രാഷ്ട്രീയം കളിക്കരുത് , പ്രാദേശിക ഭാഷകളിൽ ഹിന്ദി അടിച്ചേൽപ്പിക്കാൻ പറഞ്ഞിട്ടില്ല ; അമിത് ഷാ

September 18th, 2019

amit-sha-union-home-minister-of-india-bjp-leader-ePathram

ന്യൂഡൽഹി ; ഹിന്ദി ഭാഷാ വാദത്തിൽ കേന്ദ്ര സർക്കാരിന്റെ നിലപാട് വ്യക്തമാക്കി കേന്ദ്ര ആഭ്യന്തര മന്ത്രി അമിത് ഷാ . പ്രാദേശിക ഭാഷകളിൽ ഹിന്ദി അടിച്ചേൽപ്പിക്കാൻ ആരും ആവശ്യപ്പെട്ടിട്ടില്ല . ചിലർ ഇതിൽ രാഷ്ട്രീയം കളിക്കുകയാണ് . അത് അനുവദിക്കാനാകില്ല , അമിത് ഷാ വ്യക്തമാക്കി .

രാജ്യത്തെ ഒന്നായി നിലനിര്‍ത്താന്‍ ഹിന്ദി ഭാഷയ്ക്ക് സാധിക്കുമെന്ന അമിത് ഷായുടെ പ്രസ്താവന രാഷ്ട്രീയ ലാഭത്തിനു വേണ്ടി കോൺഗ്രസ് , കമ്മ്യൂണിസ്റ്റ് പാർട്ടികൾ വളച്ചൊടിക്കുകയായിരുന്നു .

- അവ്നി

വായിക്കുക: , ,

Comments Off on രാഷ്ട്രീയം കളിക്കരുത് , പ്രാദേശിക ഭാഷകളിൽ ഹിന്ദി അടിച്ചേൽപ്പിക്കാൻ പറഞ്ഞിട്ടില്ല ; അമിത് ഷാ

മായാവതിക്കു തിരിച്ചടി : ആറ് എം. എല്‍. എ. മാര്‍ കോണ്‍ഗ്രസ്സില്‍ ചേര്‍ന്നു

September 17th, 2019

mayawati-reigns-epathram
ജയ്പുര്‍ : രാജസ്ഥാനില്‍ ബി. എസ്. പി. നേതാവ് മായാ വതിക്ക് വന്‍ തിരിച്ചടി. രാജസ്ഥാന്‍ നിയമ സഭ യില്‍ ആകെ യുള്ള ആറ് എം. എല്‍. എ. മാര്‍ ബി. എസ്. പി. വിട്ടു കോണ്‍ഗ്രസ്സില്‍ ചേര്‍ന്നു. ഇതോടെ 200 അംഗ നിയമ സഭ യില്‍ കോണ്‍ ഗ്രസ്സിന് 106 അംഗ ങ്ങളായി. രാജേന്ദ്ര ഗുഡ്ഡ, ജോഗേന്ദ്ര സിംഗ് അവാന, ലഖന്‍ സിംഗ് മീണാ, വാജിബ് അലി, സന്ദീപ് യാദവ്, ദീപ് ചന്ദ് ഖേരിയ എന്നിവരാണ് തിങ്കളാഴ്ച രാത്രി കോണ്‍ഗ്രസ്സില്‍ ചേര്‍ന്നത്.

ഇതിനു മുന്നോടിയായി ആറ് എം. എല്‍. എ. മാരും മുഖ്യ മന്ത്രി അശോക് ഗലോട്ടു മായി ചര്‍ച്ച നടത്തു കയും തുടര്‍ന്ന് നിയമ സഭാ സ്പീക്കര്‍ സി. പി. ജോഷി യുമായി കൂടി ക്കാഴ്ച നടത്തുകയും കോണ്‍ ഗ്രസ്സില്‍ ചേരുവാ നുള്ള താല്‍ പര്യം അറിയിച്ചു കൊണ്ട് കത്ത് നല്‍കു കയും ചെയ്തു.

ആറു പേരും ഒരുമിച്ച് പാര്‍ട്ടി വിട്ട തിനാല്‍ കൂറു മാറ്റ നിരോ ധന നിയമം ബാധകം ആവില്ല. ബി. എസ്. പി. രാജ സ്ഥാനില്‍ കോണ്‍ ഗ്രസ്സ് സര്‍ക്കാരിന് പുറമേ നിന്ന് പിന്തുണ നല്‍കി വരിക യായിരുന്നു.

- കറസ്പോണ്ടന്റ്

വായിക്കുക: , , , ,

Comments Off on മായാവതിക്കു തിരിച്ചടി : ആറ് എം. എല്‍. എ. മാര്‍ കോണ്‍ഗ്രസ്സില്‍ ചേര്‍ന്നു

വെടിനിർത്തൽ കരാർ ലംഘനം; പാകിസ്താന് ശാസനയുമായി ഇന്ത്യ

September 15th, 2019

modi-epathram

അതിർത്തിയിൽ വെടിനിർത്തൽ കരാർ ലംഘിച്ച പാകിസ്താന് ശാസനയുമായി ഇന്ത്യ. ഇനിയും സംയമനത്തിന്റെ ആനുകൂല്യം പാകിസ്താൻ പ്രതീക്ഷിക്കരുതെന്ന് വിദേശകാര്യമന്ത്രാലയം വ്യക്തമാക്കി. അതേസമയം വേണ്ടിവന്നാൽ അണുവായുധം വരെ പ്രയോഗിക്കുമെന്ന് പാകിസ്താൻ പ്രധാനമന്ത്രി ഇമ്രാൻ ഖാൻ ഒരു ടെലിവിഷൻ അഭിമുഖത്തിൽ വ്യക്തമാക്കി.

കാശ്മീർ വിഷയം അന്താരാഷ്ട്ര തലത്തിൽ ഉയർത്തി സഹതാപം നേടാനുള്ള പാകിസ്താന്റെ ശ്രമങ്ങൾ ഒന്നൊന്നായി പരാജയപ്പെടുകയാണ്. ഐക്യരാഷ്ട്ര പൊതുസഭയിൽ നാളെ വിഷയം പാകിസ്താൻ ഉന്നയിക്കുമ്പോഴും വലിയ ചലനങ്ങൾ ഉണ്ടാകില്ലെന്ന് ആ രാജ്യത്തിന് ഇതിനകം ബോധ്യപ്പെട്ടു കഴിഞ്ഞു. ഈ സാഹചര്യത്തിലായിരുന്നു അണുവായുധ യുദ്ധം ഉണ്ടാകും എന്ന പാകിസ്താൻ പ്രധാനമന്ത്രിയുടെ പ്രസ്താവന. ഒരു സ്വകാര്യ ടെലിവിഷൻ ചാനലിന് നൽകിയ അഭിമുഖത്തിലായിരുന്നു ഇമ്രാൻഖാൻ നിലപട് വ്യക്തമാക്കിയത്. ഇന്ത്യയ്ക്ക് എതിരെ യുദ്ധമുണ്ടായാൽ പരാജയപ്പെടും എന്ന് സൂചിപ്പിച്ചായിരുന്നു പാകിസ്താൻ പ്രധാനമന്ത്രിയുടെ ആണുവായുധ ഭീഷണി.

- അവ്നി

വായിക്കുക: , , , ,

Comments Off on വെടിനിർത്തൽ കരാർ ലംഘനം; പാകിസ്താന് ശാസനയുമായി ഇന്ത്യ

ഹിന്ദി അജന്‍ഡ ശുദ്ധ ഭോഷ്ക് : മുഖ്യ മന്ത്രി

September 15th, 2019

pinarayi-vijayan-epathram
തിരുവനന്തപുരം : ഹിന്ദി ഭാഷക്ക് രാജ്യത്തെ ഒന്നിച്ചു നിര്‍ത്താൻ സാധിക്കും എന്നുള്ള കേന്ദ്ര ആഭ്യന്തര മന്ത്രി അമിത് ഷാ യുടെ ധാരണ ശുദ്ധ ഭോഷ്ക് എന്ന് മുഖ്യ മന്ത്രി പിണറായി വിജയൻ.

ഹിന്ദി യുടെ പേരിൽ വിവാദം സൃഷ്ടി ക്കാനുള്ള സംഘ പരി വാർ നീക്കം, രാജ്യത്ത് നില നിൽക്കുന്ന മൂർത്ത മായ പ്രശ്നങ്ങളിൽ നിന്ന് ജന ശ്രദ്ധ തിരിച്ചു വിടാനുള്ള ആസൂത്രിത ശ്രമ മാണ് ഇത് എന്ന് അദ്ദേഹം തെന്റെ ഫേസ് ബുക്ക് പേജില്‍ കുറിച്ചു.

രാജ്യ വ്യാപകമായ പ്രതിഷേധം ഉയർന്നിട്ടും ‘ഹിന്ദി അജണ്ട’ യിൽ നിന്ന് പിന്മാറാൻ കേന്ദ്ര ആഭ്യന്തര മന്ത്രി അമിത് ഷാ തയ്യാറാ യിട്ടില്ല. ഭാഷ യുടെ പേരിൽ പുതിയ സംഘർഷ വേദി തുറക്കു ന്നതിന്റെ ലക്ഷണം ആണത്.

ദക്ഷിണേന്ത്യ യിലെയും വടക്കു കിഴക്കൻ സംസ്ഥാന ങ്ങളിലെയും ജന ങ്ങൾ ഹിന്ദി സംസാരി ക്കുന്ന വരല്ല. അവിട ങ്ങളിലെ പ്രാഥമിക ഭാഷ യാക്കി ഹിന്ദി യെ മാറ്റണം എന്നത് അവരുടെ യാകെ മാതൃ ഭാഷ കളെ പുറന്തള്ളലാണ്. പെറ്റമ്മ യെ പ്പോലെ മാതൃ ഭാഷ യെ സ്നേഹിക്കുന്ന മനുഷ്യന്റെ ഹൃദയ വികാര ത്തിനു നേരെയുള്ള യുദ്ധ പ്രഖ്യാപനം ആയിട്ടേ അതിനെ കാണാനാവൂ എന്നും അദ്ദേഹം കുറിച്ചു.

കോടിക്കണക്കിന് ജനങ്ങൾ സംസാരി ക്കുന്ന ഭാഷ യാണ് ഹിന്ദി. അത് ആ രീതി യിൽ പൊതുവിൽ അംഗീ കരിക്ക പ്പെട്ടി ട്ടുണ്ട്. ഭാഷയുടെ പേരിൽ രാജ്യത്ത് പറയത്തക്ക തർക്കങ്ങൾ ഒന്നും നില നിൽ ക്കുന്നില്ല.

ഹിന്ദി സംസാരി ക്കാത്ത തു കൊണ്ട് ഇന്ത്യക്കാരൻ അല്ല എന്ന് ഒരു ഇന്ത്യൻ പൗരനും തോന്നേണ്ട സാഹചര്യ വുമില്ല. വ്യത്യസ്ത ഭാഷ കളെ അംഗീ കരി ക്കുന്ന രാഷ്ട്ര രൂപ മാണ് ഇന്ത്യ യുടേത്. അതിന് ഭംഗം വരുത്തുന്ന നീക്ക ത്തിൽ നിന്ന് സംഘ പരി വാർ പിന്മാറണം. ജന ങ്ങളു ടെയും നാടി ന്റെയും ജീവൽ പ്രശ്ന ങ്ങളിൽ നിന്ന് ശ്രദ്ധ തിരിച്ചു വിടാ നുള്ള ഇത്തരം നീക്ക ങ്ങൾ തിരി ച്ചറി യപ്പെടു ന്നുണ്ട് എന്ന് സംഘ പരി വാർ മനസ്സി ലാക്കുന്നത് നന്ന്.

- കറസ്പോണ്ടന്റ്

വായിക്കുക: , , , , , , ,

Comments Off on ഹിന്ദി അജന്‍ഡ ശുദ്ധ ഭോഷ്ക് : മുഖ്യ മന്ത്രി

സാമ്പത്തിക പ്രതിസന്ധി തുടരുമ്പോള്‍ പ്രധാനമന്ത്രി സംസാരിക്കുന്നത് പശുവിനെക്കുറിച്ച്’; വിമര്‍ശനവുമായി കോണ്‍ഗ്രസ്

September 11th, 2019

one-nation-one-election-in-india-by-prime-minister-narendra-modi-ePathram

ദില്ലി: പ്രാധാനമന്ത്രിയുടെ ‘പശു പരാമർശ’ത്തിനെതിരെ വിമര്‍ശനവുമായി കോൺഗ്രസ്‌. സാമ്പത്തിക പ്രതിസന്ധി തുടരുമ്പോൾ പ്രധാനമന്ത്രി സംസാരിക്കുന്നത് പശുവിനെക്കുറിച്ചും ‘ഓം’ മിനെക്കുറിച്ചുമാണ്. യഥാർത്ഥ പ്രശ്നങ്ങളിൽ നിന്നും പ്രധാനമന്ത്രി രാജ്യത്തിന്‍റെ ശ്രദ്ധ തിരിക്കുകയാണെന്നും കോണ്‍ഗ്രസ് വിമര്‍ശിച്ചു. എന്നാൽ പശുവിന്‍റെ പേരിലുള്ള ആക്രമണങ്ങളെ കുറിച്ച് എന്തുകൊണ്ട് പ്രധാനമന്ത്രി മൗനം പാലിക്കുന്നുവെന്നായിരുന്നു എഐഎംഐഎം നേതാവ് അസദുദ്ദീൻ ഒവൈസിയുടെ ചോദ്യം.

പശുവെന്നും ഓം എന്നും കേൾക്കുമ്പോൾ രാജ്യം പതിനാറാം നൂറ്റാണ്ടിലേക്ക് പോകുന്നെന്ന് ചിലർ നിലവിളിക്കുന്നു. പശുവിനെ സംരക്ഷിക്കുന്നതെങ്ങനെയാണ് പിൻവാങ്ങലാകുന്നതെന്നും, ഇത്തരക്കാർ രാജ്യത്തിന്‍റെ വികസനത്തെയാണ് നശിപ്പിക്കുന്നതെന്നുമായിരുന്നു പ്രധാനമന്ത്രിയുടെ കുറ്റപ്പെടുത്തല്‍. ദേശീയ മൃഗരോഗ നിയന്ത്രണ പരിപാടിക്ക് മഥുരയിൽ തുടക്കം കുറിച്ച് സംസാരിക്കുകയായിരുന്നു പ്രധാനമന്ത്രി നരേന്ദ്രമോദി.

- അവ്നി

വായിക്കുക: , ,

Comments Off on സാമ്പത്തിക പ്രതിസന്ധി തുടരുമ്പോള്‍ പ്രധാനമന്ത്രി സംസാരിക്കുന്നത് പശുവിനെക്കുറിച്ച്’; വിമര്‍ശനവുമായി കോണ്‍ഗ്രസ്

Page 3 of 5112345...102030...Last »

« Previous Page« Previous « ഓണാശംസകള്‍…
Next »Next Page » ഗതാഗത നിയമ ലംഘന പിഴ സംസ്ഥാന ങ്ങൾക്ക് നിശ്ചയിക്കാം »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha