വിദ്യാർത്ഥികൾ ഏപ്രിൽ 20 മുതൽ ക്ലാസ്സ്‌ മുറികളിലേക്ക് : സ്കൂള്‍ ബസ്സുകള്‍ തല്‍ക്കാലം ഇല്ല

April 16th, 2026

keep-distance-5-meters-from-school-bus-to-ensure-students-cross-safely-ePathram
അബുദാബി : രാജ്യത്തെ എല്ലാ വിദ്യാഭ്യാസ സ്ഥാപന ങ്ങളിലും 2026 ഏപ്രിൽ 20 തിങ്കളാഴ്ച മുതൽ ക്ലാസ്സ് മുറികളിലെ നേരിട്ടുള്ള പഠനം പുനരാരംഭിക്കും. ഗൾഫ് മേഖലയിലെ സംഘർഷവുമായി ബന്ധപ്പെട്ട പ്രാദേശിക അനിശ്ചിതത്വം അവസാനിച്ച സന്ദർഭ ത്തിലാണ് ഒരു മാസത്തിലേറെ നീണ്ട വിദൂര പഠന ത്തിനു ശേഷം വിദ്യാർത്ഥികൾ ക്ലാസ്സ് മുറി കളിലേക്ക് മടങ്ങുന്നത്.

സ്കൂൾ ബസ്സ് സർവ്വീസുകൾ മാറ്റി വെച്ചതായി വിദ്യാഭ്യാസ മന്ത്രാലയം

ക്ലാസ്സ് മുറികളിലെ പഠനം ആരംഭിക്കുകയും അതിനോടൊപ്പം പ്രവർത്തന ക്രമീകരണങ്ങളുടെ ഭാഗമായി, നിലവിൽ യു. എ. ഇ. യിൽ ഉട നീളമുള്ള സ്‌കൂളുകൾ, പൊതു-സ്വകാര്യ നഴ്‌സറികൾ, കിൻ്റർ ഗാർട്ടനുകൾ, എന്നിവയിലേ ക്കുള്ള സ്കൂള്‍ ബസ്സ് സർവ്വീസുകൾ മാറ്റി വെച്ചതായി വിദ്യാഭ്യാസ മന്ത്രാലയം അറിയിച്ചു.

വിദ്യാർത്ഥികളുടെ സൗകര്യാർത്ഥം, ആവശ്യമെങ്കിൽ ക്ലാസ്സ് മുറിയിലെ നേരിട്ടുള്ള പഠനവും ഓൺ ലൈൻ പഠനവും സമന്വയിപ്പിച്ചു കൊണ്ടുള്ള ഹൈ-ബ്രിഡ് രീതി പിന്തുടരാൻ സ്വകാര്യ സ്കൂളുകൾക്ക് അധികൃതർ അനുമതി നൽകിയിട്ടുണ്ട്.

പ്രത്യേക സാഹചര്യങ്ങൾ നില നിൽക്കുന്ന സ്കൂളു കൾക്ക് ഇത് ആശ്വാസം ആയിരിക്കും. എന്നാൽ നിശ്ചിത തിയ്യതിക്ക് ഉള്ളിൽ തന്നെ അധ്യയനം പൂർണ്ണ രീതിയിൽ പുനഃസ്ഥാപിക്കണം എന്നും അധികൃതർ നിർദ്ദേശിച്ചിട്ടുണ്ട്.

വിദ്യാർത്ഥികളുടെ സുരക്ഷ, സുഗമമായ ഗതാഗത സംവിധാനം ഉറപ്പു വരുത്തി ഉയർന്ന സുരക്ഷാ മാന ദണ്ഡങ്ങൾക്ക് അനുസൃതമായി ബസ്സ് സേവനത്തിൻ്റെ സന്നദ്ധത ഉറപ്പാക്കുവാനും വിവിധ വിഭാഗങ്ങളുടെ അധികാരികളുമായി ഏകോപനം പൂർത്തിയാക്കാനും കൂടിയാണ് സ്കൂൾ ബസ്സ് സർവ്വീസുകൾ മാറ്റി വെക്കുന്നത് എന്നും മന്ത്രാലയം അറിയിച്ചു. * W A M

- pma

വായിക്കുക: , , , , , , , , , , ,

Comments Off on വിദ്യാർത്ഥികൾ ഏപ്രിൽ 20 മുതൽ ക്ലാസ്സ്‌ മുറികളിലേക്ക് : സ്കൂള്‍ ബസ്സുകള്‍ തല്‍ക്കാലം ഇല്ല

സലൂട്ടിംഗ് ദ റിയല്‍ ഹീറോസ് : മുന്‍ കാല ഇന്ത്യന്‍ സൈനികരെ ആദരിച്ചു

February 11th, 2026

republic-day-salute-the-real-hero-2026-ePathram

അബുദാബി : ഇന്ത്യൻ റിപ്പബ്ലിക് ദിന ആഘോഷ ങ്ങളുടെ ഭാഗമായി അബുദാബി സാംസ്‌കാരിക വേദി, ഇന്ത്യന്‍ എംബസ്സിയില്‍ സംഘടിപ്പിച്ച ‘സലൂട്ടിംഗ് ദ റിയല്‍ ഹീറോസ്’ എന്ന പരിപാടിയില്‍ 31 മുന്‍ കാല ഇന്ത്യന്‍ സൈനികരെ ആദരിച്ചു. ചടങ്ങില്‍ എംബസ്സി ഡിഫന്‍സ് അറ്റാച്ചെ ഗ്രൂപ്പ് ക്യാപ്റ്റന്‍ ഹര്‍പ്രീത് സിംഗ് ലുത്ര വി. എം. മുഖ്യാതിഥി ആയിരുന്നു. വിവിധ റാങ്കുകളിൽ ഉള്ള മുന്‍കാല സൈനിക ഉദ്യോഗസ്ഥർ പുരസ്കാരങ്ങൾ സ്വീകരിച്ചു.

samskarika-vedhi-honours-former-indian-soldiers-ePathram
സ്വപ്നങ്ങളും സൗഖ്യങ്ങളും പിന്നിലാക്കി രാജ്യ സേവന ത്തിനായ് ജീവിതം സമര്‍പ്പിച്ച സൈനികര്‍ നമ്മുടെ നാടിന്റെ യഥാര്‍ത്ഥ നായകരാണ്. നാം ഇന്ന് അനുഭവിക്കുന്ന സുരക്ഷിതത്വം ഇവരുടെ നിശബ്ദമായ ത്യാഗങ്ങളുടേയും അചഞ്ചലമായ സേവനത്തിന്റേയും ഫലമാണ് എന്ന് ഗ്രൂപ്പ് ക്യാപ്റ്റന്‍ ഹര്‍പ്രീത് സിംഗ് ഉദ്ഘാടന പ്രസംഗത്തില്‍ സൂചിപ്പിച്ചു.

അബുദാബി സാംസ്‌കാരിക വേദി നടത്തുന്ന ഈ ഒരു ചടങ്ങ് നമ്മുടെ നന്ദിയും ഉത്തരവാദിത്വ ബോധവും പുതുക്കുവാൻ ഉള്ള അവസരമാണ്. അവരുടെ സേവനവും ത്യാഗവും തലമുറകളിലേക്ക് കൈ മാറുവാനുള്ള പ്രചോദനമാണ് എന്നും അദ്ദേഹം പറഞ്ഞു.

കേണല്‍ ഡോ. അജയ് രാജ് ഗുപ്ത, മേജര്‍ ഡോക്ടര്‍ അമോള്‍ പാണ്ടുരംഗ് മൂറെ, സ്‌കോഡ്രന്റ് ലീഡര്‍ സംഗീത നായര്‍ എന്നിവര്‍ അവരുടെ സൈനിക അനുഭവങ്ങള്‍ പങ്കു വെച്ചു.

സാംസ്‌കാരിക വേദി പ്രസിഡണ്ട് സാബു അഗസ്റ്റിന്‍ അദ്ധ്യക്ഷം വഹിച്ചു. സെക്രട്ടറി ബിമല്‍ കുമാര്‍ സ്വാഗതവും ട്രഷറര്‍ മുജീബ് അബ്ദുള്‍ സലാം നന്ദിയും പറഞ്ഞു. വിവിധ സംഘടനാ സാരഥികളും സാമൂഹിക – സാംസ്കാരിക പ്രവർത്തകരും ചടങ്ങിൽ സംബന്ധിച്ചു.

സാംസ്‌കാരിക വേദി നടത്തിയ ഹരോള്‍ഡ് റോബിണ്‍സന്‍ മെമ്മോറിയല്‍ കളറിംഗ് മല്‍സര വിജയികള്‍ക്കുള്ള സമ്മാന ദാനവും മെരിറ്റ് അവാര്‍ഡും ചടങ്ങില്‍ വെച്ച് വിതരണം ചെയ്തു.
*Image Credit  : F B page

- pma

വായിക്കുക: , , , , , ,

Comments Off on സലൂട്ടിംഗ് ദ റിയല്‍ ഹീറോസ് : മുന്‍ കാല ഇന്ത്യന്‍ സൈനികരെ ആദരിച്ചു

ഇന്ത്യന്‍ എംബസി ഓപ്പണ്‍ ഹൗസ് വെള്ളിയാഴ്ച

January 28th, 2026

abudhabi-indian-embassy-logo-ePathram

അബുദാബി : 2026 ജനുവരി 30 വെള്ളിയാഴ്ച ഉച്ചക്ക് രണ്ടു മണി മുതൽ നാലു മണി വരെ അബുദാബി ഇന്ത്യന്‍ എംബസിയിൽ ഓപ്പണ്‍ ഹൗസ് സംഘടിപ്പിക്കും.

ഇന്ത്യന്‍ പ്രവാസികളുടെ തൊഴില്‍ പ്രശ്‌നങ്ങള്‍, കോണ്‍സുലര്‍ കാര്യങ്ങള്‍, വിദ്യാഭ്യാസം, പ്രവാസി ക്ഷേമം തുടങ്ങിയവയെക്കുറിച്ച് ഉദ്യോഗസ്ഥരുമായി നേരിട്ട് സംവദിക്കാം.

വരാൻ കഴിയില്ല എങ്കിൽ ca.abudhabi @ mea. gov. in എന്ന ഇ- മെയില്‍ വഴി മുന്‍കൂട്ടി രജിസ്റ്റര്‍ ചെയ്ത് ഓണ്‍ ലൈനായി പങ്കെടുക്കാം. പാസ്സ് പോർട്ട്, അറ്റസ്റ്റേഷന്‍ തുടങ്ങിയ സേവനങ്ങള്‍ അന്നേ ദിവസം ഉണ്ടാവുകയില്ല.

വിവരങ്ങള്‍ക്ക്: +971 2 4492700.

- pma

വായിക്കുക: , , , , ,

Comments Off on ഇന്ത്യന്‍ എംബസി ഓപ്പണ്‍ ഹൗസ് വെള്ളിയാഴ്ച

പാസ്സ്‌പോർട്ട് സേവനങ്ങൾ : ബി. എൽ. എസ്. പുതിയ കെട്ടിടത്തിൽ

August 26th, 2025

indian-passport-cover-page-ePathram
അബുദാബി : ഇന്ത്യൻ എംബസ്സിയുടെ പാസ്സ്‌പോർട്ട്, വിസ സേവനങ്ങൾ നൽകി വരുന്ന ബി. എൽ. എസ്. ഇന്റർ നാഷണൽ എന്ന സ്ഥാപനം അബുദാബി അൽറീം ഐലൻഡിലെ വഫ്ര സ്ക്വയർ എന്ന കെട്ടിടത്തിലേക്ക് മാറ്റിയ തായി ഇന്ത്യൻ എംബസ്സി അറിയിച്ചു.

ഈ കെട്ടിടത്തിലെ മൂന്നാം നിലയിലെ 342ാം നമ്പർ ഓഫീസിലാണ് ബി. എൽ. എസ്. സേവന കേന്ദ്രം പ്രവർത്തിക്കുന്നത്. അൽറീം ഐലൻഡിലെ ഷംസ് ബുട്ടിക് മാളിൽ ആയിരുന്നു ഇത് വരെ ബി. എൽ. എസ്. സേവന കേന്ദ്രം പ്രവർത്തിച്ചിരുന്നത്.

 

- pma

വായിക്കുക: , , ,

Comments Off on പാസ്സ്‌പോർട്ട് സേവനങ്ങൾ : ബി. എൽ. എസ്. പുതിയ കെട്ടിടത്തിൽ

ഇമ ഇഫ്‌താർ വിരുന്നും കുടുംബ സംഗമവും

March 26th, 2025

indian-media-abudhabi-ima-new-logo-2014-ePathram

അബുദാബി : ഇന്ത്യൻ മീഡിയ അബുദാബി (ഇമ) മറീന വില്ലേജിലെ അൽ അസ്ലഹ് ഹോട്ടലിൽ കുടുംബ സംഗമവും ഇഫ്‌താർ വിരുന്നും സംഘടിപ്പിച്ചു. ഇന്ത്യൻ എംബസി കോൺസുലർ ബാലാജി രാമസ്വാമി മുഖ്യാഥിതി ആയിരുന്നു.

indian-media-ima-iftar-2025-ePathram

ഇമ പ്രസിഡണ്ട് സമീർ കല്ലറ അദ്ധ്യക്ഷത വഹിച്ചു. ലുലു ഗ്രൂപ്പ് മീഡിയ & കമ്മ്യൂണിക്കേഷൻ ഡയറക്ടർ വി. നന്ദ കുമാർ, കൊമേര പേ മാർക്കറ്റിംഗ് & കമ്മ്യൂണി ക്കേഷൻസ് മേധാവി അജിത് ജോൺസൺ, ബുർജീൽ ഹോൾഡിംഗ്സ് മീഡിയ & കമ്മ്യൂണിക്കേഷൻ മാനേജർ എം. ഉണ്ണി കൃഷ്ണൻ, എൽ. എൽ. എച്ച്. ഹോസ്പിറ്റൽ ബിസിനസ്സ് ഡെവലപ്പ്മെന്റ് മാനേജർ നിർമ്മൽ ചിയ്യാരത്ത്, അഹല്യ ഗ്രൂപ്പ് സീനിയർ ഓപ്പറേഷൻ മാനേജർ സൂരജ് പ്രഭാകർ, ലുലു ഗ്രൂപ്പ് മാർക്കറ്റിംഗ് മാനേജർ സുധീർ കൊണ്ടേരി, ട്രാൻ ടെക്ക് എം. ഡി. റഫീഖ് കയനയിൽ, ഡെസേർട് റോസ് എം. ഡി. അൻഷാർ, അൽ സാബി ഗ്രൂപ്പ് മീഡിയ മാനേജർ സിബി കടവിൽ തുടങ്ങി വിവിധ മേഖലകളിലെ പ്രമുഖർ അതിഥികളായിരുന്നു.

ജനറൽ സെക്രട്ടറി റാഷിദ് പൂമാടം സ്വാഗതവും ട്രഷറർ ഷിജിന കണ്ണൻ ദാസ്‌ നന്ദിയും പറഞ്ഞു. IMA

- pma

വായിക്കുക: , ,

Comments Off on ഇമ ഇഫ്‌താർ വിരുന്നും കുടുംബ സംഗമവും

Page 2 of 3123

« Previous Page — « Previous « ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
Next » — Next Page » നിള ചരിത്രം കുറിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha