അബുദാബി : പ്രമുഖ മലയാളി വ്യവസായി ടി. ആർ. വിജയ കുമാറിന്‌ ഗോൾഡൻ വിസ. ആദം ആൻഡ് ഈവ് സ്പെഷ്യലൈസ്ഡ് മെഡിക്കൽ സെന്റർ, സയീദ് അൽ സാബി ടയർ ഫാക്ടറി, റോയൽ പ്രിൻസ് ജനറൽ ട്രേഡിംഗ് എന്നിങ്ങനെ മുപ്പത്തി അഞ്ചോളം കമ്പനി കളുടെ ഉടമയും അൽ സാബി ഗ്രൂപ്പ് ചെയർമാനും കൂടി യായ ടി. ആർ. വിജയ കുമാറിന്‌ കഴിഞ്ഞ ദിവസം നടന്ന ചടങ്ങിൽ സയീദ് യൂസഫ് ഇബ്രാഹിം അൽ സാബി പത്തു വര്‍ഷത്തേ ക്കുള്ള ഗോൾഡൻ വിസ സമ്മാനിച്ചു.
നിക്ഷേപകർ, സംരംഭകർ, ശാസ്ത്രജ്ഞൻമാർ, ഡോക്ടർ മാർ, കലാ- സാംസ്കാ രിക മേഖല കളിൽ വ്യക്തി മുദ്ര പതിപ്പിച്ചവര്‍, കായിക താരങ്ങൾ, ഹൈസ്കൂൾ – യൂണി വേഴ്സിറ്റി വിദ്യാർത്ഥികൾ തുടങ്ങി വിവിധ മേഖല കളിൽ വ്യക്തി മുദ്ര പതിപ്പിച്ച പ്രതിഭകള്‍ക്ക് യു. എ. ഇ. ഗോൾഡൻ വിസ നല്‍കി വരുന്നുണ്ട്. അഞ്ച്, പത്ത് വർഷങ്ങളാണ് ഗോൾഡൻ വിസ യുടെ കാലാവധി.
കഴിഞ്ഞ നാലു പതിറ്റാണ്ട് കാലമായി പ്രവാസ ലോക ത്തുള്ള വിജയ കുമാർ തിരുവനന്ത പുരം കൊഞ്ചിറവിള മണക്കാട് സ്വദേശിയാണ്. അംബികാ ദേവി യാണ് ഭാര്യ. വിമൽ വിജയ കുമാറും അമൽ വിജയ കുമാറുമാണ് മക്കൾ. ഇരുവരും അൽ സാബി ഗ്രൂപ്പ് സി. ഇ. ഒ. & എക്സി ക്യൂട്ടീവ് ഡയറക്ടർമാരാണ്.
ഗള്‍ഫിലെ സാമൂഹിക – സാംകാരിക രംഗങ്ങളില്‍ ഇടപെടുന്ന ഇദ്ദേഹം പ്രവാസി മലയാളികള്‍ക്ക് സുപരിചിതനാണ്.
