‘ഇന്ത്യയില്‍ ജനാധിപത്യം ഇപ്പോഴുമുണ്ടോ’? കശ്മീരിലെ കൂട്ട അറസ്റ്റില്‍ ആഞ്ഞടിച്ച് പ്രിയങ്ക

August 18th, 2019

aicc-gen-secretary-priyanka-gandhi-ePathram

ദില്ലി: ജമ്മുകശ്മീരില്‍ കോണ്‍ഗ്രസ് നേതാക്കളെ അറസ്റ്റുചെയ്ത സംഭവത്തില്‍ കേന്ദ്രത്തിനെതിരെ ആഞ്ഞടിച്ച് പാര്‍ട്ടി ജനറല്‍ സെക്രട്ടറി പ്രിയങ്ക ഗാന്ധി. രാജ്യത്തിന്‍റെ ജനാധിപത്യ മുഖത്തെ ബിജെപി കാര്‍ന്നുതിന്നുകയാണെന്ന് പ്രിയങ്ക ആരോപിച്ചു.

‘എന്ത് അടിസ്ഥാനത്തിലാണ് കോണ്‍ഗ്രസ് നേതാക്കളെ ജമ്മുകശ്മീരില്‍ അറസ്റ്റ് ചെയ്തത്?. മാധ്യമങ്ങളോട് സംസാരിക്കുന്നത് എങ്ങനെയാണ് കുറ്റകരമാകുന്നത്? 15 ഓളം ദിവസങ്ങളായി മുന്‍ മുഖ്യമന്ത്രിമാരടക്കം കശ്മീരില്‍ തടവിലാണ്. അറസ്റ്റ് ചെയ്യപ്പെട്ടവരുടെ ബന്ധുക്കള്‍ക്ക് പോലും അവരെക്കുറിച്ച് വിവരം ലഭിച്ചിട്ടില്ല. ഇന്ത്യ ഇപ്പോഴും ജനാധിപത്യരാജ്യമാണെന്ന് മോദി-ഷാ സര്‍ക്കാര്‍ കരുതുന്നുണ്ടോയെന്നും പ്രിയങ്ക ചോദിച്ചു.

ജമ്മുവില്‍ കോണ്‍ഗ്രസ് നേതാവ് ഗുലാം അഹമ്മദ് മിര്‍, വക്താവ് രവിന്ദര്‍ ശര്‍മ്മ എന്നിവരെയാണ് കഴിഞ്ഞ ദിവസം അറസ്റ്റ് ചെയ്തത്. ജമ്മുകശ്മീരിന് പ്രത്യേക അധികാരങ്ങള്‍ നല്‍കുന്ന ആര്‍ട്ടിക്കിള്‍ 370 പിന്‍വലിച്ച നടപടിക്ക് പിന്നാലെ പ്രദേശത്ത് സംഘര്‍ഷാവസ്ഥ നിലനില്‍ക്കുന്നതായാണ് റിപ്പോര്‍ട്ട്. സംസ്ഥാനത്തെ പ്രമുഖ രാഷ്ട്രീയ നേതാക്കളെയടക്കം അറസ്റ്റുചെയ്ത് വീട്ടുതടങ്കലിലാക്കിയിരിക്കുകയാണ്.

- അവ്നി

വായിക്കുക: , ,

Comments Off on ‘ഇന്ത്യയില്‍ ജനാധിപത്യം ഇപ്പോഴുമുണ്ടോ’? കശ്മീരിലെ കൂട്ട അറസ്റ്റില്‍ ആഞ്ഞടിച്ച് പ്രിയങ്ക

സോണിയ ഗാന്ധി കോൺഗ്രസ് ഇടക്കാല അധ്യക്ഷ

August 11th, 2019

sonia-gandhi-epathram

ന്യൂഡല്‍ഹി: സോണിയ ഗാന്ധി കോണ്‍ഗ്രസ് ഇടക്കാല പ്രസിഡന്റാകും. ഡല്‍ഹിയില്‍ ചേര്‍ന്ന കോണ്‍ഗ്രസ് പ്രവര്‍ത്തക സമിതിയിലാണ് തീരുമാനം. കോൺഗ്രസ്‌ അധ്യക്ഷനായി തുടരാൻ താത്പര്യമില്ലെന്ന് വീണ്ടും രാഹുൽ ഗാന്ധി ആവർത്തിച്ചതോടെയാണ് സോണിയയിലേക്ക് വീണ്ടും പ്രസിഡന്റ് പദവിയെത്തിയത്. രാഹുല്‍ ഗാന്ധി പാര്‍ട്ടിക്ക് ദിശാബോധം നല്‍കിയെന്ന് പ്രമേയം. രാഹുലിന്റെ രാജി അംഗീകരിച്ചു.

പ്രവർത്തക സമിതിയിലെ പൊതു വികാരം തള്ളിയാണ് രാഹുൽ നിലപാട് ആവർത്തിച്ചത്. ഇതിനെ തുടർന്ന് 5 മേഖലകൾ തിരിച്ച് ചർച്ച നടന്നു. വിശാല ചർച്ചയിൽ നിന്നും സോണിയ ഗാന്ധിയും രാഹുലും വിട്ടുനിന്നു. ജനറൽ സെക്രട്ടറി എന്ന നിലയിൽ പ്രിയങ്കാ ഗാന്ധി മാത്രമാണ് ഗാന്ധി കുടുംബത്തിൽ നിന്നും ചർച്ചകളിൽ പങ്കെടുത്തത്.കോണ്‍ഗ്രസ് അധ്യക്ഷനെ കണ്ടെത്താന്‍ വൈകുന്നതില്‍ രാഹുല്‍ ഗാന്ധിക്ക് അതൃപ്തി പ്രകടിപ്പിച്ചിരുന്നു.

- അവ്നി

വായിക്കുക: , ,

Comments Off on സോണിയ ഗാന്ധി കോൺഗ്രസ് ഇടക്കാല അധ്യക്ഷ

പ്രത്യേക പദവി ഇല്ലാതായി : ജമ്മു കശ്‍മീർ വിഭജിച്ചു

August 5th, 2019

indian-government-revoked-article-370-in-jammu-kashmir-ePathram
ന്യൂഡൽഹി : ജമ്മു കശ്മീരിന് പ്രത്യേക പദവി നൽകുന്ന ഭരണ ഘടന യുടെ അനുച്ഛേദം 370 കേന്ദ്ര സർക്കാർ റദ്ദാക്കി. ജമ്മു കശ്മീർ സംസ്ഥാനം രണ്ടായി വിഭജി ക്കുവാനും തിങ്കളാഴ്ച രാവിലെ ചേർന്ന കേന്ദ്ര മന്ത്രി സഭാ യോഗം തീരുമാനിച്ചു.

രാജ്യസഭ യില്‍ കേന്ദ്ര ആഭ്യന്തര മന്ത്രി അമിത് ഷാ യുടെ പ്രഖ്യാപന ത്തി നു പിന്നാലെ പ്രത്യേക ഭരണ ഘടന പദവി റദ്ദാക്കിയ ഉത്തര വിൽ രാഷ്ട്ര പതി ഒപ്പു വെച്ചു. രാഷ്ട്ര പതി യുടെ ഉത്തരവും പുറത്തിറങ്ങി.

ആര്‍ട്ടിക്കിള്‍ 370 റദ്ദാവുന്നതോടെ ജമ്മു കശ്മീ രിന് പ്രത്യേക പദവിയും അധി കാരവും അനുവദി ക്കുന്ന ആര്‍ട്ടിക്കിള്‍ 35 A യും ഇല്ലാതെ ആവും. ഇനി മുതല്‍ ജമ്മു കശ്മീർ – ലഡാക് എന്നിങ്ങനെ വിഭജിച്ച് കേന്ദ്ര ഭരണ പ്രദേശ ങ്ങള്‍ ആയി രിക്കും.

ജമ്മു കശ്മീ രിന് സംസ്ഥാന പദവി നഷ്ടമായി. എന്നാൽ ഡൽഹി മാതൃക യിൽ നിയമ സഭ ഉണ്ടാകും. ലഡാ ക്കിൽ നിയമ സഭ ഉണ്ടാവുകയില്ല.

- കറസ്പോണ്ടന്റ്

വായിക്കുക: , , , , ,

Comments Off on പ്രത്യേക പദവി ഇല്ലാതായി : ജമ്മു കശ്‍മീർ വിഭജിച്ചു

പശുക്കള്‍ ചത്താല്‍ കുഴിച്ചിടരുത് – ദഹിപ്പിക്കണം : ബി. ജെ. പി. നേതാവ്

July 29th, 2019

narendra-modi-government-plans-on-introducing-a-cow-ministry-ePathram
ലഖ്‌നൗ : പശുക്കള്‍ ഹിന്ദുക്കള്‍ ആയതി നാല്‍ അവ ചത്തു കഴിഞ്ഞാല്‍ കുഴിച്ചിടരുത് എന്നും ഹിന്ദു ആചാര പ്രകാരം ദഹി പ്പിക്കണം എന്നും ഉത്തര്‍ പ്രദേശി ലെ ബി. ജെ. പി. നേതാവ് രഞ്ജിത് ശ്രീവാസ്തവ ആവശ്യപ്പെട്ടു.

പശുക്കള്‍ ചത്താല്‍ കുഴിച്ചിടുന്നത് മുസ്ലീം ആചാരമാണ്. പശു ക്കളെ നിര്‍ബ്ബന്ധമായും ഹിന്ദു ആചാര പ്രകാരം ദഹിപ്പിക്കണം. ഇതിനായി വൈദ്യുതി ശ്മശാനം നിര്‍മ്മി ക്കണം. ഇക്കാര്യം ഉത്തര്‍ പ്രദേശ് മുഖ്യമന്ത്രി യോഗി ആദിത്യ നാഥിനെ അറിയിക്കും എന്നും നേതാവ് അറി യിച്ചു. ബാരാ ബങ്കി യിലെ നഗര സഭ അദ്ധ്യക്ഷ യുടെ ഭര്‍ത്താവ് കൂടിയായ ഇയാൾ ബാരാബങ്കി മുൻ മുനി സിപ്പല്‍ ചെയര്‍മാന്‍ കൂടിയാണ്.

കഴിഞ്ഞ ദിവസം ചേര്‍ന്ന മുനിസിപ്പാലിറ്റി ബോര്‍ഡ് യോഗ ത്തില്‍ ആയിരുന്നു രഞ്ജിത് ശ്രീവാസ്തവ ഇക്കാര്യം ആവശ്യപ്പെട്ടത്.

- കറസ്പോണ്ടന്റ്

വായിക്കുക: , , ,

Comments Off on പശുക്കള്‍ ചത്താല്‍ കുഴിച്ചിടരുത് – ദഹിപ്പിക്കണം : ബി. ജെ. പി. നേതാവ്

യെദ്യൂരപ്പ മുഖ്യമന്ത്രിയായി സത്യപ്രതി‍ജ്ഞ ചെയ്തു, വിശ്വാസവോട്ടെടുപ്പ് 29 ന്

July 26th, 2019

yeddyurappa-epathram

ബെംഗളൂരു : കര്‍ണാടക മുഖ്യമന്ത്രിയായി ബി.എസ്. യെദ്യൂരപ്പ സത്യപ്രതി‍ജ്ഞ ചെയ്തു. മന്ത്രിമാരുടെ സത്യപ്രതിജ്‍ഞ വിശ്വാസവോട്ടെടുപ്പിന് ശേഷം നടക്കും. തിങ്കളാഴ്ച യെദ്യൂരപ്പ സഭയില്‍ വിശ്വാസം തേടുമെന്നാണ് റിപ്പോർട്ടുകൾ.

മൂന്ന് വിമതരെ സ്പീക്കർ അയോഗ്യരാക്കിയതിന് പിന്നാലെയാണ് സർക്കാരുണ്ടാക്കാൻ ബിജെപി തീരുമാനിച്ചത്. 14 മാസങ്ങൾക്ക് മുൻപ് ഇറങ്ങിപ്പോകേണ്ടി വന്ന അതേ മുഖ്യമന്ത്രി കസേരയിലേക്ക് വീണ്ടും യെദ്യൂരപ്പ എത്തുമ്പോൾ സുസ്ഥിരമായ സർക്കാർ രൂപീകരിക്കാൻ കഴിയുമെന്ന പ്രതീക്ഷയിലാണ് ബിജെപി.

യെദ്യൂരപ്പ മാത്രമാണ് ഇന്ന് സത്യപ്രതിജ്ഞ ചെയ്തത്. മറ്റു മന്ത്രിമാരുടെ സത്യപ്രതിജ്ഞ തിങ്കളാഴ്ച നടക്കുമെന്നാണ് സൂചന.

- അവ്നി

വായിക്കുക: , ,

Comments Off on യെദ്യൂരപ്പ മുഖ്യമന്ത്രിയായി സത്യപ്രതി‍ജ്ഞ ചെയ്തു, വിശ്വാസവോട്ടെടുപ്പ് 29 ന്

Page 3 of 5012345...102030...Last »

« Previous Page« Previous « യുഡിഎഫ് നേതൃത്വത്തിന്റേത് തെറ്റായ തീരുമാനം; ഭീഷണിക്ക് വഴങ്ങി തീരുമാനം എടുത്തു: പി ജെ ജോസഫ്
Next »Next Page » യു. ഡി. എഫ്. അധികാര ത്തില്‍ വന്നാല്‍ യൂണി വേഴ്‌സിറ്റി കോളേജ് മാറ്റും : കെ. മുരളീധരന്‍ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha