അബുദാബി: കേരള സർക്കാരിന് കീഴിലുള്ള സാംസ്‌കാരിക വകുപ്പ് യുവ കലാകാരന്മാര്‍ക്ക് ഏര്‍പ്പെടുത്തിയ വജ്ര ജൂബിലി ഫെല്ലോ ഷിപ്പിന് മാപ്പിള കലാ വിഭാഗത്തിൽ പ്രവാസി കലാകാരന്‍ റബീഹ് ആട്ടീരി അര്‍ഹനായി.
ഒന്നര പതിറ്റാണ്ടിൽ അധികമായി മാപ്പിള കലാ പരിശീലന രംഗത്ത് പ്രവർത്തിക്കുന്ന റബീഹ് മൂന്നു വര്‍ഷമായി യു. എ. ഇ. യിലെ ഇന്ത്യന്‍ സ്‌കൂളുകളിലും സ്വകാര്യ വിദ്യാഭ്യാസ സ്ഥാപനങ്ങളിലും മാപ്പിള കലകളില്‍ പരിശീലകനാണ്.
ടി. പി. ആലിക്കുട്ടി ഗുരുക്കള്‍ മാപ്പിള കലാ പഠന കേന്ദ്രം യു. എ. ഇ. ചാപ്റ്റ റില്‍ വട്ടപ്പാട്ട്, അറബനമുട്ട്, ദഫ്മുട്ട് പരിശീലകനായും സേവനം ചെയ്തിട്ടുണ്ട്. യു. എ. ഇ. യിലുട നീളം നടക്കുന്ന കലോത്സവങ്ങളിലും റിയാലിറ്റി ഷോ കളിലും സര്‍ഗോത്സവങ്ങളിലും വിധി കര്‍ത്താവാണ്.
കേരള ത്തിലെ പ്രമുഖ മാപ്പിള കലാ പരിശീലകന്‍ എം. എസ്. കെ. തങ്ങളുടെ ശിക്ഷണത്തില്‍ പരിശീലനം പൂര്‍ത്തിയാക്കിയ റബീഹ് ഉയര്‍ന്ന റാങ്കോടെയാണ് ഫെല്ലോഷിപ്പിന് അര്‍ഹനായിട്ടുള്ളത്.
കോട്ടക്കല്‍ ആട്ടീരിയിലെ പരേതനായ വടക്കേതില്‍ രായീന്‍ കുട്ടി ഹാജി യുടെയും ഖദീജയുടെയും മകനാണ്.
- Image Credit : Instagram
