ഭരതാഞ്ജലി യുടെ പ്രയുക്തി – രാമ സംയതി അരങ്ങിലെത്തുന്നു

June 13th, 2023

priya-manoj-bharathanjali-prayukthi-rama-samyathi-ePathram

അബുദാബി : മുസ്സഫ കേന്ദ്രമായി പ്രവര്‍ത്തിക്കുന്ന ഭരതാഞ്ജലി നൃത്ത പരിശീലന കേന്ദ്രം വാര്‍ഷിക ആഘോഷ പരിപാടി പ്രയുക്തി – രാമസംയതി എന്ന നൃത്ത രൂപങ്ങളായി മുസ്സഫ ഭവന്‍സ് സ്കൂളിലും അബുദാബി ഇന്ത്യാ സോഷ്യല്‍ സെന്‍ററിലും അരങ്ങേറും എന്ന് സംഘാടകർ വാർത്താ സമ്മേളനത്തിൽ അറിയിച്ചു.

2023 ജൂണ്‍ 24 ശനിയാഴ്ച വൈകുന്നേരം 3:30 മുതല്‍ 9:30 വരെ ഭവൻസിലും ജൂലായ് 1 ശനിയാഴ്ച വൈകുന്നേരം 4 മണി മുതല്‍ 10 മണി വരെ ഐ. എസ്. സി. യിലും പ്രയുക്തിയും രാമസംയതിയും അവതരിപ്പിക്കും.

പ്രമുഖ നൃത്ത അദ്ധ്യാപിക പ്രിയ മനോജിന്‍റെ ശിക്ഷണത്തില്‍ നൃത്തം അഭ്യസിച്ച നൂറോളം വിദ്യാര്‍ത്ഥികള്‍ വൈവിധ്യമാര്‍ന്ന ഈ നൃത്ത രൂപങ്ങളുടെ ഭാഗമാകും.

രാമായണത്തിലൂടെ ഒരു യാത്രയാണ് രാമസംയതി എന്നും എല്ലാ വിഭാഗം പ്രേക്ഷകർക്കും അനുഭവ ഭേദ്യമാകും വിധമായിരിക്കും അവതരിപ്പിക്കുക എന്നും പരിപാടിയെ കുറിച്ച് വിശദീകരിക്കുവാൻ വിളിച്ച് ചേർത്ത വാർത്താ സമ്മേളനത്തിൽ പ്രിയാ മനോജ് അറിയിച്ചു.

ഭാരതത്തിൽ ഉടനീളമുള്ള ശാസ്ത്രീയ നൃത്ത രൂപങ്ങളെ പ്രോത്സാഹിപ്പിക്കുവാനും കൂടുതൽ ജനങ്ങളിലേക്ക് എത്തിക്കുവാനും ഭരതാഞ്ജലി ശ്രമിക്കുന്നു എന്നതിന്‍റെ ഭാഗമായിട്ടാണ് പ്രയുക്തിരാമസംയതി എന്നീ വേദികൾ ഒരുക്കുന്നത് എന്നും അവർ പറഞ്ഞു.

പ്രിയാ മനോജ്, കൂടാതെ കലാ ക്ഷേത്ര ഫൗണ്ടേഷൻ പൂർവ്വ വിദ്യാർത്ഥികളായ ആര്യ സുനിൽ, ശാശ്വതി ശ്രീധർ, കാർത്തിക നാരായണൻ എന്നിവരും വാർത്താ സമ്മേളനത്തിൽ സംബന്ധിച്ചു.

- pma

വായിക്കുക: , , , , ,

Comments Off on ഭരതാഞ്ജലി യുടെ പ്രയുക്തി – രാമ സംയതി അരങ്ങിലെത്തുന്നു

സമാജം വനിതാ വിഭാഗം – ബാല വേദി പുതിയ കമ്മിറ്റി

June 13th, 2023

malayalee-samajam-ladies-wing-2023-24-committee-ePathram
അബുദാബി : മലയാളി സമാജം 2023-24 പ്രവര്‍ത്തന വർഷത്തേക്കുള്ള വനിതാ വിഭാഗം കമ്മിറ്റിയെ തെരഞ്ഞെടുത്തു. ഷഹനാ മുജീബ് (കൺവീനർ), അമൃത അജിത്ത്, സൂര്യ, രാജലക്ഷ്മി (ജോയിന്‍റ് കൺവീനർമാർ) എന്നിവരാണ് ഭാരവാഹികൾ.

യോഗത്തിൽ വെച്ച് അബുദാബി മലയാളി സമാജം ബാല വേദി കമ്മിറ്റിയും വളണ്ടിയർ ടീമിനേയും തെരഞ്ഞെടുത്തു.

സുധീഷ് (വളണ്ടിയർ ക്യാപ്റ്റൻ) അഭിലാഷ്, സാജൻ (വൈസ് ക്യാപ്റ്റൻമാർ). സമാജം പ്രസിഡണ്ട് റഫീഖ് കയനയിൽ യോഗത്തിൽ അദ്ധ്യക്ഷത വഹിച്ചു.

- pma

വായിക്കുക: , , , ,

Comments Off on സമാജം വനിതാ വിഭാഗം – ബാല വേദി പുതിയ കമ്മിറ്റി

എഡ്യൂ ഫെസ്റ്റിവ് : ജനപങ്കാളിത്തം കൊണ്ട് ശ്രദ്ധേയമായി

June 13th, 2023

abudhabi-kmcc-edu-festive-23-ePathram
അബുദാബി : കെ. എം. സി. സി. സംസ്ഥാന കമ്മിറ്റി സംഘടിപ്പിച്ച ‘എഡ്യൂ ഫെസ്റ്റിവ്’ ജന പങ്കാളിത്തം കൊണ്ടും ചർച്ചകൾ കൊണ്ടും ശ്രദ്ധേയമായി. അബുദാബി ബനിയാസിലെ ഇന്‍റർ നാഷണൽ ഇന്ത്യൻ സ്കൂൾ ക്യാമ്പസിൽ വെച്ച് രാവിലെ 10 മണിക്ക് ആരംഭിച്ച ‘എഡ്യൂ ഫെസ്റ്റിവ്’ വൈകുന്നേരം 6 മണി വരെ നീണ്ടു നിന്നു.

കരിയര്‍ ഗൈഡന്‍സ് വിദഗ്ദ ശ്രീവിദ്യ സന്തോഷ്, ജി-20 രാജ്യങ്ങളുടെ ലാന്‍ഡ് കോഡിനേഷന്‍ ഓഫീസ് ഡയററ്റര്‍ മുരളി തുമ്മാരു കുടി, യു. എന്‍. ബ്രെസ്സല്സ് മൈഗ്രേനെന്‍റ് പ്രൊജക്റ്റ് ഓഫീസര്‍ മുഹമ്മദ് അമീൻ അരിബ്ര, ഡോ. മുഹമ്മദ് ജുവൈദ്, ഡോ. മുഹമ്മദ് റാസിഖ്, പാണക്കാട് ഹൈദരലി തങ്ങൾ തുടങ്ങിയ പ്രമുഖര്‍ വിവിധ വിഷയങ്ങളിൽ ചർച്ചകൾക്ക് നേതൃത്വം നൽകി.

students-abudhabi-kmcc-edu-festive-23-ePathram

രക്ഷിതാക്കളുടെയും വിദ്യാർത്ഥികളുടെയും സജീവമായ ഇട പെടൽ വിവിധ സെക്ഷനുകളിൽ പ്രകടമായിരുന്നു. പാനലിസ്റ്റുകളുമായുള്ള നേരിട്ടുള്ള സംവാദവും സംശയ നിവാരണവും എഡ്യൂ ഫെസ്റ്റിനെ മികവുറ്റതാക്കി. വിദ്യാർത്ഥികളും രക്ഷിതാക്കളുമായി ആയിരത്തോളം പേര് പരിപാടിയിൽ പങ്കെടുത്തു. എസ്. എസ്. എൽ. സി., പ്ലസ് -ടു പരീക്ഷകളില്‍ ഉന്നത വിജയം നേടിയ മുന്നൂറോളം കുട്ടികളെ ആദരിച്ചു.

ഇന്ത്യ, യു. എ. ഇ., മറ്റു വിദേശ രാജ്യങ്ങൾ എന്നിവിട ങ്ങളിലെ വിദ്യാഭ്യാസ മേഖലയിലെ ആനുകാലിക മാറ്റങ്ങൾ, ഉന്നത വിദ്യാഭ്യാസ സാദ്ധ്യതകൾ, വിവിധ തരം സ്കോളർ ഷിപ്പുകൾ തുടങ്ങിയ വിഷയങ്ങളിൽ നടന്ന ചർച്ചകളിൽ നിരവധി വിദ്യാർത്ഥികളും രക്ഷിതാക്കളും പങ്കെടുത്തു. നിരവധി വിദ്യാഭ്യാസ അനുബന്ധ സ്ഥാപനങ്ങളുടെ പ്രദർശന സ്റ്റാളുകളും ഒരുക്കിയിരുന്നു.

അബുദാബി കെ. എം. സി. സി. പ്രസിഡണ്ട് ഷുക്കൂർ അലി കല്ലുങ്ങൽ അദ്ധ്യക്ഷത വഹിച്ചു. എം. പി. എം. റഷീദ് ഉത്ഘാടനം ചെയ്തു. ഇന്ത്യൻ ഇസ്ലാമിക് സെന്‍റര്‍ പ്രസിണ്ട് പി. ബാവാ ഹാജി, ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, യു. അബ്ദുല്ല ഫാറൂഖി, മുനീർ അൻസാരി എന്നിവർ സംബന്ധിച്ചു.

ഭാരവാഹികളായ അഷറഫ് പൊന്നാനി, ഹംസ നടുവിൽ, റഷീദ് പട്ടാമ്പി, കോയ തിരുവത്ര, അബ്ദുൽ ബാസിത്, അനീസ് മാങ്ങാട്, ശറഫുദ്ധീൻ കൊപ്പം, അബ്ദുൽ ഖാദർ ഒളവട്ടൂർ, ഹംസ ഹാജി പാറയിൽ, മൊയ്ദുട്ടി വെളേരി, ഷാനവാസ് പുളിക്കൽ എന്നിവർ പരിപാടിക്ക് നേതൃത്വം നൽകി. ജനറൽ സെക്രട്ടറി സി. എച്ച്. യൂസുഫ് സ്വാഗതവും സെക്രട്ടറി മുഹമ്മദ് അൻവർ ചുള്ളിമുണ്ട നന്ദിയും പറഞ്ഞു.

- pma

വായിക്കുക: , , , ,

Comments Off on എഡ്യൂ ഫെസ്റ്റിവ് : ജനപങ്കാളിത്തം കൊണ്ട് ശ്രദ്ധേയമായി

എഡ്യൂ ഫെസ്റ്റിവ് : ജനപങ്കാളിത്തം കൊണ്ട് ശ്രദ്ധേയമായി

June 13th, 2023

abudhabi-kmcc-edu-festive-23-ePathram
അബുദാബി : കെ. എം. സി. സി. സംസ്ഥാന കമ്മിറ്റി സംഘടിപ്പിച്ച ‘എഡ്യൂ ഫെസ്റ്റിവ്’ ജന പങ്കാളിത്തം കൊണ്ടും ചർച്ചകൾ കൊണ്ടും ശ്രദ്ധേയമായി. അബുദാബി ബനിയാസിലെ ഇന്‍റർ നാഷണൽ ഇന്ത്യൻ സ്കൂൾ ക്യാമ്പസിൽ വെച്ച് രാവിലെ 10 മണിക്ക് ആരംഭിച്ച ‘എഡ്യൂ ഫെസ്റ്റിവ്’ വൈകുന്നേരം 6 മണി വരെ നീണ്ടു നിന്നു.

കരിയര്‍ ഗൈഡന്‍സ് വിദഗ്ദ ശ്രീവിദ്യ സന്തോഷ്, ജി-20 രാജ്യങ്ങളുടെ ലാന്‍ഡ് കോഡിനേഷന്‍ ഓഫീസ് ഡയററ്റര്‍ മുരളി തുമ്മാരു കുടി, യു. എന്‍. ബ്രെസ്സല്സ് മൈഗ്രേനെന്‍റ് പ്രൊജക്റ്റ് ഓഫീസര്‍ മുഹമ്മദ് അമീൻ അരിബ്ര, ഡോ. മുഹമ്മദ് ജുവൈദ്, ഡോ. മുഹമ്മദ് റാസിഖ്, സംഗീത് കെ. തുടങ്ങിയ പ്രമുഖര്‍ വിവിധ വിഷയങ്ങളിൽ ചർച്ചകൾക്ക് നേതൃത്വം നൽകി.

students-abudhabi-kmcc-edu-festive-23-ePathram

രക്ഷിതാക്കളുടെയും വിദ്യാർത്ഥികളുടെയും സജീവമായ ഇട പെടൽ വിവിധ സെക്ഷനുകളിൽ പ്രകടമായിരുന്നു. പാനലിസ്റ്റുകളുമായുള്ള നേരിട്ടുള്ള സംവാദവും സംശയ നിവാരണവും എഡ്യൂ ഫെസ്റ്റിനെ മികവുറ്റതാക്കി. വിദ്യാർത്ഥികളും രക്ഷിതാക്കളുമായി ആയിരത്തോളം പേര് പരിപാടിയിൽ പങ്കെടുത്തു. എസ്. എസ്. എൽ. സി., പ്ലസ് -ടു പരീക്ഷകളില്‍ ഉന്നത വിജയം നേടിയ മുന്നൂറോളം കുട്ടികളെ ആദരിച്ചു.

ഇന്ത്യ, യു. എ. ഇ., മറ്റു വിദേശ രാജ്യങ്ങൾ എന്നിവിട ങ്ങളിലെ വിദ്യാഭ്യാസ മേഖലയിലെ ആനുകാലിക മാറ്റങ്ങൾ, ഉന്നത വിദ്യാഭ്യാസ സാദ്ധ്യതകൾ, വിവിധ തരം സ്കോളർ ഷിപ്പുകൾ തുടങ്ങിയ വിഷയങ്ങളിൽ നടന്ന ചർച്ചകളിൽ നിരവധി വിദ്യാർത്ഥികളും രക്ഷിതാക്കളും പങ്കെടുത്തു. നിരവധി വിദ്യാഭ്യാസ അനുബന്ധ സ്ഥാപനങ്ങളുടെ പ്രദർശന സ്റ്റാളുകളും ഒരുക്കിയിരുന്നു.

അബുദാബി കെ. എം. സി. സി. പ്രസിഡണ്ട് ഷുക്കൂർ അലി കല്ലുങ്ങൽ അദ്ധ്യക്ഷത വഹിച്ചു. എം. പി. എം. റഷീദ് ഉത്ഘാടനം ചെയ്തു. ഇന്ത്യൻ ഇസ്ലാമിക് സെന്‍റര്‍ പ്രസിണ്ട് പി. ബാവാ ഹാജി, ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, യു. അബ്ദുല്ല ഫാറൂഖി, മുനീർ അൻസാരി എന്നിവർ സംബന്ധിച്ചു.

ഭാരവാഹികളായ അഷറഫ് പൊന്നാനി, ഹംസ നടുവിൽ, റഷീദ് പട്ടാമ്പി, കോയ തിരുവത്ര, അബ്ദുൽ ബാസിത്, അനീസ് മാങ്ങാട്, ശറഫുദ്ധീൻ കൊപ്പം, അബ്ദുൽ ഖാദർ ഒളവട്ടൂർ, ഹംസ ഹാജി പാറയിൽ, മൊയ്ദുട്ടി വെളേരി, ഷാനവാസ് പുളിക്കൽ എന്നിവർ പരിപാടിക്ക് നേതൃത്വം നൽകി. ജനറൽ സെക്രട്ടറി സി. എച്ച്. യൂസുഫ് സ്വാഗതവും സെക്രട്ടറി മുഹമ്മദ് അൻവർ ചുള്ളിമുണ്ട നന്ദിയും പറഞ്ഞു.

- pma

വായിക്കുക: , , , ,

Comments Off on എഡ്യൂ ഫെസ്റ്റിവ് : ജനപങ്കാളിത്തം കൊണ്ട് ശ്രദ്ധേയമായി

കെ. എം. സി. സി. ‘എഡ്യൂ ഫെസ്റ്റീവ്-23’ ജൂൺ 11 ന്

June 5th, 2023

abudhabi-kmcc-edu-festive-23-brochure-ePathram

അബുദാബി : സംസ്ഥാന കെ. എം. സി. സി. സംഘടിപ്പിക്കുന്ന ‘എഡ്യൂ ഫെസ്റ്റീവ്-23’ ജൂൺ 11 ഞായറാഴ്ച രാവിലെ 10 മണി മുതല്‍ അബുദാബി ബനിയാസിലെ ഇന്‍റർ നാഷണൽ ഇന്ത്യൻ സ്കൂൾ അങ്കണത്തില്‍ അരങ്ങേറും.

എസ്. എസ്. എൽ. സി., പ്ലസ് ടു പരീക്ഷകളിൽ ഉന്നത വിജയം നേടിയ കുട്ടികളെ ആദരിക്കൽ, വിവിധ വിദ്യാഭ്യാസ സ്ഥാപനങ്ങളുടെ പ്രദർശന സ്റ്റാളുകൾ, പാനൽ ചർച്ചകൾ ഉൾപ്പെടെയുള്ള പരിപാടികൾ ‘എഡ്യൂ ഫെസ്റ്റീവ്-23’ ന്‍റെ ഭാഗമായി നടക്കും.

ഇതില്‍ പങ്കെടുക്കുവാന്‍ ആഗ്രഹിക്കുന്നവര്‍ക്ക് ഈ ലിങ്കിലൂടെ ഓണ്‍ ലൈനില്‍ റജിസ്റ്റര്‍ ചെയ്യാം.

kmcc-edu-festive-23-brochure-releasing-ePathram

ഇന്ത്യൻ ഇസ്‌ലാമിക് സെന്‍ററില്‍ നടന്ന ചടങ്ങിൽ എഡ്യൂ ഫെസ്റ്റീവ്-23 ബ്രോഷർ പ്രകാശനം നിർവ്വഹിച്ചു. വിവിധ വിദ്യാഭ്യാസ സ്ഥാപനങ്ങളെ പ്രതിനിധീകരിച്ചു കൊണ്ട് ഡോ. ഹസീന ബീഗം (മോഡൽ സ്‌കൂൾ), സജീവ് ഉമ്മൻ (എമിറേറ്റ്സ് ഫ്യൂച്ചർ ഇന്‍റർ നാഷണൽ സ്‌കൂൾ), മാലിക് ഹസൻ (ഷൈനിംഗ് സ്റ്റാര്‍ ഇന്‍റര്‍ നാഷണൽ സ്‌കൂൾ) എന്നിവര്‍ പങ്കെടുത്തു.

ഇസ്ലാമിക്‌ സെന്‍റർ ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, കെ. എം. സി. സി. നേതാക്കളായ യു. അബ്ദുള്ള ഫാറൂഖി, ഷുക്കൂർ അലി കല്ലുങ്ങൽ, സി. എച്ച്. യൂസഫ്, അൻവർ ചുള്ളിമുണ്ട തുടങ്ങിയവര്‍ സംസാരിച്ചു.

യു. എ. ഇ., ഇന്ത്യ കൂടാതെ വിവിധ രാജ്യങ്ങളിലെ ഉന്നത വിദ്യാഭ്യാസ മേഖലയിലെ നൂതന മാറ്റങ്ങൾ, ജോലി സാദ്ധ്യതകൾ, വിവിധ വിദ്യാഭ്യാസ സ്കോളർ ഷിപ്പുകൾ, വിദ്യാഭ്യാസ സ്ഥാപനങ്ങളിലെ പ്രവേശന നടപടികൾ എന്നിവയെക്കുറിച്ച് വിശദീകരിച്ച് വിദ്യാഭ്യാസ വിദഗ്‌ദർ പങ്കെടുക്കുന്ന വിവിധ സെക്ഷനുകളും കെ. എം. സി. സി. ‘എഡ്യൂ ഫെസ്റ്റീവ്-23’ ന്‍റെ ഭാഗമായി ഉണ്ടാവും എന്നും സംഘാടകര്‍ അറിയിച്ചു.

- pma

വായിക്കുക: , , , , , , , ,

Comments Off on കെ. എം. സി. സി. ‘എഡ്യൂ ഫെസ്റ്റീവ്-23’ ജൂൺ 11 ന്

Page 18 of 91« First...10...1617181920...304050...Last »

« Previous Page« Previous « പൊതു ഗതാഗതങ്ങളില്‍ ഭക്ഷണം കഴിച്ചാൽ പിഴ
Next »Next Page » കേരള പുരസ്കാരം : നാമ നിർദ്ദേശങ്ങൾ ഇന്നു മുതല്‍ സമർപ്പിക്കാം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha