അബുദാബി « e പത്രം

വളർത്തു മൃഗങ്ങളുടെ രജിസ്ട്രേഷൻ നിർബ്ബന്ധമാക്കി

February 2nd, 2026

അബുദാബി : പട്ടി, പൂച്ച തുടങ്ങിയ വളർത്തു മൃഗ ങ്ങളുടെ രജിസ്ട്രേഷൻ അബുദാബിയിൽ നിർബ്ബന്ധമാക്കി. എമിരേറ്റ്സ് ഐ. ഡി. നമ്പർ ഉപയോഗിച്ച് ‘താം ആപ്പ്’ വഴി രജിസ്റ്റർ ചെയ്യാൻ അധികൃതർ നിർദ്ദേശിച്ചു. ഇതിനായി യു. എ. ഇ. പാസ്സ് ആക്റ്റീവ് ആയിരിക്കണം. രജിസ്റ്റർ ചെയ്യാത്തവർക്ക് 1,000 ദിർഹം പിഴ ചുമത്തും

വളർത്തു മൃഗങ്ങളുമായി തൊട്ടടുത്തുള്ള വെറ്ററിനറി ക്ലിനിക്കുകൾ സന്ദർശിച്ച് മൃഗങ്ങളുടെ ആരോഗ്യ പരിശോധന, മൈക്രോ ചിപ്പ് സ്ഥിരീകരണം എന്നിവ നടത്തിയ ശേഷം ജീവനക്കാരുടെ സഹായത്തോടെ ആവശ്യമായ മെഡിക്കൽ രേഖകൾ, മൈക്രോചിപ്പ് വിവരങ്ങൾ എന്നിവ നേരിട്ട് ഗവൺമെന്‍റ് പോർട്ടലിൽ അപ് ലോഡ് ചെയ്യാം. രജിസ്ട്രേഷൻ സൗജന്യവുമാണ്.

- pma

വായിക്കുക: pets, social-media, അബുദാബി, നിയമം, പരിസ്ഥിതി, പ്രവാസി, മൃഗങ്ങള്‍, യു.എ.ഇ., സാമൂഹ്യ-സേവനം

Comments Off

ഇന്ത്യന്‍ സ്‌കൂള്‍ ഗോള്‍ഡന്‍ ജൂബിലി : ശൈഖ് നഹ്യാന്‍ ആഘോഷങ്ങൾ ഉദ്ഘാടനം ചെയ്യും

January 29th, 2026

sheikh-nahyan-bin-mubarak-inaugurate-golden-jubilee-of-indian-school-ePathram
അബുദാബി : ഇന്ത്യന്‍ സ്‌കൂള്‍ ഗോള്‍ഡന്‍ ജൂബിലി ആഘോഷങ്ങൾ യു. എ. ഇ. സഹിഷ്ണുതാ സഹ വര്‍ത്തിത്വ വകുപ്പ് മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ ഉദ്ഘാടനം ചെയ്യും.

2026 ഫെബ്രുവരി 1 ഞായറാഴ്ച വൈകുന്നേരം 4 മണിക്കു അബുദാബി ഇന്ത്യന്‍ സ്‌കൂള്‍ ക്യാംപസില്‍ നടക്കുന്ന ഗോള്‍ഡന്‍ ജൂബിലി ആഘോഷങ്ങളുടെ ഉദ്ഘാടന ചടങ്ങില്‍ ചെയര്‍മാന്‍ എം. എ. യൂസഫലി മുഖ്യ അതിഥിയായി സംബന്ധിക്കും.

വിദ്യാര്‍ത്ഥികള്‍, രക്ഷിതാക്കള്‍, സ്‌കൂളിലെ പൂര്‍വ്വ വിദ്യാര്‍ത്ഥികള്‍, സാമൂഹിക പ്രവർത്തകർ ഉള്‍പ്പടെ സമൂഹത്തിന്റെ നാനാ തുറകളിലും ഉള്ളവർ ആഘോഷ പരിപാടികളിൽ പങ്കെടുക്കും.

വൈവിധ്യമാർന്ന പരിപാടികളുമായി ഒരു വർഷം നീണ്ടു നിൽക്കുന്ന ആഘോഷങ്ങൾ ആയിരിക്കും എന്നും വൈസ് ചെയര്‍മാന്‍ ശരദ് ഭണ്ഡാരി അറിയിച്ചു.

1975 ല്‍ 59 കുട്ടികളുമായി പ്രവര്‍ത്തനം ആരംഭിച്ച അബുദാബി ഇന്ത്യന്‍ സ്‌കൂള്‍, ഇന്ന് പ്രതിവര്‍ഷം 5000 ത്തോളം കുട്ടികള്‍ക്ക് വിദ്യാഭ്യാസം നല്‍കുന്നു. അക്കാദമിക് രംഗത്ത് മികവ് പുലര്‍ത്തുന്ന യു. എ. ഇ. യിലെ തന്നെ ഏറ്റവും മികച്ച സ്‌കൂളുകളില്‍ ഒന്നാണ് ഈ സ്ഥാപനം. കൂടാതെ പാഠ്യേതര വിഷയങ്ങളിലും മുന്‍ നിരയിലാണ് സ്‌കൂളിന്റെ പ്രവര്‍ത്തനം എന്നും സ്‌കൂൾ അധികൃതർ അറിയിച്ചു

- pma

വായിക്കുക: school, sheikh-nahyan-bin-mubarak, അബുദാബി, ആഘോഷം, ഇന്ത്യന്‍ കോണ്സുലേറ്റ്, യൂസഫലി

Comments Off

അഭിമാന നേട്ടവുമായി ആലിയ ഷെയ്ഖ് ബുക്ക് ഫെയർ വേദിയിൽ

November 19th, 2025

ഷാർജ : അന്താരാഷ്ട്ര പുസ്തക മേള 2025-ൽ തിളങ്ങി അബുദാബി സെൻ്റ് ജോസഫ് സ്‌കൂളിലെ ആലിയ ഷെയ്ഖ്. ഏഴാം ക്ലാസ് വിദ്യാർത്ഥിനിയായ ആലിയ, തൻ്റെ ആദ്യ പുസ്തകമായ ‘His Ghost, Our Inheritance’ എന്ന കൃതിയിലൂടെ യാണ് യു. എ. ഇ. യിലെ ഏറ്റവും മികച്ച 20 വിൽപനയുള്ള യുവ എഴുത്തുകാരുടെ പട്ടിക യിലൂടെ അംഗീകാരം നേടിയിരിക്കുന്നത്.

ബ്രി-ബുക്‌സിലൂടെ പ്രസിദ്ധീകരിച്ച ആലിയയുടെ ‘His Ghost, Our Inheritance’ എന്ന കൃതി രാജ്യത്തുടനീളമുള്ള ആയിര ക്കണക്കിന് യുവ എഴുത്തുകാർക്ക് ഇടയിൽ വേറിട്ടു നിന്നു. ഷാർജ ഇൻ്റർ നാഷണൽ ബുക്ക് ഫെയർ ഇൻ്റലക്ച്വൽ ഹാളിൽ നടന്ന ചടങ്ങിൽ ആലിയ ഷെയ്ഖിനു മൊമെൻ്റോയും സർട്ടിഫിക്കറ്റും നൽകി ആദരിച്ചു.

യുവ പ്രതിഭകളുടെ വ്യത്യസ്തങ്ങളായ കഴിവുകൾ കണ്ടെത്തി പരിപോഷിപ്പിക്കുന്നതിൽ മുന്നിൽ നിൽക്കുന്ന സെൻ്റ് ജോസഫ് സ്‌കൂളിന് ഈ നേട്ടം അഭിമാനം പകരുന്നു. ഒരു നല്ല വായനക്കാരിയും ക്രിയേറ്റീവ് സ്റ്റോറി ടെല്ലറുമായ ആലിയ, STEM, AI എന്നിവയോടുള്ള അവളുടെ അഭിനിവേശം പര്യവേക്ഷണം ചെയ്യുന്നതിനിടയിൽ ഒരു എഴുത്തുകാരിയായി വളരാൻ ആഗ്രഹിക്കുന്നു.

- pma

വായിക്കുക: social-media, അബുദാബി, ആഘോഷം, ഇന്ത്യന്‍ കോണ്സുലേറ്റ്, കുട്ടികള്‍, പൂര്‍വ വിദ്യാര്‍ത്ഥി, പ്രവാസി, ബഹുമതി, വിദ്യാഭ്യാസം, ഷാര്‍ജ, സാഹിത്യം, സ്ത്രീ

Comments Off

ശൈഖ് നഹ്യാന്റെ കൊട്ടാരത്തിൽ മുഖ്യമന്ത്രി പിണറായി വിജയന്റെ ഔദ്യോഗിക സന്ദർശനം

November 8th, 2025

അബുദാബി : ഗൾഫ് പര്യടനത്തിന്റെ ഭാഗമായി അബുദാബിയിൽ എത്തിയ മുഖ്യമന്ത്രി പിണറായി വിജയൻ യു. എ. ഇ. സഹിഷ്ണുതാ-സഹവർത്തിത്വ വകുപ്പ് മന്ത്രിയും രാജ കുടുംബാംഗവുമായ ശൈഖ് നഹ്യാൻ ബിൻ മുബാറക് അൽ നഹ്യാനെ സന്ദർശിച്ചു. അബുദാബിയിലെ കൊട്ടാരത്തില്‍ വെച്ചായിരുന്നു ശൈഖ് നഹ്യാന്‍ ബിന്‍ മുബാറക് അല്‍ നഹ്യാനും മുഖ്യമന്ത്രിയും തമ്മിലുള്ള കൂടിക്കാഴ്ച.

കേരളവും യു. എ. ഇ. യുമായുള്ള ബന്ധം കൂടുതൽ ഊഷ്മളം ആക്കുന്നതുമായി ബന്ധപ്പെട്ട കാര്യങ്ങൾ ചർച്ചയിൽ ഉയർന്നു വന്നു എന്ന് സന്ദർശനത്തിന് ശേഷം മുഖ്യമന്ത്രി ഫെയ്‌സ് ബുക്കിൽ കുറിച്ചു.

ശനിയാഴ്ച രാവിലെ നടന്ന കൂടിക്കാഴ്ചയിൽ സാംസ്‌കാരിക വകുപ്പ് മന്ത്രി സജി ചെറിയാന്‍, യു. എ. ഇ. യിലെ ഇന്ത്യന്‍ അംബാസഡര്‍ ഡോ. ദീപക് മിത്തല്‍, ചീഫ് സെക്രട്ടറി ഡോ. ജയതിലക്, ലുലു ഗ്രൂപ്പ് ചെയര്‍മാന്‍ എം. എ. യൂസഫലി തുടങ്ങിയവർ മുഖ്യമന്ത്രിയോടൊപ്പം എത്തിയിരുന്നു.

വെള്ളിയാഴ്ച രാത്രി ഏറെ വൈകിയാണ് മുഖ്യ മന്ത്രിയും സംഘവും അബുദാബി അൽ ബത്തീൻ എയർ പോർട്ടിൽ വിമാനം ഇറങ്ങിയത്. ഇന്ത്യൻ അംബാസിഡർ ദീപക് മിത്തൽ എം. എ. യൂസഫലി, പ്രവാസി സംഘടനാ പ്രതിനിധികൾ ചേർന്ന് മുഖ്യ മന്ത്രിയെ സ്വീകരിച്ചു.

നവംബർ 9 ഞായറാഴ്ച വൈകുന്നേരം അബുദാബി സിറ്റി ഗോൾഫ് ക്ലബ്ബ് മൈതാനത്ത് സംഘടിപ്പിക്കുന്ന മലയാളോത്സവം പരിപാടിയിൽ മുഖ്യമന്ത്രി പ്രവാസി മലയാളികളെ അഭിസംബോധന ചെയ്യും. Image Credit : F B

മലയാളോത്സവം : മുഖ്യമന്ത്രിയെ സ്വീകരിക്കാൻ അബുദാബി ഒരുങ്ങി

- pma

വായിക്കുക: social-media, അബുദാബി, ഇന്ത്യന്‍ കോണ്സുലേറ്റ്, കേരള രാഷ്ട്രീയ നേതാക്കള്‍, പ്രവാസി, ബഹുമതി, യു.എ.ഇ., സംഘടന

Comments Off

ഭിന്നശേഷിക്കാരുടെ പുനരധിവാസം : സിറാസ് ഗൾഫ് മേഖലയിലേക്ക്

October 29th, 2025

അബുദാബി : കോഴിക്കോട് തിക്കോടിയിലെ പുറക്കാട് കേന്ദ്രമായി പ്രവർത്തിച്ചു വരുന്ന ശാന്തി സദനം ഇൻസ്റ്റിറ്റ്യൂട്ട് ഓഫ് റിഹാബിലിറ്റേഷൻ & അഡ്വാൻസ് സ്റ്റഡീസ് (siras) സിറാസ് അബുദാബി ചാപ്റ്ററിൻ്റെ നേതൃത്വത്തിൽ മുസഫ സനയ്യയിലെ റെയിൻബോ ഹോട്ടലിൽ കൺവെൻഷൻ സംഘടിപ്പിച്ചു.

ഓട്ടിസം ബാധിച്ച കുഞ്ഞുങ്ങളുടെയും ഭിന്ന ശേഷി ക്കാരുടെയും പുനരധിവാസത്തിനും സമഗ്ര വികസന ത്തിനും വേണ്ടിയുമുള്ള വിവിധ പദ്ധതികൾ ഏകോപിപ്പിച്ചു കൊണ്ട് പ്രവർത്തിക്കാൻ ഗൾഫിലെ എല്ലാ പ്രദേശങ്ങളിലും സിറാസിന്റെ കൂട്ടായ്മകൾ രൂപീകരിക്കുന്നതിന്‍റെ ഭാഗമായിട്ടാണ് അബുദാബി യിൽ കൺവെൻഷൻ സംഘടിപ്പിച്ചത്.

മുതിർന്ന സാമൂഹിക പ്രവർത്തകനും സിറാസ് ചെയർമാനുമായ പി. എം. മൊയ്തു അദ്ധ്യക്ഷത വഹിച്ചു. വൈസ് ചെയർമാൻ റെയിൻബോ ബഷീർ ഉൽഘാടനം ചെയ്തു. സിറാസ് സെക്രട്ടറി ഹമീദ് എം. ടി., സിറാസ് ദുബായ് കോഡിനേറ്റർ മൊയ്തീൻ പട്ടായി എന്നിവർ സിറാസിന്റെ പ്രവർത്തനങ്ങളെ വിശദീകരിച്ചു.

വിവിധ സാമൂഹിക കൂട്ടായ്മകളെ പ്രതിനിധീകരിച്ച് ഷാജുമോൻ പുലാക്കൽ, Dr. ഷീബ അനിൽ, ജിഷാ മുഹമ്മദ്‌, അബ്ദുൽ ബാസിത്, സി. വി. ഷാഫി, അമീർ കല്ലമ്പലം, പി. എം. അബ്ദുൽ റഹിമാൻ തുടങ്ങിയവർ പങ്കെടുത്തു സംസാരിച്ചു. സിറാസ്നെ കുറിച്ച് കൂടുതൽ അറിയുവാനും ഇതോടൊപ്പം ചേർന്ന് പ്രവർത്തിക്കുവാനും താല്പര്യമുള്ളവർ ബന്ധപ്പെടുക : +971 55 872 5806 (P. M. Moidu).