അശോകൻ ചരുവിലിനെ ആദരിച്ചു

November 30th, 2024

ksc-honored-ashokan-charuvil-ePathram
അബുദാബി : വയലാർ അവാർഡ് ജേതാവ് അശോകൻ ചരുവിലിനെ കേരളാ സോഷ്യൽ സെൻറർ ആദരിച്ചു. കെ. എസ്. സി. സാഹിത്യ വിഭാഗം സംഘടിപ്പിച്ച ഇൻഡോ-യു. എ. ഇ. കൾച്ചർ ഫെസ്റ്റ് ഏകദിന സാഹിത്യ ശില്പ ശാലയിൽ പങ്കെടുക്കുവാൻ എത്തിയതായിരുന്നു അദ്ദേഹം.

അറബ് കവി ഖാലിദ് അൽ-ബദൂർ, അശോകൻ ചരുവിലിനെ പൊന്നാട അണിയിച്ചു. കെ. എസ്. സി. പ്രസിഡണ്ട് എ. കെ. ബീരാൻ കുട്ടി ഫലകം സമ്മാനിച്ചു.

ഇന്ത്യയും യു. എ. ഇ. യും തമ്മിലുള്ള സാംസ്കാരിക സൗഹൃദത്തിന് നൂറ്റാണ്ടുകളുടെ പഴക്കം ഉണ്ട് എന്ന് സമ്മേളന ത്തിൽ പങ്കെടുത്തു കൊണ്ട് അറബ് കവി ഖാലിദ് അൽ-ബദൂർ പറഞ്ഞു. സർജു ചാത്തന്നൂർ, അനന്ത ലക്ഷ്മി ഷെരീഫ് എന്നിവർ ഖാലിദ് അൽ ബദൂറിൻ്റെ കവിതകൾ ആലപിച്ചു.

‘ഇന്ത്യയും അറബ് സംസ്കാരവും’ എന്ന വിഷത്തെ ആസ്പദമാക്കി ആർട്ടിസ്റ്റാ ആർട്ട് ഗ്രൂപ്പ് കലാകാരന്മാർ വരച്ച ചിത്ര ങ്ങൾ പ്രദർശിപ്പി ക്കുകയും അവ കെ. എസ്. സി. യിലേക്ക് നൽകുകയും ചെയ്തു. ആർട്ട് ക്യാമ്പിന് ചിത്ര കാരൻ ശശിൻസ നേതൃത്വം നൽകി.

സമാപന സമ്മേളനത്തിൽ കെ. എസ്. സി. പ്രസിഡണ്ട് എ. കെ. ബീരാൻ കുട്ടി അദ്ധ്യക്ഷത വഹിച്ചു. ജനറൽ സെക്രട്ടറി നൗഷാദ് യൂസഫ്, സാഹിത്യ വിഭാഗം സെക്രട്ടറി ഷെരീഫ് മാന്നാർ, സാഹിത്യ വിഭാഗം അസിസ്റ്റന്റ് സെക്രട്ടറി ഹിശാം സെൻ എന്നിവർ സംസാരിച്ചു.

- pma

വായിക്കുക: , , ,

Comments Off on അശോകൻ ചരുവിലിനെ ആദരിച്ചു

സെൻറ് ജോർജ്ജ് ഓർത്തഡോക്സ് കത്തീഡ്രൽ വിശ്വാസികൾക്ക് സമർപ്പിച്ചു

November 30th, 2024

st-george-orthodox-cathedral-design-new-building-ePathram
അബുദാബി : പുതുക്കിപ്പണിത അബുദാബി സെൻറ് ജോർജ്ജ് ഓർത്തഡോക്സ് കത്തീഡ്രൽ വിശ്വാസികൾക്ക് സമർപ്പിച്ചു. യു. എ. ഇ. യുടെ വിവിധ ഭാഗങ്ങളിൽ നിന്നും എത്തിയ ആയിരക്കണക്കിന് സഭാ വിശ്വാസി കളെ സാക്ഷികളാക്കി നടന്ന ചടങ്ങുകളിൽ ഓർത്തഡോക്സ് സഭാ മേലദ്ധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ കൂദാശക്കു മുഖ്യ കാർമ്മികത്വം വഹിച്ചു.

abudhabi-st-george-orthodox-cathedral-holy-consecration-and-dedication-ePathram
ബ്രഹ്മവാർ ഭദ്രാസന മെത്രാപ്പൊലീത്ത യാക്കോബ് മാർ ഏലിയാസ്, ഡൽഹി ഭദ്രാസന മെത്രാപ്പൊലീത്ത ഡോ. യൂഹാനോൻ മാർ ദിമെത്രയോസ്, ചെന്നൈ ഭദ്രാസന മെത്രാപ്പൊലീത്ത-ബാംഗ്ലൂർ സഹായ മെത്രാ പ്പൊലീത്ത ഗീവർഗീസ് മാർ പീലക്സിനോസ് എന്നിവർ സഹ കാർമ്മികർ ആയിരുന്നു. ഇടവക വികാരി ഫാ. ഗീവർഗീസ് മാത്യു, സഹ വികാരി മാത്യു ജോൺ എന്നിവർ നേതൃത്വം നൽകി.

കഴിഞ്ഞ 25 വർഷമായി ദേവാലയത്തിൽ സേവനം അനുഷ്ടിച്ച  മുൻ വികാരിമാർ, ഇതര സഭകളിലെ വികാരിമാർ, മറ്റു ഓർത്തഡോക്സ് സഭാ പ്രതിനിധികൾ ഉൾപ്പെടെ 3500 ലേറെ പേർ ചടങ്ങിൽ പങ്കെടുത്തു.

Face Book

- pma

വായിക്കുക: , , , , ,

Comments Off on സെൻറ് ജോർജ്ജ് ഓർത്തഡോക്സ് കത്തീഡ്രൽ വിശ്വാസികൾക്ക് സമർപ്പിച്ചു

ശൈഖ് അലി അൽ ഹാഷ്മിക്കു ടോളറൻസ് അവാർഡ് സമ്മാനിക്കും

November 22nd, 2024

sheikh-ali-al-hashmi-religious-advisor-uae-president-ePathram
അബുദാബി : യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ്റെ മതകാര്യ ഉപ ദേഷ്ടാവ് ശൈഖ് അലി ബിൻ അൽ സയിദ് അബ്ദുറഹിമാൻ അൽ ഹാഷ്മിക്ക് ടോളറൻസ് അവാർഡ്.

2024 നവംബര്‍ 24 ഞായറാഴ്ച രാത്രി എട്ടു മണിക്ക് അബുദാബി നാഷണല്‍ തിയേറ്ററില്‍ കലാലയം സാംസ്‌കാരിക വേദി നടത്തുന്ന പതിനാലാം എഡിഷന്‍ ‘യു. എ. ഇ. പ്രവാസി സാഹിത്യോത്സവ്’ ആഘോഷങ്ങളോട് അനുബന്ധിച്ച് നടക്കുന്ന ടോളറൻസ് കോൺഫറൻസിൽ വെച്ച് ടോളറൻസ് അവാർഡ് സമ്മാനിക്കും.

ബഹുസ്വരതയെയും പരസ്‌പര ബഹുമാനത്തെയും കുറിച്ചുള്ള കാഴ്ചപ്പാടുകളുടെ പ്രചരണവും ലോക സമാധാനത്തിനും സഹിഷ്ണുതക്കും യു. എ. ഇ. മുന്നോട്ടു വെക്കുന്ന ആശയങ്ങളെ ആഗോള സമൂഹത്തിൽ പ്രചരിപ്പിക്കുന്നതിലും സൗഹാർദവും സഹവർത്തി ത്വവും പരിപോഷിപ്പിക്കുന്നതിനും ഉള്ള സമഗ്രമായ സംഭാവനകളെ ആദരിച്ചു കൊണ്ടാണ് ടോളറൻസ് അവാർഡ് സമ്മാനിക്കുന്നത്

ചടങ്ങിൽ അബ്ദു റഹിമാൻ അബ്ദുള്ള, ഉസ്മാൻ സഖാഫി തിരുവത്ര, മുസ്തഫ ദാരിമി കടാങ്കോട്, ഫിർദൗസ് സഖാഫി കടവത്തൂർ, ഹംസ അഹ്സനി, റഫീഖ് സഖാഫി വെള്ളില, ജാഫർ കണ്ണപുരം തുടങ്ങിയ മത, സാമൂഹിക, സാംസ്കാരിക, വ്യവസായ രംഗത്തെ പ്രമുഖർ സംബന്ധിക്കും.

- pma

വായിക്കുക: , , ,

Comments Off on ശൈഖ് അലി അൽ ഹാഷ്മിക്കു ടോളറൻസ് അവാർഡ് സമ്മാനിക്കും

സി. പി. അബ്ദുൽ റഹ്മാൻ ഹാജിക്ക് കല്ലട്ര അബ്ദുൽ ഖാദർ ഹാജി സ്മാരക പുരസ്കാരം

November 22nd, 2024

baniyas-spike-chairman-cp-abdul-rahman-haji-ePathram
അബുദാബി : സഅദിയ്യ സ്ഥാപകനും വ്യവസായ പ്രമുഖനുമായിരുന്ന കല്ലട്ര അബ്ദുൽ ഖാദർ ഹാജിയുടെ സ്മരണാർത്ഥം പ്രഖ്യാപിച്ച പ്രഥമ പുരസ്കാരം ബനിയാസ് സ്പൈക്ക് സി. പി. അബ്ദുൽ റഹ്മാൻ ഹാജിക്ക് സമ്മാനിക്കും. നവംബർ 24 ന് നടക്കുന്ന ജാമിഅ സഅദിയ്യ 55-ാം വാർഷിക സനദ്-ദാന സമാപന സമ്മേളനത്തിൽ പുരസ്കാരം സമ്മാനിക്കും.

മത-വിദ്യാഭാസ, സാമൂഹിക, സാംസ്കാരിക രംഗത്ത് സി. പി. അബ്ദുൽ റഹ്മാൻ ഹാജി നടത്തുന്ന മാതൃകാ സേവനങ്ങളാണ് അവാർഡിന് അർഹനാക്കിയത്. ജാമിഅ സഅദിയ്യ കേന്ദ്ര സെക്രട്ടറിയേറ്റ് യോഗത്തിൽ പ്രതേക ജൂറിയാണ് അവാർഡ് ജേതാവിനെ തെരഞ്ഞെടുത്തത്.

സ്വന്തം സമ്പാദ്യത്തിൽ ഒരു വൈജ്ഞാനിക ഗേഹം ഉണ്ടാകണം എന്ന ലക്ഷ്യത്തോടെ ഇറങ്ങി തിരിച്ചതിൻ്റെ പേരിലാണ് കല്ലട്ര അബ്ദുൽ ഖാദർ ഹാജി പണ്ഡിതന്മാരുടെ മനസിൽ ഇടം നേടിയത് എന്നും കല്ലട്രയുടെ ജീവിതം ഇക്കാലത്തെ ഉമറാക്കൾക്കു മാതൃകയാണ് എന്നും ജൂറി അഭിപ്രായപ്പെട്ടു.

യു. എ. ഇ., സൗദി അറേബ്യ, ഒമാൻ, കൂടാതെ ഇന്ത്യയിലെയും വാണിജ്യ വ്യവസായ രംഗത്ത് തൻ്റെ കയ്യൊപ്പു ചാർത്തിയ ബനിയാസ് സ്പൈക്ക് സി. പി. അബ്ദുൽ റഹ്മാൻ ഹാജി സുന്നി സ്ഥാപനങ്ങളുടെ സജീവ സഹകാരിയും ആണെന്നുള്ളത് ജൂറി വിലയിരുത്തി. സി. പി. അബ്ദുൽ റഹ്മാൻ ഹാജി നടത്തുന്ന ജീവകാരുണ്യ പ്രവർത്തനങ്ങളെ ജൂറി പ്രതേകം അഭിനന്ദിച്ചു.

- pma

വായിക്കുക: , , , ,

Comments Off on സി. പി. അബ്ദുൽ റഹ്മാൻ ഹാജിക്ക് കല്ലട്ര അബ്ദുൽ ഖാദർ ഹാജി സ്മാരക പുരസ്കാരം

എമിറേറ്റ്സ് ലേബർ മാർക്കറ്റ് അവാർഡ് : മികച്ച നേട്ടവുമായി ബുർജീൽ ഹോൾഡിംഗ്സ്

November 18th, 2024

emirates-labour-market-award-for-maya-sasheendran-of-bujeel-holdings-ePathram
അബുദാബി: യു. എ. ഇ. യിലെ തൊഴിൽ രംഗത്തെ ഏറ്റവും വലിയ പുരസ്കാരമായ എമിറേറ്റ്സ് ലേബർ മാർക്കറ്റ് അവാർഡിൽ അഞ്ചു പുരസ്കാരങ്ങളുടെ തിളക്കത്തിൽ ബുർജീൽ ഹോൾഡിംഗ്സ്. ഗ്രൂപ്പിന് കീഴിലുള്ള എൽ. എൽ. എച്ച്. ഹോസ്പിറ്റലും ബുർജീൽ ഹോസ്പിറ്റലും ആദ്യ സ്ഥാനങ്ങൾ കരസ്ഥമാക്കി.

കൂടെ ഔട്ട് സ്റ്റാൻഡിംഗ് വർക്ക് ഫോഴ്സ് വിഭാഗത്തിൽ പുരസ്കാരം നേടിയത് മുസ്സഫ എൽ. എൽ. എച്ച്. ആശുപത്രിയിലെ മലയാളി നഴ്സ് മായാ ശശീന്ദ്രൻ. പതിമൂന്നു വർഷമായി യു. എ. ഇ. യിലെ ആരോഗ്യ രംഗത്ത് സജീവമായി പ്രവർത്തിക്കുന്ന മായ, പത്തനം തിട്ടയിലെ കൂടൽ സ്വദേശിനിയാണ്. അതോടൊപ്പം അബുദാബി ബുർജീൽ ആശുപത്രിയിലെ ശിശുരോഗ വിദഗ്ധ ഡോ. നഷ്വ ബഹാ എൽ-ദിൻ, ലൈഫ് കെയർ ഹോസ്പിറ്റൽ ബനിയാസിലെ സൂപ്പർ വൈസർ ഭരത് കുമാർ എന്നിവരും പുരസ്കാരത്തിന് അർഹരായി.

വിവിധ വിഭാഗങ്ങളിലായി ലഭിച്ച 7,700 അപേക്ഷ കളിൽ നിന്നാണ് കമ്പനികളും വ്യക്തികളും ഉൾപ്പെടുന്ന വിജയികളെ തെരഞ്ഞെടുത്തത്. തൊഴിൽ അവസരങ്ങൾ, തൊഴിൽ ശാക്തീകരണം, ജോലി സ്ഥലത്തെ ആരോഗ്യം, സുരക്ഷ, സർഗ്ഗാത്മകത, നവീകരണം, കഴിവുകൾ കണ്ടെത്തൽ, വേതനം, സാമൂഹിക ഉത്തരവാദിത്വം തുടങ്ങി സമഗ്രവും സംയോജിതവുമായ മാനദണ്ഡങ്ങൾ അനുസരിച്ചാണ് വിദഗ്ദ്ധ സമിതികൾ വിലയിരുത്തിയത്.

ബുർജീൽ ജീവനക്കാരുടെ അർപ്പണ മനോഭാവത്തിനും സുസ്ഥിരവും ആരോഗ്യ കരവുമായ തൊഴിൽ മേഖല വാർത്തെടുക്കാനുള്ള ഗ്രൂപ്പിൻ്റെ പ്രതിബദ്ധതക്കും ലഭിച്ച പുരസ്കാരം ആണ് ഇതെന്നും ബുർജീൽ ഹോൾഡിംഗ്സ് എമിറേറ്റൈസേഷൻ & അക്കാദമിക്സ് ഗ്രൂപ്പ് ഡയറക്ടർ തഹാനി അൽ ഖാദിരി പറഞ്ഞു.

 

- pma

വായിക്കുക: , , , , , ,

Comments Off on എമിറേറ്റ്സ് ലേബർ മാർക്കറ്റ് അവാർഡ് : മികച്ച നേട്ടവുമായി ബുർജീൽ ഹോൾഡിംഗ്സ്

Page 3 of 9712345...102030...Last »

« Previous Page« Previous « ‘ഡയസ്പോറ സമ്മിറ്റ് ഇൻ ഡൽഹി’ പ്രചരണാർത്ഥം മീഡിയ സെമിനാർ
Next »Next Page » സലാം പാപ്പിനിശ്ശേരിയുടെ ഒലീസിയ പ്രകാശനം ചെയ്തു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha