയം പ്രവര്‍ ത്തകന്‍ കെ. വി. ഇഖ്ബാലിന് ഇടപ്പാളയം അബു ദാബി ചാപ്റ്റർ യാത്രയയപ്പ് നൽകി. അദ്ദേഹ ത്തിന്റെ പ്രവാസ ജീവിത അനുഭവ ങ്ങൾ വിവരിക്കുന്ന ഒരു വീഡിയോ ചടങ്ങിൽ പ്രദർശി പ്പിച്ചു. ശേഷം  സദസ്സുമായി നീണ്ട വർഷത്തെ പ്രവാസ വിശേഷ ങ്ങൾ കെ. വി. ഇഖ്ബാൽ പങ്കുവച്ചു.

ഇടപ്പാളയം അബുദാബി ചാപ്റ്റർ പ്രസിഡണ്ട് ഗഫൂർ എടപ്പാൾ അദ്ധ്യക്ഷത വഹിച്ച ചടങ്ങിൽ സെക്രട്ടറി ജാഫർ പി. വി. സ്വാഗതം ആശംസിച്ചു. ബഷീർ കെ. വി.,  നൗഷാദ് ആലിങ്ങൽ, ജംഷീർ, അമീർ തെക്കുമുറി, ആഷിക് കൊട്ടിലിൽ, ഹബീബ് റഹ്‌മാൻ എന്നി വർ സംസാരിച്ചു. ഇടപ്പാളയം അബുദാബി ചാപ്റ്റർ ജോയിന്റ് സെക്രട്ടറിയും ഷബീര്‍ പരുവിങ്കൽ നന്ദി പറഞ്ഞു.

- pma

വായിക്കുക: , , , , ,

Comments Off on കെ. വി. ഇഖ്ബാലിന് ഇടപ്പാളയം യാത്രയയപ്പ് നല്‍കി 

‘പെ​രു​മ്പാ​വൂ​ർ പെ​രു​മ’ ഡോ​ക്യു​മെന്‍റ​റി വി​ജ​യി​കള്‍​

April 4th, 2021

logo-perumbavoor-pravasi-association-ePathram
അബുദാബി : യു. എ. ഇ. യിലെ പെരുമ്പാവൂർ നിവാസി കളുടെ കൂട്ടായ്മ യായ പെരുമ്പാവൂർ പ്രവാസി അസ്സോസിയേഷൻ സംഘടിപ്പിച്ച ‘പെരുമ്പാവൂർ പെരുമ വാനോളം’ എന്ന ഡോക്യുമെന്‍ററി മത്സരത്തിൽ അർജ്ജുൻ അജിത് ഒന്നാം സ്ഥാനം നേടി. ഒരു ലക്ഷം രൂപ യുടെ സ്വർണ്ണ നാണയ മാണ് സമ്മാനം. ജ്യുവൽ ബേബി യാണ് രണ്ടാം സ്ഥാനം നേടിയത്. (50,000 രൂപയുടെ സ്വർണ്ണ നാണയം) മൂന്നാം സ്ഥാനം ജഗദീഷ് ജനാർദ്ദനൻ നേടി. (25,000 രൂപയുടെ സ്വർണ്ണ നാണയം സമ്മാനം).

പെരുമ്പാവൂർ പ്രവാസി അസ്സോസിയേഷൻ ഫേസ്ബുക്ക് പേജിലൂടെ കൂട്ടായ്മ യുടെ പ്രസിഡണ്ട് നസീർ പെരുമ്പാ വൂർ, സെക്രട്ടറി സജോ ജോസഫ്, കൺവീനർ അപർണ്ണ സന്തോഷ്, ജോയിൻ സെക്രട്ടറി ജോമി ജോസഫ് എന്നിവർ ചേർന്നാണ് വിജയികളെ പ്രഖ്യാപിച്ചത്.

- pma

വായിക്കുക: , , , , , ,

Comments Off on ‘പെ​രു​മ്പാ​വൂ​ർ പെ​രു​മ’ ഡോ​ക്യു​മെന്‍റ​റി വി​ജ​യി​കള്‍​

ഗുരു ചേമഞ്ചേരി യുടെ നിര്യാണത്തിൽ അനുശോചിച്ചു

March 18th, 2021

kathakali-meastro-chemancheri-kunhiraman-nair-ePathram
ദുബായ് : കഥകളി ആചാര്യൻ ഗുരു ചേമഞ്ചേരി കുഞ്ഞി രാമൻ നായരുടെ നിര്യാണത്തിൽ കോഴിക്കോട് ജില്ലാ പ്രവാസി (യു. എ. ഇ.) കമ്മറ്റി അനുശോചിച്ചു.

പൈതൃക കലകൾക്ക്, വിശേഷിച്ച് കഥ കളിക്കു വേണ്ടി ഒരു ശതായുസ്സു മുഴുവൻ സമർപ്പിച്ച മഹാ കലാകാരന്‍ ആയിരുന്നു ഗുരു ചേമഞ്ചേരി കുഞ്ഞി രാമൻ നായർ.

മലബാറിന്റെ കളി വിളക്കായിരുന്നു അദ്ദേഹം. ജാതി മത ഭേദമന്യേ എല്ലാവരും ആദരി ച്ചിരുന്ന അദ്ദേഹം പ്രായാധിക്യത്തിന്റെ അവശതയിലും ഉർജ്ജസ്വലത യോടെ നാടൻ കലാ രൂപ ങ്ങളുടെ പരിപോഷണ ത്തിനു വേണ്ടി പ്രയത്നിച്ചു. കൊയിലാണ്ടി യിൽ ഒരു മഹാ കലാ കേന്ദ്ര ത്തിനു തന്നെ നേതൃത്വം നൽകി. സാമൂഹ്യ- സാംസ്‌കാരിക രംഗത്തും അദ്ദേഹം വ്യക്തിമുദ്ര പതിപ്പിച്ചു.

ഏറെ വൈകി എങ്കിലും രാജ്യം അദ്ദേഹത്തെ പദ്മശ്രീ നൽകി ആദരിച്ചു. നൂറാം വയസ്സിൽ അദ്ദേഹം യു. എ. ഇ. യിൽ എത്തിയതിനെ യോഗം അനുസ്മരിച്ചു.

ദുബായില്‍ കൊയിലാണ്ടി എന്‍. ആര്‍. ഐ. ഫോറം സംഘടി പ്പിച്ച ‘കൊയിലാണ്ടി മഹോത്സവ ത്തില്‍’ മുഖ്യ അതിഥി ആയി ഗുരു ചേമഞ്ചേരി കുഞ്ഞി രാമൻ നായർ എത്തിയതും കോഴിക്കോട് ജില്ലാ പ്രവാസി കൂട്ടായ്മ അദ്ദേഹത്തെ ആദരിച്ചു എന്നതും അനുസ്മരിച്ചു.

അന്ന് വേദിയില്‍ കഥകളി മുദ്രകൾ അവതരിപ്പിച്ചത്, പ്രവാസി സമൂഹത്തിനു വിസ്മയ സമ്മാനം ആയിരുന്നു എന്നും യോഗം വിലയിരുത്തി. ഗുരുവിന്റെ വേർ പാടിൽ  കോഴിക്കോട് ജില്ലാ പ്രവാസി യു. എ. ഇ. കമ്മറ്റി യുടെ അനുശോചനം രേഖപ്പെടുത്തുന്നു എന്ന് യോഗം അറിയിച്ചു.

പ്രസിഡണ്ട് ജമീൽ ലത്തീഫ് അദ്ധ്യക്ഷത വഹിച്ചു. മോഹൻ എസ്. വെങ്കിട്ട്, അഡ്വ. മുഹമ്മദ് സാജിദ്, മനയിൽ മുഹമ്മദ് അലി, ബഷീർ തിക്കോടി, ഇസ്മായിൽ മേലടി, ഹാരിസ് കോസ് മോസ്, ജലീൽ മഷൂർ, സുനിൽ പാറേമ്മൽ, ഫിറോസ് പയ്യോളി തുട ങ്ങിയവർ സംസാരിച്ചു.

- pma

വായിക്കുക: , , , , ,

Comments Off on ഗുരു ചേമഞ്ചേരി യുടെ നിര്യാണത്തിൽ അനുശോചിച്ചു

Page 29 of 57« First...1020...2728293031...4050...Last »

« Previous Page« Previous « പെൺകുട്ടികൾ പാടുന്നതിന് വിലക്ക്
Next »Next Page » പള്ളികളിലെ തറാവീഹ് പ്രാർത്ഥനക്ക് അനുമതി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha