ബസ്സ് സ്റ്റോപ്പിൽ മറ്റു വാഹനങ്ങള്‍ പാർക്ക് ചെയ്താല്‍ പിഴ

June 11th, 2022

abudhabi-itc-fine-2000-dirham-for-private-vehicle-parking-in-bus-stop-ePathram
അബുദാബി : തലസ്ഥാന എമിറേറ്റിലെ ബസ്സ് സ്റ്റോപ്പു കളില്‍ നിയമം ലംഘിച്ചു പാർക്ക് ചെയ്യുന്ന മറ്റു വാഹനങ്ങൾക്ക് 2,000 ദിർഹം പിഴ ഇടും എന്ന് അബു ദാബി സംയോജിത ഗതാഗത കേന്ദ്രം (ഐ. ടി. സി.) അറിയിച്ചു. ബസ്സ് യാത്ര ക്കാരുടെ സുഗമമായ യാത്രയെ തടസ്സ പ്പെടുത്തരുത് എന്നും ബസ്സുകള്‍ നിര്‍ത്തിയിടുന്ന സ്റ്റോപ്പുകള്‍ മറ്റു വാഹനങ്ങൾ അപഹരിക്കരുത് എന്നും ഐ. ടി. സി. ആവശ്യപ്പെട്ടു.

ബസ്സ് സ്റ്റോപ്പുകളില്‍ സ്വകാര്യ വാഹനങ്ങൾ നിർത്തിയിട്ടാല്‍ 2000 ദിർഹം പിഴ ചുമത്തും എന്ന് ഗതാഗത വകുപ്പ് കഴിഞ്ഞ വര്‍ഷവും മുന്നറിയിപ്പ് നല്‍കിയിരുന്നു. എന്നാല്‍ പലരും ഇത് മുഖവിലക്ക് എടുക്കാതെ ബസ്സ് സ്റ്റോപ്പുകളില്‍ വാഹന ങ്ങള്‍ നിര്‍ത്തിയിടുകയും ആളുകളെ കയറ്റി ഇറക്കുകയും ചെയ്യുന്നുണ്ട്. അത്തരക്കാര്‍ക്ക് വീണ്ടും ഒരു മുന്നറിയിപ്പു കൂടിയാണ് ഈ വാര്‍ത്ത.

സ്വകാര്യ വാഹനങ്ങളിലെ യാത്രക്കാരെ കയറ്റി ഇറക്കുന്നതിനായി ബസ്സ്  സ്റ്റോപ്പ് ഉപയോഗിക്കരുത് എന്നും ഇതിനായി നിശ്ചയിച്ച പ്രത്യേക സ്ഥലങ്ങൾ ഉപയോഗിക്കണം എന്നും ഐ. ടി. സി. നിർദ്ദേശം നല്‍കുന്നു.

* Image Credit : ITC Twitter

- pma

വായിക്കുക: , , ,

Comments Off on ബസ്സ് സ്റ്റോപ്പിൽ മറ്റു വാഹനങ്ങള്‍ പാർക്ക് ചെയ്താല്‍ പിഴ

കാൽനട യാത്രക്കാർക്കു വഴി നൽകാത്തവര്‍ ജാഗ്രത

April 10th, 2022

artificial-intelligence-monitors-in-pedestrian-zebra-crossings-ePathram
അബുദാബി : കാൽനട യാത്രക്കാർക്കുള്ള സീബ്രാ ക്രോസിൽ വാഹനം നിര്‍ത്തിക്കൊടുക്കാത്ത ഡ്രൈവർ മാരെ പിടികൂടാൻ അബുദാബിയിൽ പ്രത്യേക റഡാറു കള്‍ സ്ഥാപിച്ചു. ആർട്ടിഫിഷ്യൽ ഇന്റലിജൻസ് സംവിധാനത്തില്‍ തയ്യാറാക്കിയ ‘ഹാദിർ’ (ജാഗ്രത പാലിക്കുക) എന്നു പേരുള്ള പുതിയ ക്യാമറകള്‍ നഗരത്തില്‍ വിവിധ സ്ഥലങ്ങളില്‍ പരീക്ഷണാര്‍ത്ഥം സ്ഥാപിച്ചു കഴിഞ്ഞതായി അബുദാബി പോലീസ് അറിയിച്ചു. സീബ്രാ ക്രോസില്‍ കാൽ നട യാത്രക്കാർ പ്രവേശിച്ച് അവർ കടന്നു പോയതിനു ശേഷം മാത്രമേ വാഹനം മുന്നോട്ട് എടുക്കാൻ പാടുള്ളൂ. ഇതിൽ വീഴ്ച വരുത്തുന്നത് തിരിച്ചറിഞ്ഞു കൊണ്ടാണ് ഹാദിര്‍ റഡാറുകള്‍ പ്രവര്‍ത്തിക്കുക. നിയമം ലംഘിക്കുന്ന ഡ്രൈവർമാർക്ക് ആദ്യ ഘട്ടത്തില്‍ മുന്നറിയിപ്പ് സന്ദേശം നല്‍കും. നിയമ ലംഘകര്‍ക്ക് 500 ദിർഹം പിഴയും ലൈസൻസിൽ ആറ് ബ്ലാക്ക് പോയന്‍റുമാണ് ശിക്ഷ.

- pma

വായിക്കുക: , ,

Comments Off on കാൽനട യാത്രക്കാർക്കു വഴി നൽകാത്തവര്‍ ജാഗ്രത

ട്രാക്ക് മാറുമ്പോള്‍ അതീവ ജാഗ്രത വേണം : ഡ്രൈവര്‍മാര്‍ക്ക് മുന്നറിയിപ്പ്

December 20th, 2021

abudhabi-police-new-logo-2017-ePathram
അബുദാബി : തിരക്കുള്ള റോഡുകളിലെ ഡ്രൈവിംഗില്‍ ട്രാക്കുകൾ മാറുമ്പോള്‍ അതീവ ശ്രദ്ധയോടെ ഡ്രൈവ് ചെയ്യണം എന്നും ട്രാഫിക് നിയമങ്ങള്‍ കര്‍ശ്ശനമായും പാലിക്കണം എന്നും അബുദാബി പോലീസ്.

അതിവേഗത്തില്‍ ഓടുന്ന വാഹങ്ങള്‍ക്ക് ഇടയില്‍ നിന്നും പെട്ടെന്നു ട്രാക്ക് മാറുന്ന ചില വണ്ടികളുടെ വീഡിയോ ഷെയര്‍ ചെയ്തു കൊണ്ടാണ് ഫേയ്സ് ബുക്ക് പേജ് അടക്കമുള്ള സാമൂഹ്യ മാധ്യമങ്ങളിലൂടെ പോലീസ് ട്രാഫിക് വിഭാഗം മുന്നറിയിപ്പ് നല്‍കിയത്.

റോഡ് സുരക്ഷാ നിയമങ്ങൾ ലംഘിക്കുന്ന വാഹന ങ്ങൾ കസ്റ്റഡി യിൽ എടുത്ത് കണ്ടു കെട്ടു കയും 50,000 ദിർഹം വരെ പിഴ ചുമത്തും എന്നുമാണ് നിലവിലെ ഗതാഗത നിയമം.

- pma

വായിക്കുക: , , ,

Comments Off on ട്രാക്ക് മാറുമ്പോള്‍ അതീവ ജാഗ്രത വേണം : ഡ്രൈവര്‍മാര്‍ക്ക് മുന്നറിയിപ്പ്

വിദ്യാര്‍ത്ഥി സുരക്ഷ : സ്കൂള്‍ ബസ്സു കളില്‍ നിന്നും മറ്റു വാഹനങ്ങള്‍ അകലം പാലിക്കുക

September 22nd, 2021

keep-distance-5-meters-from-school-bus-to-ensure-students-cross-safely-ePathram
അബുദാബി : വിദ്യാര്‍ത്ഥികളെ കയറ്റി ഇറക്കുവാന്‍ വേണ്ടി നിര്‍ത്തി ഇട്ടിരിക്കുന്ന സ്കൂള്‍ ബസ്സ് മറി കടക്കുന്ന മറ്റു വാഹനങ്ങളുടെ ഡൈവര്‍മാര്‍ക്കുള്ള മുന്നറിയിപ്പു പുതുക്കി കൊണ്ട് സോഷ്യല്‍ മീഡിയ പോസ്റ്റുകളിലൂടെ അബുദാബി പോലീസ്.

സ്കൂള്‍ ബസ്സുകളുടെ ‘സ്‌റ്റോപ്പ് സൈന്‍’ നിര്‍ദ്ദേശം പാലിക്കുകയും അതോടൊപ്പം ബസ്സുകളില്‍ നിന്നും ചുരുങ്ങിയത് 5 മീറ്റര്‍ അകലം പാലിച്ചു കൊണ്ടു മാത്രമേ മറ്റു വാഹനങ്ങള്‍ നിര്‍ത്തിയിടാന്‍ പാടുള്ളൂ എന്നും പോലീസ് ഓര്‍മ്മിപ്പിക്കുന്നു.

സ്‌റ്റോപ്പ് സൈന്‍ നിര്‍ദ്ദേശം പാലിക്കാതെ കടന്നു പോകുന്നവർക്ക് 1000 ദിർഹം പിഴ ശിക്ഷയും അതോടൊപ്പം ഡ്രൈവിംഗ് ലൈസൻസിൽ 10 ബ്ലാക്ക് പോയിന്റും പിഴ നൽകും.

- pma

വായിക്കുക: , , , , , , , , ,

Comments Off on വിദ്യാര്‍ത്ഥി സുരക്ഷ : സ്കൂള്‍ ബസ്സു കളില്‍ നിന്നും മറ്റു വാഹനങ്ങള്‍ അകലം പാലിക്കുക

വാഹനങ്ങളുടെ മുൻ സീറ്റിൽ കുട്ടികളെ ഇരുത്തിയാൽ പിടി വീഴും

September 18th, 2021

back-seat-safest-place-for-children-to-sit-dubai-police-ePathram
അബുദാബി : വാഹന യാത്രയില്‍ പത്തു വയസ്സിന് താഴെയുള്ള കുട്ടികളെ വാഹനങ്ങളുടെ പിൻ സീറ്റു കളിൽ ഇരുത്തുകയും സീറ്റ് ബെല്‍റ്റ് ധരിക്കുകയും വേണം എന്ന് അബുദാബി പോലീസ്.

കുട്ടികളെ മുന്‍ സീറ്റില്‍ ഇരുത്തിയാല്‍ വാഹനത്തിന്റെ ഡ്രൈവര്‍ക്ക് 400 ദിർഹം പിഴ നൽകും. മാത്രമല്ല, വാഹനം കണ്ടു കെട്ടുകയും ചെയ്യും. സാമൂഹ്യ മാധ്യമ ങ്ങളിലൂടെ മലയാളം അടക്കം വിവിധ ഭാഷ കളില്‍ അബുദാബി പോലീസ് ഇക്കാര്യം അറിയിച്ചിട്ടുണ്ട്. പിടിച്ചെടുത്ത വാഹനം തിരിച്ച് എടുക്കണം എങ്കില്‍ 5000 ദിർഹം പിഴയും നല്‍കണം.

മൂന്നു മാസമാണ് കാലാവധി. അതുകഴിഞ്ഞാല്‍ പിഴ അടക്കാത്ത വാഹനം ലേലം ചെയ്യും.

- pma

വായിക്കുക: , , , , , , ,

Comments Off on വാഹനങ്ങളുടെ മുൻ സീറ്റിൽ കുട്ടികളെ ഇരുത്തിയാൽ പിടി വീഴും

Page 1 of 1112345...10...Last »

« Previous « ഗുരുവായൂരിലെ മുഴുവൻ വില്ലേജ് ഓഫീസുകളും സ്മാര്‍ട്ട് ആക്കും : എൻ. കെ. അക്ബർ എം. എൽ. എ.
Next Page » അബുദാബി പ്രവേശനം : നിലവിലെ വിലക്കുകള്‍ നീക്കി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha