 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : അബുദാബി ഇന്‍റര്‍ നാഷണല്‍ എയര്‍ പോര്‍ട്ടിന്‍റെ പേര്, സായിദ് ഇന്‍റര്‍ നാഷണല്‍ എയര്‍ പോര്‍ട്ട് എന്നു പുനര്‍ നാമകരണം ചെയ്യുന്നു. യു. എ. ഇ. പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ ഉത്തരവ് പ്രകാരം, 2024 ഫെബ്രുവരി 9 മുതൽ പുതിയ പേരില്‍ ആയിരിക്കും അബുദാബി എയർ പോർട്ട് അറിയപ്പെടുക എന്ന് അബുദാബി മീഡിയ ഓഫീസ് അറിയിച്ചു.
- pma
അബുദാബി : യു. എ. ഇ. പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ രക്ഷാ കര്‍തൃത്വത്തില്‍ അല്‍ വത്ബയില്‍ ഒരുക്കുന്ന ‘ശൈഖ് സായിദ് ഫെസ്റ്റിവെല്‍’ 2023 നവംബർ 17 മുതൽ 2024 മാർച്ച് 9 വരെ നീണ്ടു നില്‍ക്കും. വിനോദ, സാമൂഹിക, സാംസ്‌കാരിക പ്രവര്‍ത്തനങ്ങളിലൂടെ കുടുംബ, സൗഹൃദ, വിനോദ, വിദ്യാഭ്യാസ അന്തരീക്ഷം ശൈഖ് സായിദ് ഫെസ്റ്റിവെല്‍ പ്രദാനം ചെയ്യും എന്നും അറബ് മേഖലയിലും ആഗോള തലത്തിലും യു. എ. ഇ. യുടെ പൈതൃകത്തെ ഉയര്‍ത്തിക്കാട്ടുന്നതില്‍ ശൈഖ് സായിദ് ഫെസ്റ്റിവെല്‍ പ്രധാന പങ്കു വഹിക്കുന്നു എന്നും സംഘാടകര്‍ അറിയിച്ചു.
യു. എ. ഇ. വൈസ് പ്രസിഡണ്ടും ഉപപ്രധാന മന്ത്രിയും പ്രസിഡന്‍ഷ്യല്‍ കോര്‍ട്ട് ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്‍റെ മേല്‍ നോട്ടത്തില്‍ 114 ദിവസങ്ങളിലായി നടക്കുന്ന ശൈഖ് സായിദ് ഫെസ്റ്റിവെലില്‍ യു. എ. ഇ. ക്ക് പുറമെ മറ്റു രാജ്യങ്ങളില്‍ നിന്നുള്ള നിരവധി പവലിയനുകളും ഉണ്ടായിരിക്കും. FB PAGE
- pma
വായിക്കുക: sheikh-zayed-festival, social-media, youth-festival, അബുദാബി, ആഘോഷം, കുട്ടികള്‍, തൊഴിലാളി, പ്രവാസി, യു.എ.ഇ., വിദ്യാഭ്യാസം, വ്യവസായം, സാമ്പത്തികം, സാംസ്കാരികം
ദുബായ് : അന്തരിച്ച കവി അസ്മോ പുത്തഞ്ചിറയുടെ സ്മരണാര്‍ത്ഥം യു. എ. ഇ. യിലെ പ്രവാസികളായ എഴുത്തുകാര്‍ക്കു വേണ്ടി യൂണിക്‌ ഫ്രണ്ട്സ് ഓഫ് കേരള (യു. എഫ്. കെ.) ഏര്‍പ്പെടുത്തിയ 2023 ലെ സാഹിത്യ പുരസ്‌കാരങ്ങള്‍ പ്രഖ്യാപിച്ചു. ജോയ് ഡാനിയേലിന്‍റെ ‘നിധി’ മികച്ച കഥയായും ലിനീഷ് ചെഞ്ചേരിയുടെ ‘ടെന്‍ഷന്‍ മുക്കിലിരിക്കുമ്പോള്‍’ മികച്ച കവിതയായും തെരഞ്ഞെടുക്കപ്പെട്ടു.
ചലച്ചിത്ര സംവിധായകന്‍ പ്രിയനന്ദന്‍, കവി സോമന്‍ കടലൂര്‍, പി. ടി. സുരേഷ് ബാബു, സി. ജി. കല, ശ്രീകല, വിജീഷ് പരവരി എന്നിവര്‍ അടങ്ങിയ ജൂറിയാണ് വിജയികളെ തെരഞ്ഞെടുത്തത്. 2023 നവംബറില്‍ നടക്കുന്ന ഷാര്‍ജ അന്താ രാഷ്ട്ര പുസ്തക മേളയിലെ ‘റൈറ്റേഴ്സ് ഫോറം’ വേദിയില്‍ വെച്ച് അവാര്‍ഡുകള്‍ വിതരണം ചെയ്യും എന്ന് യു. എഫ്. കെ. ഭാരവാഹികള്‍ അറിയിച്ചു. UFK FB PAGE
- pma
വായിക്കുക: expat, palm-books, social-media, ക, ദുബായ്, പുസ്തകം, പൂര്‍വ വിദ്യാര്‍ത്ഥി, പ്രവാസി, യു.എ.ഇ., സംഘടന, സാഹിത്യം
അബുദാബി : ഫോറം ഫോർ പീസ് പത്താം പതിപ്പ് 2023 നവംബർ 14 മുതൽ 16 വരെ അബുദാബിയില്‍ നടക്കും.യു. എ. ഇ. വിദേശ കാര്യ വകുപ്പു മന്ത്രി ശൈഖ് അബ്ദുല്ല ബിൻ സായിദ് അൽ നഹ്യാന്‍റെ രക്ഷാ കർതൃത്വ ത്തിലും യു. എ. ഇ. ഫത്‌വ കൗൺസിൽ ചെയർമാനും അബുദാബി ഫോറം ഫോർ പീസ് മേധാവിയുമായ ശൈഖ് അബ്ദുല്ല ബിൻ ബയ്യയുടെ നേതൃത്വത്തിലും ഒരുക്കുന്ന പരിപാടിയില്‍ അറബ് മേഖലയില്‍ നിന്നും മാത്രമല്ല ലോകത്തിന്‍റെ വിവിധ ഭാഗങ്ങളിൽ നിന്നുള്ള ഔദ്യോഗിക, അക്കാദമിക്, വിശിഷ്ട വ്യക്തികളുടെ പങ്കാളിത്തം ഉണ്ടായിരിക്കും.
യു. എ. ഇ. യുടെ സുസ്ഥിരത വർഷം (Year of Sustainability) എന്നുള്ള പ്രഖ്യാപനവുമായി ഈ വർഷത്തെ പ്രമേയം യോജിക്കുന്നു എന്നുള്ളതാണ് ഒരു സവിശേഷത.
‘സുസ്ഥിര സമാധാനത്തിനായി: വെല്ലുവിളികളും അവസരങ്ങളും’ (For Sustainable Peace: Challenges and Opportunities) എന്ന പ്രമേയത്തിൽ ഒരുക്കുന്ന ഈ വർഷത്തെ അജണ്ടയിൽ സുസ്ഥിര സമാധാനം : ആശയങ്ങളും നേട്ടങ്ങളും, സുസ്ഥിര സമാധാനത്തിന്‍റെ ആശയവും യു. എ. ഇ. യുടെ അനുഭവവും, സമകാലിക ആഗോള പ്രതിസന്ധികളും സുസ്ഥിര സമാധാനവും, സുസ്ഥിര വികസനവും മതപരവും സാംസ്കാരികവും ആയ നയതന്ത്രവും പ്രതിരോധ നടപടികളും എന്നിങ്ങനെ നിരവധി പ്രധാന ചർച്ചകൾ ഉൾപ്പെടുന്നു. W A M
- pma
വായിക്കുക: social-media, അബുദാബി, ആഘോഷം, യു.എ.ഇ., വിദ്യാഭ്യാസം, സാമൂഹ്യ-സേവനം
അബുദാബി : നബിദിനം പ്രമാണിച്ച് സെപ്റ്റംബർ 29 വെള്ളിയാഴ്ച യു. എ. ഇ. യിൽ പൊതു അവധി പ്രഖ്യാപിച്ചു. സര്‍ക്കാര്‍ സ്ഥാപനങ്ങള്‍ക്ക് ഒപ്പം സ്വകാര്യ മേഖലയിലെ സ്ഥാപനങ്ങള്‍ക്കും അവധി ലഭിക്കും. സ്വകാര്യ മേഖലയിലെ ജോലിക്കാര്‍ക്ക് ശമ്പളത്തോടു കൂടിയുള്ള അവധി ആയിരിക്കും എന്ന് മനുഷ്യ വിഭവശേഷി മന്ത്രാലയം അറിയിച്ചു.
ശനിയും ഞായറും സർക്കാർ ജീവനക്കാർക്ക് വാരാന്ത്യ അവധി ദിനങ്ങള്‍ ആയതിനാൽ വെള്ളിയാഴ്ച അടക്കം തുടർച്ചയായി മൂന്നു ദിവസം അവധി ലഭിക്കും.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
