 |
 |
 |
 |
 |
 |
 |
 |
 |
 |
 |
 |
 |
 |
അബുദാബി: യുഎഇയിലുള്ള ഇന്ത്യൻ പൗരന്മാർക്കായി കോൺസുലേറ്റ് നൽകിവരുന്ന പാസ്പോർട്ട്, വിസ, അറ്റസ്റ്റേഷൻ സേവനങ്ങൾക്ക് ജൂൺ 26 മുതൽ 30 വരെ താൽക്കാലിക നിയന്ത്രണം ഏർപ്പെടുത്തി. പുതിയ ഔട്ട്സോഴ്സിങ് സേവനദാതാക്കളായ ‘അൽ ഹിന്ദ് ടൂർസ് ആൻഡ് ട്രാവൽസ്’ ജൂലൈ 1 മുതൽ ചുമതലയേൽക്കുന്ന പശ്ചാത്തലത്തിലാണ് ഈ ക്രമീകരണം. എന്നാൽ ഈ ദിവസങ്ങളിൽ അടിയന്തര ആവശ്യങ്ങൾക്കുള്ള വിസ, പാസ്പോർട്ട് സേവനങ്ങൾ അബുദാബിയിലെ ഇന്ത്യൻ എംബസിയിലും ദുബായിലെ കോൺസുലേറ്റിലും നേരിട്ട് ലഭ്യമായിരിക്കുമെന്ന് അധികൃതർ അറിയിച്ചു.
- ജെ.എസ്.
വായിക്കുക: al-hind, expat, indian-embassy-, passport, visa-rules, ഇന്ത്യന് കോണ്സുലേറ്റ്, പ്രവാസി
അബുദാബി : ഇന്ത്യൻ ഇസ്ലാമിക് സെന്റർ (IIC) സംഘടി പ്പിക്കുന്ന ‘പ്രൗഡ് ഓഫ് യു. എ. ഇ. സെലിബ്രേഷൻ’ എന്ന പ്രത്യേക പരിപാടി 2026 ജൂൺ 13 ശനിയാഴ്ച വൈകു ന്നേരം 7 മണിക്ക് സെന്റർ ഹാളിൽ നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.
യു. എ. ഇ. സഹിഷ്ണുത സഹവർത്തിത്വ വകുപ്പ് മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ, യു. എ. ഇ. പ്രസിഡണ്ടിന്റെ മത കാര്യ ഉപദേഷ്ടാവ് ശൈഖ് അലി അൽ ഹാഷിമി, കമ്മ്യൂണിറ്റി ഡെവലപ് മെന്റ് വകുപ്പ് ചെയർമാൻ ഷാമിസ് അലി ഖൽഫാൻ അൽ ദാഹിരി, യു. എ. ഇ. യിലെ ഇന്ത്യൻ അംബാസഡർ ഡോ. ദീപക് മിത്തൽ, എമിറേറ്റ്സ് സെന്റർ ഫോർ സ്ട്രാറ്റ ജിക് സ്റ്റഡീസ് ആൻഡ് റിസർച്ച് (ECSSR) വൈസ് ചെയർമാൻ പ്രൊഫ. ജമാൽ സനദ് അൽ സുവൈദി, ലുലു ഗ്രൂപ്പ് ചെയർമാൻ യൂസഫലി എം. എ. ലുലു ഫിനാൻഷ്യൽ ഹോൾഡിംഗ് മാനേജിംഗ് ഡയറക്ടർ അദീബ് അഹമ്മദ്, പി. ബാവ ഹാജി കൂടാതെ നിരവധി സർക്കാർ പ്രതിനിധികളും സാമൂഹിക സാംസ്കാരിക നേതാക്കളും പങ്കെടുക്കും.
യുണൈറ്റഡ് അറബ് എമിറേറ്റ്സിന്റെ വികസന നേട്ടങ്ങളെ ആദരിക്കുകയും, രാജ്യത്തിന്റെ പുരോഗതിയെ ശക്തി പ്പെടുത്തുന്ന ഐക്യം, സഹിഷ്ണുത, സഹ വാസം, നവീകരണം എന്നീ അടിസ്ഥാന മൂല്യങ്ങളെ ആഘോഷിക്കുകയും ചെയ്യുകയാണ് “പ്രൗഡ് ഓഫ് യു. എ. ഇ. സെലിബ്രേഷൻ” പ്രോഗ്രാമിന്റെ ലക്ഷ്യം.
പ്രതിസന്ധി ഘട്ടങ്ങളിൽ സ്വന്തം രാജ്യത്തെ ജനങ്ങൾക്കൊപ്പം വിദേശികളെയും ചേർത്ത് പിടിച്ച, ഓരോ പൗരനും ഇമാറാത്തി തന്നെ എന്ന് ഊന്നി പ്പറഞ്ഞ മഹത്തായ ഈ രാജ്യത്തിന്റെ ഭരണ നേതൃത്വത്തിനുള്ള ഇന്ത്യൻ പ്രവാസ സമൂഹത്തിന്റെ സ്നേഹവും നന്ദിയും കടപ്പാടും അറിയിക്കുക കൂടിയാണ് ഇതിലൂടെ എന്നും ഭാരവാഹികൾ അറിയിച്ചു.
യു. എ. ഇ. യുടെ ഐക്യവും പുരോഗതിയും ആഘോഷിക്കുന്നതിനൊപ്പം ഇരു രാജ്യങ്ങളും തമ്മിലുള്ള ദീർഘ കാല സൗഹൃദം കൂടുതൽ ശക്തി പ്പെടുത്തുന്ന ഒരു മനോഹരമായ സാംസ്കാരിക വേദിയായി മാറും. ഇന്ത്യയും അറബ് ലോകവും തമ്മിലുള്ള സൗഹൃദത്തെ പ്രതിഫലിപ്പിക്കുന്ന സാംസ്കാരിക–സംഗീത നിശയും അരങ്ങേറും.
അബിദ് കണ്ണൂർ, ആദിൽ അത്തു തുടങ്ങിയ കലാകാരന്മാർ ഈ സായാഹ്നത്തിൽ ഗാന വിരുന്നൊരുക്കും.
സെന്റർ ഭാരവാഹികളായ അബ്ദുൽ റൗഫ് അഹ്സനി, വി. പി. കെ. അബ്ദുള്ള, യു. അബ്ദുള്ള ഫാറൂഖി, അഡ്വ. കെ. വി. മുഹമ്മദ് കുഞ്ഞി, അസീസ് കാളിയാടാൻ, അബ്ദുള്ള നദ്വി, അബ്ദുൽ ബാസിത് കായക്കണ്ടി, സലിം നാട്ടിക, ഹൈദർ ബിൻ മൊയ്ദു, അഷ്റഫ് നജാത്ത് എന്നിവർ വാർത്താ സമ്മേളനത്തിൽ സംബന്ധിച്ചു.
മുസഫ, ബനിയാസ് തുടങ്ങിയ സ്ഥലങ്ങളിൽ നിന്നും വാഹന സൗകര്യം ലഭ്യമാണ്. വിവരങ്ങൾക്ക് സെന്റർ ഓഫീസുമായി ബന്ധപ്പെടുക : 02-642 44 88.
- pma
വായിക്കുക: expat, islamic-center-, nri, social-media, ആഘോഷം, ഇന്ത്യന് കോണ്സുലേറ്റ്, ബഹുമതി, മതം, മാധ്യമങ്ങള്, യു.എ.ഇ., യൂസഫലി, സംഗീതം, സംഘടന, സാംസ്കാരികം, സാഹിത്യം
ദുബായ് : എമിറേറ്റ്സ് റോഡിൽ കഴിഞ്ഞ ദിവസം ഉണ്ടായ വാഹന അപകടത്തിൽ ജീവൻ നഷ്ടപ്പെട്ട വരുടെയും പരിക്കേറ്റവരുടെയും കുടുംബങ്ങൾക്ക് 2.6 കോടി രൂപയുടെ പുനരധിവാസ പാക്കേജുമായി ബുർജീൽ ഹോൾഡിംഗ്സ്.
ഇത്തരം ഒരു പദ്ധതിക്ക് തുടക്കമിട്ടത് പ്രവാസി മലയാളി സംരംഭകനും ജീവ കാരുണ്യ പ്രവർത്തകനും ബുർജീൽ ചെയർ മാനും സി. ഇ. ഒ. യുമായ ഡോ. ഷംഷീർ വയലിൽ.
അപകടത്തിൽപ്പെട്ട ഇന്ത്യൻ കുടുംബങ്ങൾക്ക് എല്ലാ സഹായങ്ങളും ഉറപ്പു വരുത്തുവാൻ ദുബായിലെ ഇന്ത്യൻ കോൺസുലേറ്റുമായി ചേർന്ന് പ്രവർത്തനങ്ങൾ ഏകോപിപ്പിച്ചു വരികയാണ് എന്ന് ഡോ. ഷംഷീർ വയലിൽ അറിയിച്ചു.
അപകടത്തിൽ ജീവൻ പൊലിഞ്ഞ 7 പേരുടെ കുടുംബ ങ്ങൾക്ക് 26 ലക്ഷം രൂപ വീതവും, രണ്ട് മലയാളികൾ ഉൾപ്പെടെ പരിക്കേറ്റ 9 പേരുടെ അടിയന്തര ചികിത്സാ-പുനരധിവാസ ആവശ്യങ്ങൾക്കായി 47 ലക്ഷം രൂപയും നൽകും.
ഇതിനു പുറമെ, അപകടത്തിൽ പെട്ടവരുടെ കുടുംബാംഗങ്ങളുടെ അടിയന്തര യാത്രാ-താമസ സൗകര്യങ്ങൾക്കായി 18 ലക്ഷം രൂപയും കുട്ടികളുടെ വിദ്യാഭ്യാസ ആവശ്യങ്ങൾക്കായി 13 ലക്ഷം രൂപയും ബുർജീൽ ഹോൾഡിംഗ്സ് വകയിരുത്തിയിട്ടുണ്ട്.
കുടുംബത്തിന്റെ ഏക ആശ്രയം നഷ്ടപ്പെട്ടവർക്ക് അടിയന്തര ആശ്വാസം നൽകുന്നതിനൊപ്പം അവരുടെ കുടുംബ ങ്ങളുടെ ഭാവി സുരക്ഷിതമാക്കുവാൻ കൂടി ലക്ഷ്യമിട്ടാണ് ഈ സമഗ്ര പാക്കേജ് രൂപ കൽപ്പന ചെയ്തിരിക്കുന്നത്.
ചെറിയ കുട്ടികളുള്ള കുടുംബങ്ങൾക്ക് അവരുടെ ദീർഘ കാല ആവശ്യങ്ങൾ കണക്കിലെടുത്ത് പ്രത്യേക പരിഗണന നൽകിയിട്ടുണ്ട് എന്നും ഡോ. ഷംഷീർ വയലിൽ അറിയിച്ചു.
- pma
വായിക്കുക: vps-burjeel, ഇന്ത്യന് കോണ്സുലേറ്റ്, ഗതാഗതം, ജീവകാരുണ്യം, പ്രവാസി, വ്യവസായം, സാമൂഹ്യ-സേവനം
അബുദാബി : എമിറേറ്റിലെ പ്രവാസികളുടെ തൊഴില് പ്രശ്നങ്ങള്, വിദ്യാഭ്യാസ രംഗത്തെ വിഷയങ്ങള്, ക്ഷേമ പ്രശ്നങ്ങള് കോണ്സുലാര് വിഷയങ്ങള് തുടങ്ങിയ കാര്യങ്ങളിൽ എംബസി ഉദ്യോഗസ്ഥരോട് ചർച്ച ചെയ്യാനും നിയമോപദേശം തേടാനും വേണ്ടി അബുദാബിയിലെ ഇന്ത്യന് എംബസിയില് ഏപ്രില് 29 ബുധനാഴ്ച ഉച്ചക്ക് ശേഷം 2 മണി മുതൽ 4 മണി വരെ ഓപ്പൺ ഹൗസ് സംഘടിപ്പിക്കും.
പാസ്സ് പോർട്ട് പുതുക്കൽ, അറ്റസ്റ്റേഷൻ, ഏതെങ്കിലും രേഖകളുടെ വിതരണം തുടങ്ങിയ സേവന ങ്ങള് ഓപ്പണ് ഹൗസില് ലഭ്യമാകില്ല എന്നും എംബസി വൃത്തങ്ങൾ അറിയിച്ചു. അബുദാബി എമിറേറ്റിലെ പ്രവാസികള്ക്ക് മാത്രമാണ് ഈ ഓപ്പൺ ഹൗസില് പങ്കെടുക്കുവാൻ സാധിക്കുകയുള്ളൂ എന്നും അധികൃതര് അറിയിച്ചു.
- pma
വായിക്കുക: expat, indian-embassy-, nri, passport, social-media, അബുദാബി, ഇന്ത്യന് കോണ്സുലേറ്റ്, പൂര്വ വിദ്യാര്ത്ഥി, പ്രവാസി, വിദ്യാഭ്യാസം, വ്യവസായം, സാമൂഹ്യ-സേവനം
അബുദാബി : യു. എ. ഇ. യിലെ ഇന്ത്യൻ പാസ്സ് പോർട്ട് സേവനങ്ങൾ, രേഖകളുടെ സാക്ഷ്യപ്പെടുത്തല്, വിസ സേവനങ്ങൾ തുടങ്ങിയവ 2026 ജൂലായ് 1 മുതൽ ‘അല് ഹിന്ദ്’ ഗ്രൂപ്പ് വഴി ആയിരിക്കും. യു. എ. ഇ. യിലെ എല്ലാ എമിറേറ്റുകളിലുമായി ഏറ്റവും പുതിയ സംവിധാന ങ്ങളോടെ 16 സേവന കേന്ദ്രങ്ങൾ അല് ഹിന്ദ് തുറക്കും എന്നാണു റിപ്പോർട്ട്.
അബുദാബിയിൽ ഖാലിദിയ, മുസഫ്ഫ, അല് റീം, അൽ-ഐൻ, ഗയാതി, മദിനത്തു സായിദ് എന്നിവിടങ്ങ ളിലും ദുബായിൽ (2) ബര് ദുബായ്, ജബല് അലി എന്നീ സ്ഥലങ്ങളിലും ഷാര്ജയില് (2) അല് മജാസ്, റോള യിലും അജ്മാനില് അല് ജര്ഫ്, ഫുജൈറ, ഉമ്മുല് ഖുവൈന്, ഖോര് ഫുഖാൻ, കല്ബ, റാസ് അൽ ഖൈമ എന്നീ സ്ഥലങ്ങളിലും ‘അല് ഹിന്ദ്’ പുതിയ സർവ്വീസ് കേന്ദ്രങ്ങള് ഒരുക്കും.
വർഷങ്ങളായി ഈ സേവനങ്ങൾ ചെയ്തു വരുന്ന ബി. എല്. എസ്. ഗ്രൂപ്പിനെ കുറിച്ച് വ്യാപകമായ പരാതികൾ ഉയർന്നിരുന്നു. ബി. എല്. എസ്. നു പകരം അല് ഹിന്ദ് ഗ്രൂപ്പ് സേവനങ്ങൾ ഏറ്റെടുക്കുന്നതോടെ പാസ്സ് പോർട്ട് പുതുക്കൽ, ഡോക്യുമെന്റ് അറ്റസ്റ്റേഷൻ, പുതിയ പാസ്സ് പോർട്ടിനുള്ള അപേക്ഷകൾ, പോലീസ് സാക്ഷ്യ പത്രം (പി. സി. സി.), വിദേശ പൗരത്വം ഉള്ളവരുടെ ഒ. സി. ഐ. കാര്ഡുകള്, വിസാ സർവ്വീസ് അടക്കമുള്ള എല്ലാ സേവനങ്ങളും സുഗമവും വേഗതയിലും ആയിരിക്കും എന്ന് വിലയിരുത്തുന്നു.
- pma
വായിക്കുക: al-hind, alain, expat, Help Desk, indian-embassy-, passport, visa-rules, അബുദാബി, ഇന്ത്യന് കോണ്സുലേറ്റ്, തൊഴിലാളി, നിയമം, പൂര്വ വിദ്യാര്ത്ഥി, പ്രവാസി, യു.എ.ഇ., സാമൂഹ്യ-സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
