യു.എ.ഇ. « e പത്രം

കൊവിഡ് വാക്സിൻ എടുത്തവർക്ക് ക്വാറന്റൈനില്‍ ഇളവ്

May 30th, 2021

അബുദാബി : ക്വാറന്റൈന്‍ വ്യവസ്ഥകളില്‍ മാറ്റങ്ങള്‍ പ്രഖ്യാപിച്ച് അബുദാബി ആരോഗ്യ വകുപ്പ്. കൊവിഡ് പോസിറ്റീവ് ആയവരുമായി സമ്പര്‍ക്കത്തില്‍ ഏര്‍പ്പെട്ട വ്യക്തികള്‍ കൊവിഡ് വാക്സിൻ എടുത്തവർ എങ്കില്‍ 5 ദിവസം ക്വാറന്റൈനില്‍ കഴിഞ്ഞാല്‍ മതി.

നാലാം ദിവസം പി. സി. ആർ. ടെസ്റ്റ് നടത്തി നെഗറ്റിവ് എങ്കില്‍ ഇവര്‍ക്ക് ക്വാറന്റൈന്‍ അവസാനിപ്പിക്കാം.

എന്നാല്‍ വാക്സിന്‍ എടുക്കാത്ത വ്യക്തികള്‍ കൊവിഡ് രോഗികളുമായി സമ്പര്‍ക്കത്തില്‍ ഏര്‍പ്പെട്ടാല്‍ ചുരുങ്ങിയത് 10 ദിവസം ക്വാറന്റൈനില്‍ കഴിയണം. ഇതിനിടെ എട്ടാം ദിവസം ഇവർ പി. സി. ആർ. ടെസ്റ്റ് നടത്തുകയും വേണം.

DOH Twitter

- pma

വായിക്കുക: covid-19, ആരോഗ്യം, നിയമം, പ്രവാസി, യു.എ.ഇ.

Comments Off

കൊവിഡ് വാക്സിൻ മറ്റു രാജ്യങ്ങളിലേക്ക് അയക്കും : യു. എ. ഇ.

May 25th, 2021

covid-vaccine-ePathram
അബുദാബി : കൊവിഡ് വ്യാപനം അതി രൂക്ഷമായ രാജ്യങ്ങളിലേക്ക് യു. എ. ഇ. വാക്സിന്‍ അയച്ചു കൊടുക്കും. എമിറേറ്റ്സ് റെഡ് ക്രസന്റ്, തമൂഹ് ഹെൽത്ത് കെയര്‍ എന്നിവ സംയുക്തമായി ഇതിനു നേതൃത്വം നല്‍കും.

ഇതിനായി രൂപീകരിച്ച ഹോപ്പ് കൺസോർഷ്യം, വിവിധ കമ്പനികളുടെ വാക്സിനുകള്‍ യു. എ. ഇ. യിലേക്ക് എത്തിച്ചു കൊണ്ട് ഓരോ രാജ്യങ്ങളു ടേയും ആവശ്യാനുസരണം ലോകത്തി ന്റെ വിവിധ ഭാഗങ്ങ ളിലേക്ക് ഏറ്റവും പെട്ടെന്നു തന്നെ എത്തിക്കും.

ഓരോ രാജ്യ ത്തിന്റെയും ആവശ്യം അനുസരിച്ച് വാക്സിന്‍ ലഭ്യമാക്കു ന്നതിനു വേണ്ടി യാണ് വിവിധ കമ്പനി കളുടെ വാക്സിനുകള്‍ യു. എ. ഇ. യിലേക്ക് എത്തിച്ചു സംഭരിക്കുന്നത്.

ചൈനയുടെ സിനോഫാം വാക്‌സിൻ, യു. എ. ഇ. യില്‍ ഹയാത്ത് വാക്‌സിൻ എന്ന പേരിൽ പ്രാദേശികമായി ഉത്പാദിപ്പിച്ചു തുടങ്ങിയിട്ടുണ്ട്. 800 കോടി വാക്സിൻ ശേഖരിച്ച് മൈനസ് 80 ഡിഗ്രി താപ നിലയില്‍ സൂക്ഷിച്ചു വെക്കുവാന്‍ ഇവിടെ സൗകര്യം ഒരുക്കിയിട്ടുണ്ട്.

- pma

വായിക്കുക: covid-19, ആരോഗ്യം, യു.എ.ഇ., വൈദ്യശാസ്ത്രം

Comments Off

സർക്കാർ ഓഫീസുകളിൽ പ്രവേശിക്കാന്‍ കൊവിഡ് പരിശോധനാ ഫലം വേണം

April 29th, 2021

multiple-spike-protein-mutations-new-covid-19-strain-ePathram
അബുദാബി : ഗവണ്മെന്റ് സ്ഥാപനങ്ങളിലും സർക്കാർ ഓഫീസുകളിലും പ്രവേശിക്കുവാന്‍ ഇടപാടുകാര്‍ അല്‍ ഹൊസ്ന്‍ ആപ്പില്‍ കൊവിഡ് നെഗറ്റീവ് റിസല്‍റ്റ് കാണിക്കണം എന്നു നിര്‍ബ്ബന്ധമാക്കി. മാത്രമല്ല രണ്ടു ഡോസ് വാക്സിനേഷന്‍ എടുത്തവര്‍ ആയിരിക്കണം എന്നും നിബന്ധനയുണ്ട്.

72 മണിക്കൂറിനു ഉള്ളില്‍ എടുത്ത പി. സി. ആർ. നെഗറ്റീവ് റിസള്‍ട്ട് കാണിക്കുന്ന അല്‍ ഹൊസ്ന്‍ ആപ്പ് കൗണ്ടറില്‍ സെക്യൂരിറ്റി ഉദ്യോഗസ്ഥരെ കാണിച്ചു ബോദ്ധ്യപ്പെടുത്തി മാത്രമേ അകത്തേക്ക് പ്രവേശനം ലഭിക്കുകയുള്ളൂ.

ഇമിഗ്രേഷന്‍, ട്രാഫിക്ക് ഡിപ്പാര്‍ട്ട് മെന്റ്, വിവിധ മിനിസ്റ്റ്രികള്‍ തുടങ്ങി നിത്യവും ഇട പെടുന്ന സ്ഥല ങ്ങളിലാണ് ഈ കര്‍ശ്ശന നിയന്ത്രണം നിലവില്‍ വന്നിരിക്കുന്നത്.

- pma

വായിക്കുക: covid-19, visa-rules, ആരോഗ്യം, ഇന്ത്യന്‍ കോണ്സുലേറ്റ്, നിയമം, പൂര്‍വ വിദ്യാര്‍ത്ഥി, പ്രവാസി, യു.എ.ഇ., വിസ

Comments Off

ഫൈസർ വാക്സിൻ ഇനി അബുദാബി എമിറേറ്റിലും

April 22nd, 2021

pfizer-covid-vaccine- ePathram
അബുദാബി : ഫൈസർ വാക്സിൻ ഇനി അബുദാബി യിൽ ലഭിക്കും എന്ന് ആരോഗ്യ വകുപ്പ്. സേഹയുടെ മേൽ നോട്ടത്തിലാണ് വാക്സിനേഷൻ നടക്കുക. മുന്‍ കൂട്ടി ബുക്ക് ചെയ്യുന്നവര്‍ക്ക് തെരഞ്ഞെടുത്ത സെന്ററു കളിലാണ് ഇപ്പോള്‍ ഫൈസർ വാക്സിൻ വിതരണം ചെയ്യുന്നത്.

മൂന്നാംഘട്ട ക്ലിനിക്കൽ പരീക്ഷണത്തിന് വിധേയര്‍ ആയവർ, മറ്റു വാക്സിൻ കുത്തിവെപ്പ് എടുത്തവര്‍, ഗർഭിണികൾ, 16 വയസ്സിനു താഴെ പ്രായം ഉള്ളവർ എന്നിവര്‍ക്ക് ഒഴികെ ബാക്കി എല്ലാവർക്കും വാക്സിൻ ലഭ്യമാക്കും.

هل ما زلت تنتظر الحصول على لقاح كوفيد-19 ؟ يمكنك الآن حجز موعد لأخذ لقاح فايزر من خلال الاتصال على 80050

Still waiting to get your COVID-19 vaccination? You can now get the Pfizer vaccine by calling 80050 pic.twitter.com/SnLiBsVQdC

— SEHA – شركة صحة (@SEHAHealth) April 21, 2021

ഡോക്ടര്‍മാര്‍ നല്‍കുന്ന സാക്ഷ്യപത്ര ത്തിന്റെ അടിസ്ഥാന ത്തിൽ ചില പ്രത്യേക രോഗങ്ങള്‍ ഉള്ള ആളു കള്‍ക്ക് വാക്സിൻ ഒഴിവാക്കാം.

സേഹയുടെ 80050, 800 49 59 എന്നീ നമ്പറു കളിൽ വിളിക്കാം. അല്ലെങ്കില്‍ വിശദാംശങ്ങള്‍ mcv @ telemed. ae എന്ന ഇ – മെയിലില്‍ അയച്ച് ബുക്കു ചെയ്യാം.

ഫൈസര്‍ വാക്സിന്‍ ഇപ്പോള്‍ ലഭ്യമായ സെന്ററുകള്‍ :

അൽ സഫറാന ഡയഗ്നോ സ്റ്റിക് ആൻഡ് സ്ക്രീനിംഗ് സെന്റർ, മുഹമ്മദ് ബിൻ സായിദ് ഹെൽത്ത് കെയർ സെന്റർ, അൽ ബഹിയ ഹെൽത്ത് കെയർ സെന്റർ, അൽ ഐന്‍ ഊദ് അൽ തൗബ ഡയഗ്നോസ്റ്റിക് ആൻഡ് സ്ക്രീനിംഗ് സെന്റർ, നെയിമ ഹെൽത്ത് കെയർ സെന്റർ എന്നിവിടങ്ങളിലും അൽ ദഫ്‌റ ഫാമിലി മെഡിക്കൽ സെന്റർ എന്നിവയാണ്.

- pma

വായിക്കുക: covid-19, expat, അബുദാബി, ആരോഗ്യം, പ്രവാസി, യു.എ.ഇ.

Comments Off

ദുബായ് യാത്ര : കൊവിഡ്പരിശോധന സമയ പരിധി 48 മണിക്കൂര്‍

April 21st, 2021

air-india-express-need-gdrfa-approval-fly-back-to-uae-ePathram
ദുബായ് : ഇന്ത്യയിൽ നിന്ന് വരുന്ന വിമാന യാത്രക്കാര്‍ 48 മണിക്കൂറിന്ന് ഉള്ളില്‍ നടത്തിയ കൊവിഡ് നെഗറ്റീവ് പരിശോധന ഫലം കരുതണം എന്ന് എയര്‍ ഇന്ത്യ. ഏപ്രിൽ 22 മുതല്‍ ഈ നിയമം പ്രാബല്യത്തിൽ വരും. ഇംഗ്ലീഷ്, അറബി എന്നീ ഏതെങ്കിലും ഭാഷകളില്‍ ആയിരിക്കണം പരിശോധനാ ഫലം.

#FlyWithIX: Passengers traveling from India to Dubai are requested to check and follow the following update to ensure a smooth journey.@cgidubai pic.twitter.com/RlPDHRY2PH

— Air India Express (@FlyWithIX) April 21, 2021

പരിശോധനക്കു വേണ്ടി സാമ്പിൾ എടുത്തത് മുതലുള്ള 48 മണിക്കൂര്‍ എന്നാണ് പുതിയ നിര്‍ദ്ദേശത്തില്‍ ഉള്ളത്. സാമ്പിള്‍ എടുത്ത സമയവും ടെസ്റ്റ് ചെയ്ത സമയവും റിപ്പോർട്ടിൽ കൃത്യമായി രേഖപ്പെടു ത്തിയിരിക്കണം. മാത്രമല്ല ഒറിജിനൽ എന്നു വ്യക്തമാക്കുന്ന ക്യൂ – ആർ കോഡ് റിപ്പോർട്ടില്‍ ഉണ്ടാവുകയും വേണം എന്നും നിഷ്കര്‍ഷയുണ്ട്.

#FlyWithIX: It's important to remain updated regarding the travel and quarantine requirements of the destination country before you plan your journey.

Visit our blog for details regarding the same: https://t.co/c7wo0Xn8rL pic.twitter.com/oywWjZ6kjh

— Air India Express (@FlyWithIX) April 21, 2021

ഓരോ രാജ്യങ്ങളിലേക്കും യാത്ര ചെയ്യുന്നവര്‍ അതതു രാജ്യങ്ങളിലെ ക്വാറന്റൈന്‍ നിയമങ്ങള്‍ പിന്തുടര്‍ന്നു യാത്രക്ക് ഒരുങ്ങണം എന്നും എയര്‍ ഇന്ത്യ മുന്നറിയിപ്പു നല്‍കിയിട്ടുണ്ട്.

- pma

വായിക്കുക: air-india, covid-19, expat, ഗതാഗതം, നിയമം, പ്രവാസി, യു.എ.ഇ., വിമാനം

Comments Off