ഡിജിറ്റൽ അറസ്റ്റ് തടയാൻ എന്തു നടപടി എടുത്തു? : വിശദീകരണം തേടി സുപ്രീം കോടതി

November 11th, 2026

digital-arrest-cyber-scam-in-modern-days-ePathram
ന്യൂഡൽഹി : രാജ്യത്തെ സൈബർ സുരക്ഷ ഉറപ്പാക്കുന്നതിനു വേണ്ടി സുപ്രീം കോടതിയുടെ സുപ്രധാന ഇട പെടൽ. രാജ്യത്ത് വർദ്ധിച്ചു വരുന്ന ഡിജിറ്റൽ അറസ്റ്റ് തട്ടിപ്പുകളും മറ്റ് സൈബർ കുറ്റകൃത്യങ്ങളും തടയാൻ വാട്സാപ്പ് അടക്കമുള്ള സമൂഹ മാധ്യമങ്ങൾ സ്വീകരിച്ച നടപടികൾ ഇന്ത്യൻ സൈബർ ക്രൈം കോഡിനേഷൻ സെൻ്ററിന് (Indian Cybercrime Coordination Centre) സമർപ്പിക്കണം എന്ന് സുപ്രീം കോടതി നിർദ്ദേശം.

വ്യാജ രേഖകളുമായി ബന്ധപ്പെട്ട ഡിജിറ്റൽ അറസ്റ്റ് ഇരകൾ എന്ന പേരിൽ സുപ്രീം കോടതി സ്വമേധയാ എടുത്ത കേസിലാണ് ചീഫ് ജസ്റ്റിസ് സൂര്യകാന്ത് അദ്ധ്യക്ഷനായ ബെഞ്ചിന്റെ ഈ സുപ്രധാന നിർദ്ദേശം.

തട്ടിപ്പുകൾ തടയാൻ സ്വീകരിച്ച പ്രതിരോധ നടപടി കളുടെ ഭാഗമായി ഇതുവരെ 9400 അക്കൗണ്ടു കൾക്ക് എതിരെ നടപടിഎടുത്തു എന്നും വാട്സാപ്പ് കോടതിയെ അറിയിച്ചിരുന്നു. വിശദമായ സത്യവാങ്മൂലം സമർപ്പിക്കും എന്നും അവർ കോടതിയിൽ വ്യക്തമാക്കി.

ഡിജിറ്റൽ അറസ്റ്റ് തട്ടിപ്പുകൾക്കും മറ്റ് ഓൺ ലൈൻ സാമ്പത്തിക തട്ടിപ്പുകൾക്കും സാമ്പത്തിക സ്ഥാപന ങ്ങളെയും ഉത്തരവാദികൾ ആക്കണം എന്ന് സുപ്രീം കോടതി വ്യക്തമാക്കിയിരുന്നു. ബാങ്കിന്റെയോ സ്ഥാപനത്തിന്റെയോ ജാഗ്രതക്കുറവ് മൂലമാണ് തട്ടിപ്പ് നടന്നത് എന്ന് അന്വേഷണത്തിൽ തെളിഞ്ഞാൽ, ഇരകൾക്ക് ഉണ്ടായ നഷ്ടം നികത്താൻ ബാങ്കുകൾക്ക് ബാധ്യത ഉണ്ട് എന്നും കോടതി ഊന്നിപ്പറഞ്ഞു.

കൂടാതെ ഡിജിറ്റൽ അറസ്റ്റ് തട്ടിപ്പ് കേസുകളിൽ രജിസ്റ്റർ ചെയ്ത എഫ്. ഐ. ആർ. വിവരങ്ങളും അന്വേഷണ പുരോഗതിയെക്കുറിച്ചും വിശദമായ റിപ്പോർട്ട് സമർപ്പിക്കാൻ എല്ലാ സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും നിയമ പാലകർക്കും കോടതി നിർദ്ദേശം നൽകി. Image Credit : Niti Ayog

- pma

വായിക്കുക: , , , , , , , , ,

Comments Off on ഡിജിറ്റൽ അറസ്റ്റ് തടയാൻ എന്തു നടപടി എടുത്തു? : വിശദീകരണം തേടി സുപ്രീം കോടതി

വാഹന ഇൻഷ്വറൻസ് കുറഞ്ഞ നിരക്കില്‍ എന്നത് വ്യാജം

April 24th, 2026

online-scam-q-r-code-link-fraud-alert-ePathram
റാസ്‌ അൽ ഖൈമ : നിലവിൽ വിപണിയിൽ ലഭ്യമായ നിരക്കിനേക്കാൾ കുറഞ്ഞ നിരക്കില്‍ വാഹന ഇൻഷ്വറൻസ് നൽകും എന്ന തരത്തിൽ സാമൂഹിക മാധ്യമങ്ങളിൽ പ്രചരിക്കുന്ന പരസ്യങ്ങൾ വ്യാജം എന്ന് പോലീസ് മുന്നറിയിപ്പ്.

വിശ്വസനീയമായ ഇൻഷ്വറൻസ് കമ്പനികളുടെയും അംഗീകൃത ബ്രോക്കര്‍ മാരുടെയും പേരില്‍ തന്നെ യാണ് ഇത്തരം പരസ്യങ്ങള്‍ വരുന്നത് എന്നതിനാൽ ഇതിൽ ആകൃഷ്ടരായി പണം കൈമാറുന്നതിന് മുൻപായി പരസ്യ സ്രോതസ്സുകളുടെ ആധികാരികത ഉറപ്പു വരുത്തണം എന്നും റാസ്‌ അൽ ഖൈമ പോലീസ് അറിയിച്ചു.

വളരെ കുറഞ്ഞ നിരക്കുകൾ ഓഫർ ചെയ്യുന്നവരെ സംശയത്തോടെ സമീപിക്കുക, അത്തരം സോഷ്യല്‍ മീഡിയ എക്കൗണ്ടുകളെയും വെബ് സൈറ്റു കളെയും ജാഗ്രതയോടെ മാത്രം സമീപിക്കുക എന്നിങ്ങനെയുള്ള നിർദ്ദേശങ്ങൾ അധികൃതര്‍ മുന്നോട്ടു വെക്കുന്നു.

ഡ്രൈവിംഗ് ലൈസൻസ് ഇല്ലാത്തവർക്കും വാഹനം സ്വന്തമായി ഇല്ലാത്തവർക്കും ഇത്തരത്തിൽ ഇൻഷ്വറൻസ് പുതുക്കുവാനും ഡ്രൈവിംഗ് ലൈസൻസിൽ പിഴ ഇല്ലാതാക്കുവാനും പാർക്കിംഗ് ഫീസ് കുറഞ്ഞ നിരക്കിൽ അടക്കാം എന്നുള്ള തരത്തിൽ ഫോണിൽ sMs ആയും വാട്സ് ആപ്പ് അടക്കമുള്ള സോഷ്യൽ മീഡിയ വഴിയും സന്ദേശങ്ങൾ ലഭിക്കാറുണ്ട്.

വിപണിയിൽ ആരും ഒന്നും നമുക്ക് വെറുതെ തരുന്നില്ല! അതിനാൽ ഇത്തരം സൗജന്യ വാഗ്ദാന ങ്ങളിൽ ചതി ഉണ്ടെന്നു മനസ്സിലാക്കുക.

അതു കൊണ്ട് സമൂഹം ജാഗ്രത പുലർത്തുക. ഇത്തരം കാര്യങ്ങൾ ശ്രദ്ധയിൽ പെട്ടാൽ അത് അധികൃതരെ അറിയിക്കാൻ മടിക്കരുത്.

- pma

വായിക്കുക: , , , , ,

Comments Off on വാഹന ഇൻഷ്വറൻസ് കുറഞ്ഞ നിരക്കില്‍ എന്നത് വ്യാജം

ഡിജിറ്റൽ അറസ്റ്റ് : വിദ്യാ സമ്പന്നർ തട്ടിപ്പിന്‌ ഇരയാകുന്നത്‌ ഞെട്ടിക്കുന്നു

April 21st, 2026

digital-arrest-cyber-scam-in-modern-days-ePathram
ന്യൂഡൽഹി : രാജ്യത്ത് വർദ്ധിച്ചു ഡിജിറ്റൽ അറസ്റ്റ് തട്ടിപ്പുകളിൽ സുപ്രീം കോടതി കടുത്ത ആശങ്ക രേഖപ്പെടുത്തി. തട്ടിപ്പുകാരുടെ ഇരകളിൽ മുന്നിൽ നിൽക്കുന്നത് വിദ്യാ സമ്പന്നർ ആണെന്നുള്ളത് ഞെട്ടിക്കുന്നു എന്നും സുപ്രീം കോടതി. ഇത്തരം ഒരു തട്ടിപ്പു വിഷയത്തിൽ സ്വമേധയാ എടുത്ത കേസ്‌ പരിഗണിച്ചു കൊണ്ടാണ് സുപ്രീം കോടതി ഈ അഭിപ്രായ പ്രകടനം നടത്തിയത്.

വിരമിച്ച ഉദ്യോഗസ്ഥർ, വിവിധ പ്രൊഫഷണലുകൾ, അദ്ധ്യാപകർ തുടങ്ങി ഉന്നത വിദ്യാഭ്യാസം ഉള്ളവർ പോലും ഭയപ്പെട്ട് ലക്ഷക്കണക്കിന് രൂപ തട്ടിപ്പുകാർക്ക് അയച്ചു കൊടുക്കുന്നു. സാങ്കേതിക വിദ്യയെക്കുറിച്ച് അറിവുള്ളവർ ഇത്തരം ചതിക്കുഴികളിൽ വീഴുന്നത് തടയാൻ വ്യാപകമായ ബോധവൽക്കരണം ആവശ്യം എന്നും കോടതി ചൂണ്ടിക്കാട്ടി.

ഡിജിറ്റൽ അറസ്റ്റ് എന്ന പേരിൽ ഓൺ ലൈൻ തട്ടിപ്പിന് ഇരയായ ഒരു ഉദ്യോഗസ്ഥയുടെ ജോലിയിൽ നിന്നും വിരമിച്ച സമ്പാദ്യം മുഴുവൻ നഷ്ടപ്പെട്ട വിവരം വ്യക്തമാക്കി അയച്ച കത്ത് മുൻ നിറുത്തിയാണ് സുപ്രീം കോടതി സ്വമേധയാ കേസ് എടുത്തത്.

നേരിട്ട് അറിയാവുന്ന സ്‌ത്രീയാണ്‌ ഡിജിറ്റൽ തട്ടിപ്പിന് ഇരയായത്. ഇത്തരം സംഭവങ്ങൾ ദ‍ൗർഭാഗ്യകരം എന്നും ചീഫ്‌ ജസ്‌റ്റിസ്‌ പറഞ്ഞു.

ഡിജിറ്റൽ അറസ്റ്റ് എന്നൊരു നിയമ സംവിധാനം ഇന്ത്യയിൽ ഇല്ലാ എന്നുള്ള കാര്യം കേന്ദ്ര സർക്കാരും അന്വേഷണ ഏജൻസികളും വ്യക്തമാക്കിയിട്ടുണ്ട്. എന്നിട്ടും ഇത്തരം തട്ടിപ്പുകൾ തുടരുന്നത് ഏറെ ഗൗരവം ഉള്ളതാണ് എന്നും സുപ്രീം കോടതി പറഞ്ഞു.

 

- pma

വായിക്കുക: , , , , , , , , , , , , , , , ,

Comments Off on ഡിജിറ്റൽ അറസ്റ്റ് : വിദ്യാ സമ്പന്നർ തട്ടിപ്പിന്‌ ഇരയാകുന്നത്‌ ഞെട്ടിക്കുന്നു

സംശയാസ്പദമായ ക്യു-ആർ കോഡുകൾ സ്കാൻ ചെയ്യുകയോ വിശ്വസനീയം അല്ലാത്ത ലിങ്കുകളിൽ ക്ലിക്ക് ചെയ്യുകയോ വേണ്ട

March 27th, 2026

warning-about-qr-code-fraud-scam-alert-ePathram

ദുബായ് : വിവിധ സർക്കാർ സ്ഥാപനങ്ങളുടെയും പ്രമുഖ വ്യാപാര സ്ഥാപനങ്ങളുടെ പേരിലും ഉള്ള ഇ-മെയിൽ വഴി ലഭിക്കുന്ന വ്യാജ ക്യു-ആർ കോഡുകൾ, ലിങ്കുകൾ എന്നിവയിലൂടെ തട്ടിപ്പ് ശ്രമങ്ങൾ നടക്കുന്നതായി അധികൃതർ മുന്നറിയിപ്പ് നൽകി.

അടിയന്തര സേവനങ്ങൾ വാഗ്ദാനം ചെയ്ത് സോഷ്യൽ മീഡിയ വഴിയും ഇത്തരം കോഡുകൾ വ്യാപകമായി പ്രചരിക്കുന്നു എന്നും മുന്നറിയിപ്പിൽ പറയുന്നു. ഇവ സ്‌കാൻ ചെയ്താൽ വ്യക്തി വിവരങ്ങളും സാമ്പത്തിക ഡാറ്റയും മോഷ്ടിക്കാൻ ശ്രമിക്കുന്ന സൈറ്റുകളിൽ അല്ലെങ്കിൽ മാൽ വെയർ ഇൻസ്റ്റാൾ സംവിധാനങ്ങളിൽ എത്താൻ സാദ്ധ്യതയുണ്ട്.

online-scam-q-r-code-link-fraud-alert-ePathram

ക്യു-ആർ കോഡുകൾ സ്‌കാൻ ചെയ്യുന്നതിന് മുമ്പ് ഇ-മെയിലുകളുടെ ഉറവിടം പരിശോധിക്കുക. സംശയാസ്പദമായ ലിങ്കുകളിൽ ക്ലിക്ക് ചെയ്യുകയോ വിശ്വസനീയമല്ലാത്ത ക്യു-ആർ കോഡുകൾ സ്കാൻ ചെയ്യുവാനോ പാടില്ല. വ്യക്തിഗത വിവരങ്ങൾ പങ്കു വെക്കരുത്.

സംശയകരമായ Q R കോഡുകൾ സ്കാൻ ചെയ്യാനും വെബ് സൈറ്റുകൾ തിരിച്ചറിയാനും വേണ്ടി ഡി. ഇ. എസ്. സി. വികസിപ്പിച്ച ‘ആർസാം’  RZAM ആപ്പ് ഉപയോഗിക്കണം എന്നും നിർദ്ദേശം നൽകിയിട്ടുണ്ട്

- pma

വായിക്കുക: , , , , , ,

Comments Off on സംശയാസ്പദമായ ക്യു-ആർ കോഡുകൾ സ്കാൻ ചെയ്യുകയോ വിശ്വസനീയം അല്ലാത്ത ലിങ്കുകളിൽ ക്ലിക്ക് ചെയ്യുകയോ വേണ്ട


« ഇന്ധന വില കുത്തനെ കൂട്ടി : പെട്രോളിന് അഞ്ച് രൂപയും ഡീസലിന് മൂന്ന് രൂപയും വർദ്ധിപ്പിച്ചു
കന്നി അങ്കത്തിനിറങ്ങി ടി. വി. കെ. : വിജയ് രണ്ടു മണ്ഡലങ്ങളിൽ മത്സരിക്കും »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha