ഇൻസൈറ്റ് ഡോക്യുമെന്‍ററി ഫെസ്റ്റിവൽ ഫെബ്രുവരി 16 ഞായറാഴ്ച

February 10th, 2025

logo-insight-the-creative-group-ePathram

പാലക്കാട് കേന്ദ്രമായി പ്രവർത്തിക്കുന്ന ഇൻസൈറ്റ് ദ് ക്രിയേറ്റീവ് ഗ്രൂപ്പിൻ്റെ എട്ടാമത് കെ. ആർ. മോഹനൻ മെമ്മോറിയൽ  ഡോക്യു മെന്‍ററി ഫെസ്റ്റിവൽ 2025 ഫെബ്രുവരി16 ഞായറാഴ്ച രാവിലെ 9 മണി മുതൽ പാലക്കാട് ലയൺസ്‌ സ്‌കൂളിലെ ഗോൾഡൻ ജൂബിലി ഹാളിൽ വച്ചു നടക്കും.

പന്ത്രണ്ടു മത്സര ഡോക്യുമെന്‍ററികളും അതോടൊപ്പം പി. അജിത് കുമാർ സംവിധാനം ചെയ്ത ‘ജലമുദ്ര’ എന്ന ഡോക്യുമെന്‍ററി മത്സരേതര വിഭാഗത്തിൽ പ്രദർശിപ്പിക്കും.

ശില്പി പ്രമോദ് പള്ളിയിൽ രൂപ കൽപന ചെയ്ത ട്രോഫിയും സാക്ഷ്യപത്രവും പതിനായിരം രൂപയും അടങ്ങുന്ന കെ. ആർ. മോഹനൻ മെമ്മോറിയൽ അവാർഡ് വിജയിക്കു സമ്മാനിക്കും.

insight-k-r-mohanan-memorial-documentary-film-fest-ePathram

ചലച്ചിത്ര നിരൂപകൻ ഡോ. സി. എസ്. വെങ്കിടേശ്വരൻ ചെയർമാനും സംവിധായകൻ കെ. ആർ മനോജ്‌, പി. പ്രേമചന്ദ്രൻ എന്നിവർ അംഗങ്ങളുമായ ജൂറിയാണ് വിജയിയെ തെരഞ്ഞെടുക്കുക. ഓരോ ഡോക്യു മെന്‍ററികളുടെയും പ്രദർശന ശേഷവും അണിയറ പ്രവർത്ത കരുമായി കാണികൾ നടത്തുന്ന ഓപ്പൺ ഫോറം, ചർച്ച ജൂറിമാർ നടത്തുന്ന വിലയിരുത്തലും മേളയുടെ പ്രത്യേകതയാണ്.

ഫെസ്റ്റിവൽ ഡയറക്ടർ കെ. വി. വിൻസെൻറ് മോഡറേറ്റർ ആയിരിക്കും. ഇൻസൈറ്റ് പ്രസിഡണ്ട് കെ. ആർ ചെത്തല്ലൂർ അദ്ധ്യക്ഷത വഹിക്കുന്ന ചടങ്ങിൽ വെച്ച് സംഗീത സംവിധായകൻ ജെറി അമൽദേവിന് പത്താമത് ഇൻസൈറ്റ് അവാർഡ് സമ്മാനിക്കും.

സംവിധായകൻ എം. പി. സുകുമാരൻ നായർ, നിരൂപകൻ ഡോ. സി. എസ്. വെങ്കടേശ്വരൻ, ഇൻസൈറ്റ് ജനറൽ സെക്രട്ടറി മേതിൽ കോമളൻ കുട്ടി എന്നിവർ അടങ്ങിയ  ജൂറിയാണ് അവാർഡിനായി ജെറി അമൽ ദേവിനെ തെരഞ്ഞെടുത്തത്. ചലച്ചിത്രകാരൻ ഫാറൂഖ് അബ്ദുൽ റഹിമാൻ, ലയൺസ്‌ ക്ലബ്ബ് പ്രസിഡണ്ട് ശ്രീരാം, മാണിക്കോത്ത് മാധവ ദേവ്‌, സി. കെ. രാമകൃഷ്‌ണൻ എന്നിവർ സംബന്ധിക്കും.

വിവരങ്ങൾക്ക് ബന്ധപ്പെടുക : 94460 00373 / 94960 94153 / 94474 08234.

- pma

വായിക്കുക: , , ,

Comments Off on ഇൻസൈറ്റ് ഡോക്യുമെന്‍ററി ഫെസ്റ്റിവൽ ഫെബ്രുവരി 16 ഞായറാഴ്ച

മുഗള്‍ ഗഫൂര്‍ അവാര്‍ഡ് പി. ബാവാ ഹാജിക്ക്

February 9th, 2025

p-bava-haji-gets-yuva-kala-sahithy-mugal-gafoor-memorial-award-2025-ePathram

അബുദബി : സാമൂഹ്യ – സാംസ്‌കാരിക – ജീവ കാരുണ്യ രംഗങ്ങളില്‍ നിസ്തുലമായ സംഭാവനകള്‍ നൽകി വരുന്ന വ്യക്തിത്വങ്ങൾക്ക് യുവ കലാ സാഹിതി അബുദാബി നൽകി വരുന്ന മുഗള്‍ ഗഫൂര്‍ സ്മാരക അവാര്‍ഡ് പി. ബാവാ ഹാജിക്ക് സമ്മാനിക്കും. ഫെബ്രുവരി 15  ശനി യാഴ്ച അബുദാബി കേരള സോഷ്യല്‍ സെന്ററില്‍ സംഘടിപ്പിക്കുന്ന ‘യുവ കലാ സന്ധ്യ 2025’ ന്റെ സാംസ്‌കാരിക സമ്മേളനത്തില്‍ കേരള സിവില്‍ സപ്ലൈസ് മന്ത്രി ജി. ആര്‍. അനില്‍ അവാര്‍ഡ് സമ്മാനിക്കും.

പ്രവാസ ഭൂമിയില്‍ നീണ്ട 56 വര്‍ഷത്തെ സേവനവും സാമൂഹ്യ-സാംസ്‌കാരിക മേഖലകളിലെ സംഭാവന കളും പരിഗണിച്ച്‌ കൊണ്ടാണ് പുരസ്കാരം സമ്മാനിക്കുന്നത്. ഭാരത സർക്കാരിന്റെ പ്രവാസി ഭാരതീയ പുരസ്‌കാര ജേതാവായ പി. ബാവാ ഹാജി ദീർഘ കാലമായി പ്രവാസ ലോകത്ത് തന്റെ സാമൂഹ്യ പ്രവർത്തനം തുടരുന്നു. നിലവിൽ ഇന്ത്യന്‍ ഇസ്ലാമിക് സെന്റർ പ്രസിഡണ്ട് കൂടിയാണ്.

അബുദാബി ഇന്ത്യന്‍ സ്‌കൂള്‍, മോഡല്‍ സ്‌കൂള്‍, ഇന്ത്യന്‍ ഇസ്ലാഹി ഇസ്ലാമിക് സ്‌കൂള്‍ തുടങ്ങിയ വിദ്യാഭ്യാസ സ്ഥാപന ങ്ങള്‍ സ്ഥാപിക്കുന്നതില്‍ അദ്ദേഹം  പ്രധാന പങ്ക് വഹിച്ചു. ഐ. ഐ. സി. യുടെ കീഴില്‍ ‘അല്‍ നൂര്‍ ഇന്ത്യന്‍ ഇസ്ലാമിക് സ്‌കൂള്‍’ ആരംഭിച്ചത് അദ്ദേഹ ത്തിന്റെ മികച്ച സേവനങ്ങളില്‍ ഒന്നാണ്.

- pma

വായിക്കുക: , , , , , , , , , , ,

Comments Off on മുഗള്‍ ഗഫൂര്‍ അവാര്‍ഡ് പി. ബാവാ ഹാജിക്ക്

മുഗള്‍ ഗഫൂര്‍ അവാര്‍ഡ് പി. ബാവാ ഹാജിക്ക്

February 9th, 2025

p-bava-haji-gets-yuva-kala-sahithy-mugal-gafoor-memorial-award-2025-ePathram

അബുദബി : സാമൂഹ്യ – സാംസ്‌കാരിക – ജീവ കാരുണ്യ രംഗങ്ങളില്‍ നിസ്തുലമായ സംഭാവനകള്‍ നൽകി വരുന്ന വ്യക്തിത്വങ്ങൾക്ക് യുവ കലാ സാഹിതി അബുദാബി നൽകി വരുന്ന മുഗള്‍ ഗഫൂര്‍ സ്മാരക അവാര്‍ഡ് പി. ബാവാ ഹാജിക്ക് സമ്മാനിക്കും. ഫെബ്രുവരി 15  ശനി യാഴ്ച അബുദാബി കേരള സോഷ്യല്‍ സെന്ററില്‍ സംഘടിപ്പിക്കുന്ന ‘യുവ കലാ സന്ധ്യ 2025’ ന്റെ സാംസ്‌കാരിക സമ്മേളനത്തില്‍ കേരള സിവില്‍ സപ്ലൈസ് മന്ത്രി ജി. ആര്‍. അനില്‍ അവാര്‍ഡ് സമ്മാനിക്കും.

പ്രവാസ ഭൂമിയില്‍ നീണ്ട 56 വര്‍ഷത്തെ സേവനവും സാമൂഹ്യ-സാംസ്‌കാരിക മേഖലകളിലെ സംഭാവന കളും പരിഗണിച്ച്‌ കൊണ്ടാണ് പുരസ്കാരം സമ്മാനിക്കുന്നത്. ഭാരത സർക്കാരിന്റെ പ്രവാസി ഭാരതീയ പുരസ്‌കാര ജേതാവായ പി. ബാവാ ഹാജി ദീർഘ കാലമായി പ്രവാസ ലോകത്ത് തന്റെ സാമൂഹ്യ പ്രവർത്തനം തുടരുന്നു. നിലവിൽ ഇന്ത്യന്‍ ഇസ്ലാമിക് സെന്റർ പ്രസിഡണ്ട് കൂടിയാണ്.

അബുദാബി ഇന്ത്യന്‍ സ്‌കൂള്‍, മോഡല്‍ സ്‌കൂള്‍, ഇന്ത്യന്‍ ഇസ്ലാഹി ഇസ്ലാമിക് സ്‌കൂള്‍ തുടങ്ങിയ വിദ്യാഭ്യാസ സ്ഥാപന ങ്ങള്‍ സ്ഥാപിക്കുന്നതില്‍ അദ്ദേഹം  പ്രധാന പങ്ക് വഹിച്ചു. ഐ. ഐ. സി. യുടെ കീഴില്‍ ‘അല്‍ നൂര്‍ ഇന്ത്യന്‍ ഇസ്ലാമിക് സ്‌കൂള്‍’ ആരംഭിച്ചത് അദ്ദേഹ ത്തിന്റെ മികച്ച സേവനങ്ങളില്‍ ഒന്നാണ്.

 

- pma

വായിക്കുക: , , , , , , , , , , , ,

Comments Off on മുഗള്‍ ഗഫൂര്‍ അവാര്‍ഡ് പി. ബാവാ ഹാജിക്ക്

ഭിന്ന ശേഷി വ്യക്തിത്വങ്ങൾക്ക് യുവ പ്രതിഭാ പുരസ്‌കാരം : അപേക്ഷകൾ ക്ഷണിച്ചു

February 5th, 2025

excellence-award-ePathram
തൃശൂർ : ശാരീരികവും മാനസികവുമായ പരിമിതി കളെ അതിജീവിച്ച് സമൂഹത്തിൽ സ്വന്തം ഇടം കണ്ടെത്തുകയും യുവ ജനങ്ങൾക്ക് പ്രചോദനം ആവുകയും ചെയ്ത യുവ പ്രതിഭ കൾക്ക് കേരള സംസ്ഥാന യുവജന കമ്മീഷൻ ‘യുവ പ്രതിഭാ പുരസ്‌കാരം’  നൽകി ആദരിക്കുന്നു.

പ്രതിസന്ധികളിൽ പതറി വീഴാതെ ഊർജ്ജം നൽകി മുന്നോട്ടു പോകുവാൻ യുവ ജനങ്ങളെ പ്രചോദിപ്പി ക്കുന്ന വർക്ക് അർഹമായ അംഗീകാരം നൽകുക എന്നതാണ് ഈ പുരസ്‌കാര ത്തിലൂടെ ലക്ഷ്യമിടുന്നത്. ഇതിനായി നാമ നിർദ്ദേശം നൽകു വാനും സ്വയം അപേക്ഷ സമർപ്പിക്കുവാനും കഴിയും.

പൊതുജനങ്ങളിൽ നിന്നും കിട്ടുന്ന നിർദ്ദേശങ്ങൾ പരിഗണിച്ച് വിദഗ്ധ ജൂറി യുടെ തീരുമാനത്തിനു വിധേയമായി മൂന്ന് പേർക്കാണ് യുവ പ്രതിഭാ പുരസ്‌കാരം നൽകുന്നത്. ജേതാക്കൾക്ക് 15000 രൂപയുടെ ക്യാഷ് അവാർഡും ബഹുമതി ശിൽപ്പവും നൽകും.

18  വയസ്സിനും  40 വയസ്സിനും  ഇടയിൽ പ്രായമുള്ള ഭിന്ന ശേഷി വ്യക്തിത്വങ്ങൾ ഫോട്ടോ ഉൾപ്പെടെ വിശദമായ ബയോഡേറ്റ official.ksyc @ gmail.com മെയിൽ ഐ. ഡി. യിൽ അയക്കാം. വികാസ് ഭവനിലുള്ള കമ്മീഷൻ ഓഫീസിൽ നേരിട്ടും അപേക്ഷ നൽകാം. അവസാന തീയ്യതി ഫെബ്രുവരി 8.

തപാൽ വിലാസം :
കേരള സംസ്ഥാന യുവജന കമ്മീഷൻ, വികാസ് ഭവൻ, പി. എം. ജി, തിരുവനന്തപുരം -33. (ഫോൺ: 0471-2308630).

- pma

വായിക്കുക: , , , , ,

Comments Off on ഭിന്ന ശേഷി വ്യക്തിത്വങ്ങൾക്ക് യുവ പ്രതിഭാ പുരസ്‌കാരം : അപേക്ഷകൾ ക്ഷണിച്ചു

അറബി ഭാഷ സംരക്ഷിക്കുന്നതില്‍ കേരളം വഹിച്ച പങ്ക് മഹത്തരം : സയ്യിദ് അലി അല്‍ ഹാഷിമി

January 21st, 2025

sayyid-ali-al-hashmi-present-literary-award-to-shihabuddin-poythum-kadavu-ePathram
അബുദാബി : അറബി ഭാഷയുടെ സംരക്ഷണത്തിനും സാഹിത്യ വികാസത്തിനും കേരള ജനത വഹിച്ച പങ്ക് മഹത്തരം ആണെന്ന് യു. എ. ഇ. പ്രസിഡണ്ടിൻ്റെ മത കാര്യ ഉപ ദേഷ്ടാവ് ശൈഖ് അലി ബിൻ അൽ സയിദ് അബ്ദു റഹിമാൻ അൽ ഹാഷ്മി.

ഭാഷ പഠിക്കുന്നതിലും അതിൻ്റെ ഔന്നിത്യം കാത്തു സൂക്ഷിക്കുന്നതിലും മലയാളി സമൂഹം കാണിക്കുന്ന ഉത്സാഹം ശ്രദ്ധേയമാണ്. അറബ് സാഹിത്യ കൃതികള്‍ ഇമാറാ ത്തില്‍ ജനകീയമാക്കുന്നതിലും കേരളീയ സമൂഹം ഏറെ ശ്രമിച്ചതായും അദ്ദേഹം പറഞ്ഞു.

അബുദാബി ഇന്ത്യന്‍ ഇസ്‌ലാമിക് സെന്റര്‍ സംഘടിപ്പിച്ച ലിറ്ററേച്ചര്‍ ഫെസ്റ്റിവലില്‍ ഐ. ഐ. സി. ലിറ്റററി അവാര്‍ഡ് എഴുത്തുകാരന്‍ ശിഹാബുദ്ദീന്‍ പൊയ്ത്തും കടവിന് സമ്മാനിച്ചു കൊണ്ട് സംസാരിക്കുകയായി രുന്നു അലി അൽ ഹാഷ്മി.

അറബ് നാടുകളും ഇന്ത്യയുമായുള്ള പുരാതന വാണിജ്യ ബന്ധത്തിലൂടെ വളര്‍ത്തിയെടുത്ത സാംസ്കാരിക പൈതൃകം ഇന്നും കേരള ജനത കാത്തു സൂക്ഷിക്കുന്നു.

അറബ് ദേശത്തോട് ചേര്‍ന്ന് നിന്നു കൊണ്ട് കേരളം അഭിമാനകരമായ വളര്‍ച്ചയാണ് കൈവരിച്ചത്. നിരവധി തവണ കേരളം സന്ദര്‍ശിക്കാനുള്ള അവസരം ലഭിച്ചു. കേരളം അറബ് സമൂഹത്തോടും അറബി ഭാഷയോടും കാണിക്കുന്ന സ്‌നേഹവും വാത്സല്യവും നേരില്‍ അനുഭവിക്കാന്‍ കഴിഞ്ഞു.

ഇന്ത്യന്‍ സ്വാതന്ത്ര്യത്തിന് വേണ്ടി ഗാന്ധിജിയുടെ നേതൃത്വത്തിലുള്ള സമര പോരാട്ടം അഭിമാനത്തോടെ ഓര്‍ത്തെടുക്കുകയാണ്. യു. എ. ഇ. യുടെ രാഷ്ട്ര പിതാവ് ഇന്ത്യന്‍ ജനതയോട് കാണിച്ചിരുന്ന സ്‌നേഹം ഇവിടെ സ്മരിക്കുകയാണ്.

സയ്യിദ് മുഹമ്മദലി ശിഹാബ് തങ്ങളുമായി അദ്ദേഹം നല്ല ബന്ധം കാത്തു സൂക്ഷിച്ചിരുന്നു. സയ്യിദ് സാദിഖലി ശിഹാബ് തങ്ങള്‍ അടക്കമുള്ള പുതിയ തലമുറയുമായി ആ ബന്ധം തുടരുന്നു. കേരള സമൂഹത്തോട് ഇമാറാത്ത് എല്ലാ കാലത്തും ഊഷ്മളമായ അടുപ്പം കാണിക്കും എന്നും അദ്ദേഹം കൂട്ടിച്ചേര്‍ത്തു.

മാപ്പിള ഹെറിറ്റേജ് ലൈബ്രറി പ്രസിദ്ധീകരിച്ച അറബി മലയാളം ബിബ്ലിയോഗ്രഫി പ്രകാശനം സയ്യിദ് അലി അല്‍ ഹാഷിമി, അബൂബക്കര്‍ കുറ്റിക്കോൽ എന്നിവർ ചേർന്ന് നിർവ്വഹിച്ചു.

ചടങ്ങില്‍ ഇന്ത്യന്‍ ഇസ്‌ലാമിക് സെന്റര്‍ പ്രസിഡണ്ട് പി. ബാവാ ഹാജി അദ്ധ്യക്ഷത വഹിച്ചു. ജനറല്‍ സെക്രട്ടറി ടി. ഹിദായത്തുല്ല പറപ്പൂര്‍ സ്വാഗതം പറഞ്ഞു.

ചന്ദ്രിക മുന്‍ പത്രാധിപര്‍ സി. പി. സൈതലവി, അബ്ദുറഹ്മാന്‍ മങ്ങാട്, അബുദാബി പൊലീസ് പ്രധിനിധി കളായ അലി സബീല്‍ അബ്ദുല്‍ കരീം, ആയിഷ ഷെഹ്ഹി, യു. അബ്ദുല്ല ഫാറൂഖി, അബൂബക്കര്‍ കുറ്റിക്കോല്‍, ബി. സി. അബൂബക്കര്‍, അഷ്‌റഫ് തൂണേരി തുടങ്ങിയവർ സംബന്ധിച്ചു.

- pma

വായിക്കുക: , , , , ,

Comments Off on അറബി ഭാഷ സംരക്ഷിക്കുന്നതില്‍ കേരളം വഹിച്ച പങ്ക് മഹത്തരം : സയ്യിദ് അലി അല്‍ ഹാഷിമി

Page 3 of 9812345...102030...Last »

« Previous Page« Previous « പയ്യന്നൂർ സൗഹൃദ വേദിക്കു പുതിയ നേതൃത്വം
Next »Next Page » വിലയില്‍ വന്‍ കുതിപ്പ് : സ്വർണ്ണത്തിനു സർവ്വ കാല റെക്കോർഡ് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha